Lucas 11:9 - Biblia Dc en Mixe de Quetzaltepec

⁹ Paaty miits nëëmëtë ets xy'amëtowtëty ets myajmo'otëty; ixta'atë ets xypyaatëty; pijkxnoktë ja tëjk'aaw ets y'ëwa'atsëty.

Biblia Mixe de Quetzaltepec

⁹ Paaty miits nëëmëtë ets xy'amëtowtëty ets myajmo'otëty; ixta'atë ets xypyaatëty; pijkxnoktë ja tëjk'aaw ets y'ëwa'atsëty.

Lucas 11:9 Iomraidhean Croise

Salmos 118:5

Maas ënety mon tuk nyajpaatyën, jääjës ojts yë Wintsën nmëkäjpxy; yë'ë ojts tjantymyëtoy ja ntsajpkäjpxyës etsës ojts xymyo'oy ja ëwaatsë'ajtën.

Salmos 27:4

Tu'uk je'eyë mëti'ipës n'amëtoopyën yë Wintsën, tu'uk je'eyë mëti'ipës ntsojkën'ajtypyën. Yë'ë koos xëmë n'itëty ma Wintsën yë tsyajptëjkën mapaatës njuuky'ätyën, ets n'ëwtata'any etsës n'ixa'any yë y'oyajtën.

Salmos 27:8

Jëtu'unës njawë yë njot nwinma'any y'ënä'äny: Ixta'a yë Wintsën ma yajpaatyën. E ëjts, Wintsën, mijts n'ixtääpy.

Salmos 34:10

Yë kumeenyjyä'äytyëjkëty ëyoopëja'ay y'awinpita'antë, ets nëjkxëp yuu'ooktë, e mëti'ipë ja Wintsën y'ijxtaaytyëpën, ka'ap tii tyëkoy'ata'anxëtë.

Salmos 34:4

Ëjts, Wintsënës të n'apëky, e tëës xy'ëtsoy, yë'ëjës të xytyukniwa'atsy ja tsë'kën ja'awën.

Salmos 50:15

Mëkajpxkës ko ënety mijts mon tuk myajpaaty; ëjts mijts nyajnitso'okëp ets jëtu'unës mijts xy'oyjawëty.

Isaías 45:19

Këtii ame'tsyë mkajpxëty muum akootstuuy naaxwiiny naaxkëjxy. Ëjts ka'apës n'ënëëmë yë Jacob y'u'unk y'ok: Jamës xy'ixta'ajëty ma ka'ap tiijën. Ëjts, mëti'ipë Wintsën'ajtpën, mëtëyës nkäjpxy ets aakjä'ä mëti'ipë mëpaat'ajtpën.

Jeremias 29:12

Ënet nëjkx miitsëty xymyëkajpxtës ets nëjkx xynyimintës mëët yë oyjyot oywyinma'any, nmëtoow'itäämpyës ijxtëm ënety miitsëty m'ëna'antën.

Jeremias 33:3

Ëjts mëkajpxk ets n'ëtsowëty ets ntuk'ixëty mëjwiinpë këjääpë ja winma'any mëti'ipë yu'utsy'ijtpën, mëti'ipë ka'ap xynyijawën.

Daniel 9:3

Ënet ja Wintsën të nmënu'kxtä'äkyës, tëëjës n'ayuu'aty ets tëëjës ja nwit mpëjktä'äky mëti'ipë u'kxpën ets tëëjës jaamjoty n'u'unyë.

Mateo 21:22

Pën mmëpëjktëp, myajmo'otëp tu'kë'ëyë tii m'amëtoowtëp ko Dios xymyëkajpxtëty.

Mateo 21:31

¿Pën ojts tpatuny mëti'ipë ja tyeety ojts tyuk'ëne'emyën? Ets y'ëtsoowtë: Ja mëjëwyiimpë. Ets ja Jesús y'ënëmaayëtë: Tëy miits n'ënëëmëtë, pën mtëjkëtëp ma ja tsajpjotmëpë kuttujkën, jëwyiin nëjkx tyëkëtë ja yajkukëpäjtpëtëjkëty ets ku'into'oxytyëjkëty, oknëm miitsëty.

Mateo 6:29

Jëtu'un miits n'ënëëmëtë ko oy ja yajkutujkpë Salomón ni'ik ja mëj'ajtën jaanty'ajtën tjamëët'ajty, ka'ap nyäxyojxë tsuj ijxtëm yë pëjy kyëxë'ëkyën.

Marcos 11:24

Paaty miits n'ënëëmëtë, pën tii Dios m'amëtoowtëp jëtu'un mmaytyë tajtë ko myajmo'ojantëp, ets myajmo'otëty.

Marcos 13:37

Mëti'ipë miits yam ntuk'ëwa'anëtëpën, nän tëëjës yë ja'ay ntuk'ëwa'anëtya'atë: Juuky itë.

Lucas 11:10

Yë'ë ko ja'ay tii t'amëtoy, yajmoopy yë'ë; ko pën tii t'ixta'ay, pyätyp; ets pën pyijkxnojkpy ja tëjk'aaw, ëwatsxëyëp.

Juan 14:13

Ets tu'kë'ëyë mëti'ipë miits m'amëtoowtëpën ëjts nxëëwkyëjxmës, ntunäämpyës, ets mëët ja Dios U'unk yaj'ixëty ja Dios Teety ja myëj'ajt jyääntyajtën.

Juan 15:16

Ka'ap myiits'atë të xywyinwitstës, ëjts miits të nwinwitstë ets të ntuknipëktë m'itëty ijxtëm ja tsatym xe'entyën mëti'ipë may tëëm'ajtpën ets y'itëty xëmëkyëjxm mëti'ipë mtuuntëpën. Jëtu'un ja Dios Teety mmo'oja'anëtë tëkokyë mëti'ipë m'amëtoowtëpën ëjts nxëëwkyëjxm.

Juan 15:7

Pën tu'ukyë m'itë mëët ëjts ets myaj'ijtëp jap m'aawjoty mjootjoty ja n'aaw n'ayukës, oy tii xytyim'amëtowtëty nëjkxëp myajmo'otë.

Juan 4:10

Ënet ja Jesús y'ëtsoowë: Ko jeexyë mijts xy'ëknijawë mëti'ipë ja Dios yäjkpyën ets pën m'amëtoowëp yë nëë, mijts jeexyë m'amëtoopy ja nëë ma yë'ëjën ets mooyëp jeexyë ja nëë mëti'ipë yajjuuky'ajtpën.

Romanos 2:7

Myo'ojäämpy ja juukyajtën xëmëkyëjxmëpë mëti'ipë y'ijxtaaytyëpën ja mëj'ajt oyajtën, xoontakën ets ka'apë kyixy nyäxyën, ets të tuntë xëmë ja oypyë;

2 Corintios 6:2

Jä'ä ko jëtu'un kyëxja'ayëty ma ja Dios ja y'aaw y'ayukën: Ma ënety nixëëwëtyën jää të nmëtoow'ity, ma ënety ja nitsokën jyää'atyën jää të nputëkë; tyam ja xëëw jëmëjt të tpaaty. Tyam yë xëëw po'o ma ja nitsokën jyää'atyën.

Hebreos 11:6

Ka'ap tjëkyepy oy nmëtu'unmëty yë Dios pën ka'ap ja mëpëjkën yajmëëtëty. Ko nmëwinkona'anmëty ja Dios, kopkpëky ko nmëpëjkmëty ko Dios jyääty ets ko tkumay mëti'ipë ixtaayëpën.

Hebreos 4:16

Tsojk nmëwinko'onëm ja Dios ja kyutujktakn akujk jotkujk, ets xypya'ëye'emyëty mëët ja y'oywyinma'any ets xypyutëjkëmëty ma ënety tii nyajmëyajtëmën.

Santiago 1:5

Pën jam miits jënaakën ka'ap xymyëët'atë ja wijyajtën kejyajtën, amëtowtë Dios ets mmo'ojëtëty. Aak Dios yäjkpy oy tyimtiijëty, ka'ap tii tukwintuk'ooky.

Santiago 5:15

Ko ëmuumtu'uk ja Dios tja'amyätstëty, tso'okaanp ja pa'amja'ay, yajmëkpëkëtëp ja Wintsën; ets pën tëë pyokytyuny, yajpokmyä'kxaanp jä'ä.

1 Juan 3:22

ets yë'ë xymyo'oja'anëm winë tii ënety n'amëto'ow npëjktso'owëmën, jä'ä ko npatu'unëm ënety ja y'ënä'ämën ijxtëm tsokyën.

Apocalipsis 2:24

E miitsëty, mëti'ipë jam ijtëpën Tiatira, pën ka'ap yë'ë xypyanëjkxtë ja jëtu'unpë ijxpëjkën ets ni xykyanijawëtë ja mëjku'u ja y'ijxpëjkën mëti'ipë tyijtëpën ja Mëjku'u ja yu'utsypë ja y'ijxpëjkën, tyam n'ënëëmëtë ko ka'ap tii tuunk njaaktimtyuknipëka'antë.