Lucas 1:48 - Biblia Dc en Mixe de Quetzaltepec

⁴⁸ Tëës ja Dios xynyi''ijxkëtä'äky, ëjts yë tyuunpë yu'unkpë naxymyëpë. Tyam ënät ëjts xëmë ja ja'ay ni'ëmukë xytyijnëty ko n'akujk njotkujkëtyës.

Biblia Mixe de Quetzaltepec

⁴⁸ Tëës ja Tios xynyi''ijxkëtä'äky, ëjts yë tyuunpë yu'unkpë naxymyëpë. Tyam ënät ëjts xëmë ja ja'ay ni'ëmukë xytyijnëty ko n'akujk njotkujkëtyës.

Lucas 1:48 Iomraidhean Croise

Génesis 30:13

ënät yë Lea ojts y'ënä'äny: Wi'ixpëm njanty jotkujkëtyës, ëna'antëp tyam yë to'oxytyëjkëty, koos njotkujkëty, paaty ya'atë mëxu'unk jä'ä txëëwatëty Aser.

2 Samuel 7:8

E paaty ënëëmë yë ntuunpës David, ko ëjts, mëti'ipë Wintsën'ajtpën, mëti'ipë maaytyääyëpën winë, n'ënëëmës: Ëjts mijts të njuuty jam kemyjotm maa ënety xëmë xykyëwent'atyën yë mkupixyny, mtsajppax ets yë'ë xëmë mpajëtijtyp; tëë mpëjktä'äky ets m'itëty wintsën ets kopk maas nnaax nkajpnën, Israel kajpn;

Salmos 102:17

ko ënety tmëtoy ja wyaantso'ow pyëjktso'owën ja tëëpë yajnas'ijxënën ets ka'ap nyayajkumëtoownaxëty ja pyëjktso'owën.

Salmos 136:23

Mëti'ipë ënätyë xyjyä'ämyäjtsëmën ko ënety ënu'kxë nyajpatëmë, jä'ä ko yë tsyojkën jya'awën winë xëëw winë jëmëjt yë y'ijtëy.

Salmos 138:6

Oyxyëp yë Wintsën jam y'ëkyajpaaty këjxm, yë'ë wa'ats t'ixy tuny mëti'ipë ja'ay yu'unk naxym juukyajtpën, ets nän jëkämpaat t'ixy tuny yë ja'ay mëti'ipë amëj akëjxm ja'ay'ajtpën.

Salmos 72:17

Wä'än yë yajkutujkpë yë xyëëw xëmëkyëjxm t'ity; wä'än jëtu'un tjeky yë myëj'ajtën ets xyoontakën tä xëëwën. Wä'än kanaak yë naax kajpn t'itë kënu'kxy mëët yë'ëkyëjxm. Wä'än tëkokyë yë naax kajpn yajnimëtya'aktë akujk jotkujk.

Isaías 66:2

Ëjts ojts winë nyajkojta'ayës, ets jëtu'un ojts tsyo'onë'ëky tsyo'ontä'äky. Ëjts, Wintsën, ëjts ënaanp.

Malaquías 3:12

Nëjkxëp nitëkokyë ja naax kajpn mtijëtë, ko jotkujk miits myajpaatë. Ëjts Wintsën mëti'ipë maaytyääyëpën winë, ëjts ënaanp.

Lucas 1:28

Tääts ja tsajpjotmëtë kukäjpxy tyëjkëy ma ja Maria ënety jap y'u'unyën ets t'ënëmaay: Dios mkënu'kxëtëp Maria, ni'ik mijts ja Wintsën mtsokyë, Dios mijts mëët myajpaaty.

Lucas 1:42

Ënet mëk y'ënäny: Tëë mijts ja Dios wäänëni'ik mkënu'kxyë këtiinëm ja to'oxytyëjk ni'ëmukë ets näjyëtu'un ja m'u'unk tëë yajkënu'kxy.

Lucas 1:45

Akujk jotkujk mijts ko të xymyëpëky ets jëtu'un tyunëtëty jyatëtëty wi'ix ja Wintsën të mnë'mxëtyën.

Lucas 1:49

Yë'ë ko ja Dios mëti'ipë maaytyääyëpën winë mëj këjää ja mëyajtën të tuny maas ëjtsën. Wa'ats ets kënu'kxy yë xyëëw nyaxëty.

Lucas 11:27

Tam ënety ja Jesús jëtu'un y'ënä'äny ko tu'uk ja to'oxytyëjk mayjyä'äyjoty tyëjkëy yaxpë jojkpë: Akujk jotkujk yajpaaty ja to'oxytyëjk mëti'ipë mijts të myajmëxu'unk'atyën ets të myajtsi'ityë.

1 Samuel 1:11

Ets ja wyaantakën tpëjktäky, t'ënëmaay ja Wintsën: Wintsën mëti'ipë maaytyääyëpën winë; pën mijts mpa'ëyoopy mnajts'ëyo'owëp ya'atë mtuunpë ets xyjyä'ämyäjtspës koos xymyo'ojëty tu'uk yë u'unk maay, ëjts nkë'ëyakëpës yë'ë ma mijtsën ets mëtunëtëty ets ka'ap ja kyuwaay nëjkx yajkeepy, yë'ë yajtuk'ixëp ko ënety mijts të ntukmëyoxy.

1 Samuel 2:8

Dios yajkumeenytyäkpy yë ja'ay mëti'ipë ëyoop jotëkoopyën, ets yajjotkujktäkpy yë ja'ay mëti'ipë o'ktëy yajpatpën. Jam tyajnaaxweetsy ma ja'ay mëj'äämpyëtypë kyäytyën y'uuktën. Jä'ä ko yë Wintsën yë'ë nyiwintsën'ajtyp yë naaxwiinyëtë ets yë'ë kyuwäämpy kyë'ëjotm