Lucas 13:27 - Biblia Dc en Mixe de Quetzaltepec

²⁷ Ets myaj'ëtsowtëty: Tëës nnikäjpxy ko ka'apës nijawë mpën miitsëty. Jëwa'aktë ni'ëmukë mëti'ipë tyuuntëpën ja ëxëëkpë.

Biblia Mixe de Quetzaltepec

²⁷ Ets myaj'ëtsowtëty: Tëës nnikäjpxy ko ka'apës nijawë mpën miitsëty. Jëwa'aktë ni'ëmukë mëti'ipë tyuuntëpën ja ëxëëkpë.

Lucas 13:27 Iomraidhean Croise

Salmos 1:6

Yë Dios Kyëwent'ajtyp yë wa'ats ja'aytyëjk yë nyë'ë tyu'u; e ja ëxëëkja'aytyëjk ja nyë'ë tyu'ujëty jam ja nitëyë nyijkxy ëyo'onjotm.

Salmos 101:8

Winjëpom nyaj'ëwaanëja'anyës yë ja'ayëty mëti'ipë ëxëëk ëtëtstëp ënantëpën ma naax kajpnën; Nyajjëwa'akäämpyës yë ëxëëk tuunpë ëxëëk kajpxpë ma Wintsën yë nyaax kyajpnën.

Salmos 119:115

Winwa'ktutëkës miitsëty ëxëëkja'aytyëjkëty, ëjts Tiosës yë y'ënä'ämën tyiyajtën npatunanëp.

Salmos 125:5

Mëti'ipë ja në'ë tu'u ëxëëkpë kyuuynyëjkxtëpën, wä'än ëxëëk tjatë tä ja ëxëëkja'ayëtyën. Wä'än tjam'aty ja jotkujk'ajtën ma Israel kajpnën.

Salmos 28:3

Këtii xy'a'ixëty etsës jëtu'un njatëty tä yë ëxëëkja'ayëtyën, ka'apës mëpaat näjyëtu'un yë xëëw jëmëjt xytyukminy xytyukkëtä'äky ëxëëk tä jyatën mëti'ipë ëxëëk ëtëtstëp ënantëpën, mëti'ipë wiinkë'ëy akë'ëy oyjyä'äy näpyëjktakëtëpën e jyootjoty wyinma'anyjoty tëkatsy jap myäytyë tyajtë.

Salmos 5:6

Myajkutëkoopy ja win'ë'ëmpë antakpë, ets ka'ap xykyupëky mëti'ipë ja myëku'uk y'ayäjkpy kyë'ëyäjkpyën ma ja ëxëëkpën ets mëti'ipë yajja'ay'o'kpën.

Salmos 6:8

Mëjëkämkäktëkës, miitsëty, ëxëëkpë tii xytyuntën xykyajpxtën, yë Wintsën tëë tmëtoy koos një'ëy nyä'äxy.

Oseas 9:12

Oy ënety jya'u'unk ijxtëpë, mpëjkëjantëpës yë'ëjëty këtiipë nitu'uk tmëwë'ëmtëty. Mon tuk tääpë ja'ay yajpaata'antë koos ënety n'ëxmatstë.

Mateo 25:12

Tääts ja ye'etyëjk pëjkpë y'ëtsooy: Tëy n'ënëëmëtë, miits ka'ap n'ixy'atë.

Mateo 25:41

Ënet ja yajkutujkpë t'ënëëmëja'any ja ja'ayëty mëti'ipë yajpatëpën anajnytsyow: Winwa'ktutëkës, miitsëty yë'ë mpat mnitëjkëyëtëp ets ëxëëk mjatëty, nëjkxtë jap jëënjoty ma jëën nijëna'a kyapi'itsyën, mëti'ipë të yajtuknipëjktaakën yë mëjku'u mëët yë y'anklëstëjk.

Lucas 13:25

Ko ja kutëjk pyëtë'ëkëty ets ja tëjk'aaw tyaj'ëtukëty, pën jap ënety miits të mwë'ëmtë tëja'p, mjaakukajpxëtëp ma ja tëjk'aawën ets mja'ëna'antëty: Wintsën, yaj'ëwa'ats yë tëjk'aaw, tëkëjantëpës. Ënet ja kutëjk m'ëtsowëtëty: ka'apës nijawë mpën miitsëty.

1 Corintios 8:3

Pën ja Dios tsyojkpy jya'ap, nija'awëyëp ja Dios.

Gálatas 4:9

E tyam ko ja Dios të xynyijawëtë, ëkë n'ëna'anmëty ko ja Dios të mnijawëtë, ¿wi'ix miits xykyupëjkojnëtëpë ja winma'any mëti'ipë ka'ap tsyoowpaatyën ets je'eyë yaj'ëyoy yajjotëkoy? ¿Yë'ë jëtää miits mtsojktëp ets mëtuunpë m'awinpitëty jatëkokë?

2 Timoteo 2:19

E Dios tëë tu'uk ja potsy ëjx tpëjktä'äky ta'tspëkpyë, ma kyëxja'ayëtyën: Wa'ats ja Dios t'ixy'äty mëti'ipë jyä'ä'ajtypyën, ets Ni'ëmukë mëti'ipë kyajpxpatëpën ja Wintsën ja xyëëw, näjyëpëkëtëp ma ja ëxëëkpën.