Lucas 12:41 - Biblia Dc en Mixe de Quetzaltepec

⁴¹ Ënet ja Pedro tyajtëëy ja Jesús: Wintsën, ¿ëëts je'eyë xytyukmëmëtyaktëp winë mëët yë ijxpäjtën, ëkë näjyëtu'un wiinkëtypë ja'ayë?

Biblia Mixe de Quetzaltepec

⁴¹ Ënät ja Pedro tyajtëëy ja Jesús: Wintsën, ¿ëëts je'eyë xytyukmëmëtyaktëp winë mëët yë ijxpäjtën, ëkë näjyëtu'un wiinkëtypë ja'ayë?

Lucas 12:41 Iomraidhean Croise

Marcos 13:37

Mëti'ipë miits yam ntuk'ëwa'anëtëpën, nän tëëjës yë ja'ay ntuk'ëwa'anëtya'atë: Juuky itë.

Marcos 14:37

Tääts wyimpijty ma jam ja y'ijxpëjkpëtëjkëtyën, ets tuk'ijxpejty ko maatëp ënety jam. Tääts t'ënëmaay ja Pedro: Simón, ¿tëë mmaanaxyë, tii këtii mëtä'äky ets wijy m'itëtyë?

Lucas 12:47

Ja tuunpë mëti'ipë nyija'apën wi'ix ja wintsën tjatsoky je'eyëp ko ka'ap tjëjp'ixy ets nän ka'ap tmëmëtoy wi'ix të y'ëne'emyën; yajxon nëjkx yajtsaatytyuny ets kanaak ok nëjkx yajwopy.

Lucas 12:48

E pën ja tuunpë ka'ap timnyija'apë pën wi'ixtëm ja wintsën tjatsokyën ets ka'ap tjëjp'ixy ets ka'ap jëtu'un winë tuny ijxtëm jyapaatë'atyën, wäänë yajktukëpätëty; ka'ap nëkoo yajtukwopëty. Pën tii may yajmoopy, näjyëtu'un yaj'amëtowëty may'äämpy. Pën tii wäänë yajmoopy, näjyëtu'un wäänë yaj'amëtowëty.

1 Pedro 4:7

Winkoomp ja xëëw ma ja naaxwiinyëtë kyëxanën, paaty miits wijy kujk itë ets ja'amyätstë ja Dios.

1 Pedro 5:8

Näy'ijx'itëtë ets wijy kejy näyaj'itëtë. Jëtu'un miits ja mëjku'u ix'am mpajëtitëtë ijxtëm ja kaa muup ni'tsp ja jyi'kxy t'ixta'ayën.