Lucas 12:12 - Biblia Dc en Mixe de Quetzaltepec

¹² jä'ä ko ënety mkajpxa'antë, yë'ë ja Kënu'kxymyëkajtën nëjkx mwinma'anymyo'ojëtë ets mkajpxtëty oy.

Biblia Mixe de Quetzaltepec

¹² jä'ä ko ënäty mkajpxa'antë, yë'ë ja Kënu'kxymyëkajtën nëjkx mwinma'anymyo'ojëtë ets mkajpxtëty oy.

Lucas 12:12 Iomraidhean Croise

Éxodo 4:11

E yë Dios tyaa ojts y'ëtsoyë: ¿Pën yë ja'ay të myo'oyë yë y'aaw? ¿Tii këtii y'ëjtsëty yë ja'ay të nyajkojyësë, oy yë'ëjëty mëti'ipë uumën, mëti'ipë natën, mëti'ipë wiintsën ets mëti'ipë ijxpënë?

Éxodo 4:12

Paaty nëjkx tyam, ëjts mijts njämyëët'atäämpy, ko ënety mkajpxa'any mëtya'aka'any, ëjts mijts ntukni''ixëp tii mkajpxëp mëtya'akëpën.

Mateo 10:19

Ko myajkë'ëyaktëty ma ja yajkutujkpëtëjkën ëkë ma ja kutuunkën, ka'ap xymyëmay xymyëtajtëty wi'ix m'ëna'antëty ëkë pën tii mkajpxtëp, ma ënety miits mtimkyajpxa'antën jää nëjkx myajmo'otë ja aaw ayuk mëti'ipë mkajpxtëpën,

Mateo 10:20

jä'ä ko ka'ap yë'ëjëty xykyajpxa'antë mëti'ipë kë'ëm mmaay mtajtëpën, ja Dios Teety ja jya'awën miits myajkajpxanëtëp.

Lucas 12:13

Tääts tu'uk ja ja'ay ojts t'ënëëmë ja Jesús mëti'ipë ënety jamën mayja'ayjotm: Wintsën, ënëëmë yë nmëkä'äxës wä'änës xymyo'oy ja kuma'ayën mëti'ipës xypyaat'ajtpën.

Lucas 21:15

Ëjts miits ja winma'any ets ja ayuk nmo'ojantëp wijypyë kejypyë mëti'ipë mkajpxtëpën këtiipë ja mmëtsip mëmëta'akëtëty ets këtiipë wyinma'anypyaatëty wi'ix myaj'ëmonëtëty.

Hechos 4:8

Tääts ja Kënu'kxypyë Mëk'ajtën ja Pedro tyukëtakë ets t'ëtsooy: Wintsëntëjkëty, mëjja'aytyëjkëty,

Hechos 6:10

je'eyëp ko ka'ap tmëmëtaktë ja Esteban, jä'ä ko ja Esteban wijyajtën mëët kyäjpxy ets yë'ë winma'anymyooyëp ja Kënu'kxymyëkajtën.

Hechos 7:55

Ja Esteban mooyë ja Kënu'kxymyëkajtën ja kuttujkën ets ja winma'any ets tunëty mëti'ipë ja Dios tsyojkpyën, tää ojts tsajpjotm pya'at'ixy ets t'ijxy ja Dios ja myëj'ajtën jyääntyajtën, näjyëtu'un t'ijxy ja Jesús tyänë Dios y'aka'anytsyow.