Lucas 12:7 - Biblia Dc en Mixe de Quetzaltepec

⁷ E miitsëty, mwaaypyaat yë Dios mëtyoy tyaj'ity. Paaty ka'ap mtsë'ëkëtëty, wäänëni'ik miits mtsoowpaatë këtiinëm yë joon.

Biblia Mixe de Quetzaltepec

⁷ E miitsëty, mwaaypyaat yë Tios mëtyoy tyaj'ity. Paaty ka'ap mtsë'ëkëtëty, wäänëni'ik miits mtsoowpaatë këtiinëm yë joon.

Lucas 12:7 Iomraidhean Croise

2 Samuel 14:11

E ja to'oxytyëjk ni'ikyë y'ënaan'ëtë'ëtsy: Tyamës yë Wintsën yë xyëëw nkajpxpatë ets mijts nmënu'kxtä'äky ma yaa m'ëne'emyën myajkutukyën ets xymyëpëjktsowëty yë Wintsën ets jyä'äkyukëty ja nmëku'uktëjkës, këtiipë ja ëxëëk winma'any tpaatëty tyaj'ookantëpëty ja wiinkpë ja nmaankës, mëti'ipë je'eyë tu'uk jaakwë'ëmpën. Tä ja ënä'ämpë tnikajpxëy: Tyam yajxon n'ënëëmë mëët ja Wintsën ja xyëëw ko yë mmaank nitii kyajata'anyë jëtu'un tä jeexyë kyuwaay nitu'uk kyaka'ayën.

Job 35:11

mëti'ipë xyaj'ijxpëjkëmën ets winë xytyukjajtëmë mëët yë aayjëyujk ujtsjëyujk ets joon jëyujk.

Salmos 8:6

tëë xymyo'oy ja kuttujkën, ma tëkokyë winë të xyajkojyën, mëj'äämpy të xypyëjktä'äky ma winëjatyën,

Mateo 12:12

Wäänëni'ik ja ja'ay tsyowpaaty këtiinëm ja kupixyny. Jëtu'unts kyutuky ko mëpaat yë oypyë ntu'unmëty säpëtë xëëw.

Mateo 6:26

Ixtë ja joon mëti'ipë kääkjëtijtëpën pojotm: Ka'ap nyi'iptë kyojtë ets ka'ap tiipëjktä'äky tyajpëtë'ëktë ets muum tpëjkë'ëktë tëkoty, miits yë mTeetyëty tsajpjotmëpë yë'ë putëjkëtëp ets jyi'kxypyaatëty. Miitsëty wäänëni'ik mtsoowpaatë këtiinëm yë joonëty.

Lucas 21:18

E miitsëty nitii mkajata'anëtë, nitu'uk ja mwaay kyaka'aja'antë.

Hechos 27:34

Mkaytyëp m'uuktëp ets ja mmëjaaw xypyëktëty ets mjaakjuuky'atëty, ka'ap pën wi'ix jyata'any.

1 Samuel 14:45

Ënet ja naax kajpn ojts t'ëtsoy ja Saúl: Wi'ix ko y'ëk'o'kpëty yë Jonatán, pën mëët yë'ëkyëjxm yë Israel ja'ayëty tyam të myëta'aktë, tääpë winma'any ka'ap tyunëty. Jëtu'un tä yë Dios jyuukyëtyën, yë Jonatán nitu'uk yë kyuwaay kyanëëka'ajëty. Jä'ä ko mëti'ipë tyam të tunyën yë'ë Wintsën të pyutëkëty. Jëtu'un'äämpy ja naax kajpn ojts tnikajpxtu'uty ja Jonatán ets ka'ap y'o'ky.