Lucas 14:11 - Biblia Dc en Mixe de Quetzaltepec

¹¹ Pën nämyëjpëjktakëp kë'ëm, yë Dios mutsk yajnaxa'anyë, pën yu'unk naxym näpyëjktakëp, mëj'äämpy yë Dios yajnaxa'anyë.

Biblia Mixe de Quetzaltepec

¹¹ Pën nämyëjpëjktakëp kë'ëm, yë Tios mutsk yajnaxa'anyë, pën yu'unk naxym näpyëjktakëp, mëj'äämpy yë Tios yajnaxa'anyë.

Lucas 14:11 Iomraidhean Croise

2 Samuel 22:28

Myajnitsokpy yë ja'ay mëti'ipë yu'unk naxym ja'ay'ajtpën, e ja mëti'ipë mëj këjxm näjya'awëyëpën ni'ikyë xyaj'ëyoowtëkë.

Ester 6:10

Ënet ja yajkutujkpë t'ënëmaay ja Amán: Oy jëtu'un të m'ëna'any. Tyam ënät mijts n'ënëëmë ets tim poj'am nëjkx xyjyuuty jap yë wit mëti'ipës njä'ä'ajtypyën ets nëjkx xyajtsoony ja kwaay, xox yë Mardoqueo, ja Jutiiyë ja'ayën mëti'ipë jap tëjk ëkë'p ënyääpyën ets jëtu'un xytyunëty tä të m'ëna'anyën. Nitu'uk mëpaat xykyayajninaxy.

Job 22:29

Jä'ä ko yë Dios nyaaxkutij nyaaxkumajtsëp mëti'ipë amëj akëjxm näjya'awëyëpën ets yajtsokpy mëti'ipë yu'unk naxym yajpatpën.

Salmos 138:6

Oyxyëp yë Wintsën jam y'ëkyajpaaty këjxm, yë'ë wa'ats t'ixy tuny mëti'ipë ja'ay yu'unk naxym juukyajtpën, ets nän jëkämpaat t'ixy tuny yë ja'ay mëti'ipë amëj akëjxm ja'ay'ajtpën.

Salmos 18:27

Mijts myajnitsokpy yë ja'ay mëti'ipë yu'unk naxym juuky'ajtëpën, e mëti'ipë mëj këjxm näjya'awëtëpën naxym xyajnaxy.

Proverbios 15:33

Ko yë Dios yajmëjpëjktä'äky yë'ë tukpatp wijyajtën; ko ja'ay mëj'äämpy nyaxa'anëty jëyëjp mëpaat yu'unk naxym nyäxy.

Proverbios 18:12

Ko ja'ay nyämyëjjawëty jää nyäyajtëkoyë, e ko ja'ay yu'unk naxym nyäyaj'ityë, jää wyimpety.

Proverbios 25:27

Ka'ap y'oyëty ko ja'ay kom uuxpa'ak t'uuky, jëtu'un tä ka'ap y'oyëtyën ko ja'ay yi'iyë t'ixta'ay wi'ix mëj'äämpy y'itëtyën ets wi'ix kumay nyaxëtyën.

Proverbios 29:23

Mëti'ipë ja'ay mëj këjxm näjya'awëyëpën, o'ktëy muum jyäty; e mëti'ipë yu'unk naxym näpyëjktakëp;, oyjya'awëyëp ja'ay.

Isaías 2:11

Ja mëti'ipë ënety amëj akëjxm të nyäjyawëtën, winta'ak naaxkow yajpaata'antë; mëti'ipë mëj'äämpy të y'itën je'eyë nëjkx yaj'atään yajtuktääntë. Yë'ënëm ja Wintsën nëjkx ja myëj'ajtën tyaj'ixyë,

Isaías 2:17

Ja ja'ayëty mëti'ipë nämyëjja'aw näjyääntyja'awëtëpën ets mëti'ipë amëj akëjxm ja'ay'ajtëpën je'eyë nëjkx yaj'atään yajtuktääntë. Yi'iyë yë Wintsën yë myëj'ajtën nëjkx yaj'ixy jä'ä xëëw,

Isaías 57:15

Yë Wintsën këjxmëpë yajpaatyën, mëti'ipë winë xëëw winë jëmëjt juukyajtpën, ets jä'ä txëëwaty Wa'ats, jëtu'un y'ënä'äny: Këjxmës nyajpaaty ets jamës nyajpaaty ma kyënu'kxyëtyën, yajpatpës näjyëtu'un ma ja'ayën mëti'ipë yu'unk naxym juukyajtpën ets mëti'ipë jëëpy yaxpën, täätsës nyajjotkujktä'äky ets njotmëkmo'oy.

Mateo 23:12

Jä'ä ko mëti'ipë kë'ëm nämyëjpëjktakëpën naxym nëjkx yajpëjktä'äky, e mëti'ipë yu'unk naxym näpyëjktakëpën, mëj nëjkx nyäxy.

Lucas 1:51

Tëë ja myëk'ajtën tyaj'ixyë, tëë tyaj'atëkoy mëti'ipë ënety të tjatuknipëjktaakëtën ja mëjpë këjxmëpë jyä'äy'atën.

Lucas 1:52

Tëë tpëjkë ja yajkutujkpëtëjk ja kyutujkën, ets të tyajmëjnaxy ja ayoopë ja'aytyëjk.

Lucas 14:12

Tääts ja Jesús t'ënëmaay näjyëtu'un ja ja'ay mëti'ipë ënety kääpyë të wyoyën: Ko pën xyajkaya'anëty, ka'ap yë'ë xywowëty mëti'ipë mëët mnämyäyën, ni ja mmëku'uktëjk, ni kumeenyjyä'äytyëjk mëti'ipë mmëjëën'ajtyp mmëtëjk'ajtypyën; jä'ä ko pën yë'ë mwoopy, nëjkxëp näjyëtu'un mwoyë kääpyë ets yë'ë xykyuma'ayën'atëty.

Lucas 18:14

Tääts ja Jesús y'ënäny: Jëtu'un miits nëëmëtë ko ja yajkukëpäjtpë ojts ja Dios kyupëkyë ijxtëm tu'uk ja wa'ats ja'ayën, e ja fariseë ja'ay ka'ap yajkupëjky. Jä'ä ko mëti'ipë ja ja'ay kë'ëm näkyumaayëpën naxym yajpëjkta'aka'any; e mëti'ipë naxym näpyëjktakëpën, yë'ë mëj'äämpy naxaanp.

Santiago 1:9

Ja nmëku'uk'ajtëm mëti'ipë yaj'ëyow yaj'ama'atën, jotkujk mëpaat nyäjyawëty ko Dios yajmëjnaxyë;

Santiago 4:10

Näypyëjkta'akëtë yujy tëtä'äky ma Tiosën ets yë'ë mëj mpëjkta'akëtëty.

Santiago 4:6

Ets ka'ap yi'iyëty ya'atë, wäänëni'ik ja Dios ja mëyajtën tuny ma ëëtsajtëmën ets xypyutëjkëmë, paaty ja Dios ja y'aaw y'ayuk këxja'aypyë y'ënä'äny: Dios tyukjoot'anpëjkpy ja ja'ay mëti'ipë mëj këjxm nnäyjya'awëyëpën ets pyutëjkëp mëti'ipë yujy tëtä'äky ja'ay'ajtpën.

1 Pedro 5:5

Näyjyëtu'un miits ëna'ktëjkëty, mëmëtowtëp ja mëjja'aytyëjk ja y'ënä'ämën tyiyajtënëty. Nixim niyam mëpaat yu'unk naxym mnämyëmëtowëtë. Jä'ä ko yë Dios ka'ap t'oyjyawë mëti'ipë nämyëjja'aw näjyääntyjya'awëyëpën, yë'ë pyutëjkëp mëti'ipë yu'unk naxym ja'ay'ajtëpën.

1 Pedro 5:6

Yujy tëtä'äky näpyëjkta'akëtë Dios kyë'ë'am ets ja Dios mmëjpëjkta'akëtëty ko ënety ja tiempo tpaaty.

1 Samuel 15:17

Tä ja Samuel y'ënëmaayë: ¿Ti këtiijën ënety mnätyijyë ko mijts ka'ap tii xykyëjxmëtyë? tyam ënä'ämpë myajpatnë ma Israel ja'ayëtyën, ko ja Wintsën mpëjktakë ets myajkutukëty.