Lucas 13:19 - Biblia Dc en Mixe de Quetzaltepec

¹⁹ Jëtu'un yë'ë ijxtëm ja mostasë pajkën mëti'ipë ja'ay wyijpyën kyamjotm. Ko myuxy ets yony ijxtëm tu'uk ja kepyën, jam ja joon ja pyä'än tpëjkta'aktë ma ja y'ääy xye'entyën.

Biblia Mixe de Quetzaltepec

¹⁹ Jëtu'un yë'ë ijxtëm ja mostasë pajkën mëti'ipë ja'ay wyijpyën kyamjotm. Ko myuxy ets yony ijxtëm tu'uk ja kepyën, jam ja joon ja pyä'än tpëjkta'aktë ma ja y'ääy xye'entyën.

Lucas 13:19 Iomraidhean Croise

Cantares 4:12

Mijts to'oxytyëjk, mëti'ipës mpëkäämpyën, ëtuky mijts myajpaaty, jëtu'un ëtuky m'ity tä yë nëëkopk ëtuky y'ityën, tä yë nëëkopkën mëti'ipë ku'ëtsa'ayën;

Cantares 4:16

Mijts poj mëti'ipë anëkëjxytsyow tso'onpën ëkwij. Mijts poj mëti'ipë ëpa'tkë'ëytsyow tso'onpën Min yaatsow. Pojtë jam maas yë mpëjykyamën ets xyajpojwa'kxtëty yë pa'akxu'k pa'ak jojkën. Min mijts ye'etyëjk, mëti'ipës ntsojkpy nja'apën, ma mpëjykyamën ets xyjyë'kxëty mëti'ipë jam mkamjotm ijtp wintëëpën.

Cantares 6:2

Yë ye'etyëjk mëti'ipës ntsojkpy nja'apën jam të nyijkxy pëjykyamjotm, ma ja pëjykyamën mëti'ipë pa'akpëjy kyamjotm xu'kp jojkpën, yë'ë jam yaj'ojkpy yë kyupixyny ets yë'ë jam tyukäämpy yë pëjy.

Cantares 8:13

Nmëtowäämpyës yë m'aaw m'ayuk, mijts to'oxytyëjk mëti'ipë mnikutujkpë'ajtypyën yë pëjykyam. Yë ja'ayëty mëti'ipë mëët oy nämyä'äyëmën yë'ë myëtowantëp.

Isaías 53:1

¿Pën jëtää y'ëkmëpëkäämpy mëti'ipë të nmëto'owëmën? ¿Pën jëtää të t'ëk'ijxpë ja Wintsën ja myëk'ajtën?

Isaías 53:10

Ja Wintsën ojts mëk yaj'ëyoyë mëët ja pëjkën ijxën. E yë'ëkyëjxm ko nyäkyë'ëyajkë tä tu'uk wintsë'kënën, winë xëëw winë jëmëjt jyuuky'ata'any ets y'ixäämpy ja y'u'unk y'ok, mëët yë'ëkyëjxm nëjkx oy wyimpëtsëmy jyëjpëtsëmy mëti'ipë ja Wintsën të tuknipëjktaakën.

Isaías 58:11

Ëjts mijts xëmë ntu'uwinwowäämpy, je'eyëm nyajkayä'äny nyaj'uuka'any oy ënety muum të'ëts'itum myajpaaty; ets ja mjot mnini'kx amëk jotmëk yajpaatëty, jëtu'un y'ita'any tä tu'uk pëjykyamën mëti'ipë xëmë xo'kpën, ëkë tä nëëkopkën ma nëë xëmë pyëtsëëmtëyën.

Isaías 61:11

Jä'ä ko jëtu'un tä yë aay ujts yoontä'äkyën naaxwiiny ets ënät jyiitsy jam kamjotm, jëtu'un yë Wintsën tyaj'ita'any yë jyä'äy ets myëta'aktëty xëmë, ets y'ëwtëty ya'axtëty mëët ja jotkujk'ajtën.

Isaías 9:7

Ets jam nyaaxwäätsa'any ma ja David ja kyutujktaknën; këjääjëjaanp ja y'ënä'ämën kyutujkën, ja jotkujk'ajtën ka'ap nëjkx nijëna'a kyixy nyäxy; ja kyutujkën ta'tspëky nëjkx yajpaaty, nëjkxëp tuny ja oypyë nipaye'eyën ets ja tëypyë jaantypë winë xëëw winë kyëjxm. Mëët ko yë Wintsën tmëët'aty yë tsojkën ja'awën, mëti'ipë maaytyääyëpën winë, paaty nëjkx jëtu'un tyunyë jyätyë.

Jeremias 31:12

Minantëp yaa ma Sión kajpnën ets y'ëwa'antë akujk jotkujk, yë'ë tyukxoonta'akantëp ko ënety ja Wintsën të myo'ojëtë ja tsajpmok, ja tsatym nyëë tëëpë nyimaanaxyën, ja olivë on, ja kupixyny ets tsajpkaa. Jëtu'un nyaxa'antë tä tu'uk kam tu'ujën mëti'ipë xëmë yajnëëkuwoopën, këtiipë myëjaawkëxtëty.

Ezequiel 31:6

Yë joon mëti'ipë muum tso'ontëpën tëë pyä'än jam t'oytyuntë; yë aayjëyujk ujtsjëyujk tëë jam y'u'unk tyajmëxu'unk'atë kepypya'tkë'ëm. Ma nyinikën jyëkyejpy jam yë naax kajpn nyäpyëjkta'akëtëty.

Daniel 4:12

Oy jyänty yaj'ixy ja y'ääy ets nëkooyë myäy'ajnë, jyëkyejpy ja aayjëyujk ujtsjëyujk jam jyi'kxypyata'atëty. Jam ja jëyujk tpa'tma'a tpa'tpo'kxtë ma nyinikën, ja joon jëyujkëty jëtu'un ja pyä'än jam tjanty y'oytyuntë ma ja kepyxye'entyën ets aak ja yaj'ixy jyi'kxypyata'atëty tëkokyë jënu'un winë jyuuky'ätyën.

Daniel 4:21

mëti'ipë janty oyëty ja y'ääyën ets may ja tyëëm ets jyi'kxypyata'atëty tëkokyë mëti'ipë juuky yajpatëpën, ma y'amin y'a'ookëtën ja aayjëyujk ujts jëyujkëty, ma ja pyä'än tpëjkta'aktën ja joonëty,

Zacarías 2:11

Ko ënety jëtu'un tyunyë jyätyë, may yë naax kajpn tnimina'any yë Wintsën. Ets Wintsën nëjkx y'ënä'äny: Tyaapë kajpnëty nän ëjts yë nkajpn. Ënätës nëjkx ntsëënë ma miitsëtyën. Jëtu'un nëjkx xywyinjawëtë ko yë Wintsën mëti'ipë maaytyääyëpën winë yë'ëjës të xykyexy.

Mateo 17:20

Tääts ja Jesús y'ënëmaayëtë: Jä'ä ko miitsëty ka'ap oy mmëpëktë. Tëy n'ënëëmëtë, ko jeexyë mmëpëktë, oy tyim yi'inëmëty, jëtu'un tä mostasë pajkën, mnëmaaytyëp jeexyë xiipë kopk: Jëwa'ak yaa, ximtsow nëjkx ets ja kopk jëwa'kp ja jeexyë. Nitii jeexyë tsip xykyajawëtë.

Marcos 4:30

Näyjyëtu'un y'ënäny: ¿Tii mëtyä'äky ntukmë'ijxkijpxmëp ja Dios ja kyutujkën?

Lucas 17:6

Tääts ja Wintsën y'ëtsooy: Ko jeexyë miits yë mëpëjkën xy'ëkmëët'atë ijxtëm yë mostazëpajkën, jyëkyejpy jeexyë xy'ënëëmëtë ya'atë kepy: Pëtë'ëk yaa mëët yë mtikts ets mwa'ak'oyëty mejyoty, ets mmëmëtoowëtëp jeexyë.

Hechos 2:41

Mëti'ipë myëpëjktën ja aaw ayuk mëti'ipë ja Pedro nyikajpxën, ënätyë ojts nyëëpätë. Jä'ä xëëw, nitëkëëk milën ojts ja ja'ay nyäpyäätyë.

Hechos 21:20

Ko jëtu'un tmëtoowtë, tää ja Dios tmëjja'aw tjaantyjya'awëtyë ets ja Pablo t'ënëmaaytyë: Mëku'uk, tää xy'ixy ko yë jutiis ja'ayëty nimay tmëpëktë yë Jesús, e yë'ëty jëtu'un y'ëna'antë ko kopkpëky ko ja Moisés ja y'ënä'ämën yajpatunëty.

Hechos 4:4

May ja ja'ay myëpëjktë mëti'ipë ënety të tmëtowtën ja aaw ayuk; ja mëpëjkpëtëjkëty, yi'iyë ye'etyëjktëjkëty, jä'ä nyimay'ajtë mëkoxk mil.

Romanos 15:19

ets mëët yë myëk'ajtën ja Kënu'kxymyëkajtën ko yajtuny ja mëj'ajtën. Jëtu'unës të nkajpxwä'kxy ja oy aaw oy ayuk ma ënety ka'anëm ja Kristë yajnimëtyä'äkyën, jam Jerusalén ets Lirië y'itjotm.

Apocalipsis 11:15

Ko ja mëwëxtujkpë ja tsajpjotmëtë kukäjpxy tukxuxy ja pujxnxuxn, ënät kanaakpëky ja mëto'owën mëk yajmëtooy jam tsajpjotm ets y'ënä'äny: Tëë ja Wintsën ets ja Kristë tyajtso'onta'aktë ja kyutujkën naaxwiiny ets yajkutuka'antë xëmëkyëjxm.