Lucas 11:47 - Biblia Dc en Mixe de Quetzaltepec

⁴⁷ Ëxëëk mjata'antë, miitsëty mëti'ipë o'kpë jut mtajtëpën ets jam nyaaxtëkëtëty ja Dios ja kyäjpxynyajxpë mëti'ipë ja m'aptëjk yaj'o'ktën.

Biblia Mixe de Quetzaltepec

⁴⁷ Ëxëëk mjata'antë, miitsëty mëti'ipë o'kpë jut mtajtëpën ets jam nyaaxtëkëtëty ja Tios ja kyäjpxynyajxpë mëti'ipë ja m'aptëjk yaj'o'ktën.

Lucas 11:47 Iomraidhean Croise

Mateo 23:27

Mon tuk miitsëty myajpaatë, yaj'ijxpëjkpëtëjkëty, mëti'ipë nyija'awëtëpën ja ënä'ämën tëyajtën, wiinkë'ëy akë'ëypyë oyjyä'äy mnäpyëjkta'akëtën. Jëtu'un miitsëty ijxtëm ja o'kpëjutën, tëëpë yajjaamnikoyën, nëkëjxypyë y'oytyunyëtyën, je'eyëp ko jap jootjoty aak o'kpëpajk ets ak tok jap.

Lucas 11:48

Jëtu'un xyajnikëxë'ëktë ko m'oyjya'awëtëp mëti'ipë tyuuntën ja m'aptëjkëty; jä'ä ko yë'ë yaj'o'ktë ets miits xynyitajëtë.

Hechos 7:51

Tääts ja Esteban tjaaknëmaay ja ja'ayëty: Miits ka'ap mmëtowtë. Jëtu'un miits ja mtatsk xypyëjkta'aktë ijxtëm mëti'ipë kyamëpëjktëpën ja Dios. Jëtu'un miitsëty ijxtëm ja m'aptëjkëtyën, xëmë ka'ap xykyupëktë ja Kënu'kxymyëkajtën.

1 Tesalonicenses 2:15

Ya'atë jutiis ja'ayëty, yë'ë ojts tyaj'ooktë ja Wintsën Jesús, ijxtëm tyaj'o'ktën ja jëwyiinpë ja Dios ja kyäjpxynyajxpëtëjk ets näjyëtu'unës të xy'ixkäxtës. Ka'ap të tuntë ijxtëm ja Dios tukjotkëtä'äkyën ets aak mëtsip ja ja'ay të tjawëtë.