Lucas 1:22 - Biblia Dc en Mixe de Quetzaltepec

²² Ko pyëtsiimy ja Zacarías, ka'ap tjajty wi'ix kyajpxëty. Ënet ja ja'ay tnija'awëtyë ko ënety të t'ixy ja tsajpjotmëtë kukäjpxy jap mëjtsajptëkoty. Je'eyë y'akë'ë y'axajë, jä'ä ko tëë ënety y'uumy.

Biblia Mixe de Quetzaltepec

²² Ko pyëtsiimy ja Zacarías, ka'ap tjajty wi'ix kyajpxëty. Ënät ja ja'ay tnija'awëtyë ko ënäty të t'ixy ja tsajpjotmëtë kukäjpxy jap mëjtsajptëkoty. Je'eyë y'akë'ë y'axajë, jä'ä ko tëë ënäty y'uumy.

Lucas 1:22 Iomraidhean Croise

Ezequiel 3:26

Ëjts nyajkutukäämpy ets jëtu'unyë myä'än myëj'o'tspätëty mpa'kxwiiny ets uum mwë'ëmëty. Ka'ap nëjkx tjëkyepy wi'ix xy'ojëty ja naax kajpn ko kyäjpxykyumëtoownaxtëty.

Lucas 1:21

Tap ënety ja ja'ay y'owëxitë tëja'p ets ojts nyäyajtëwëtë tii ko nëkoo tyimpoxnë ja Zacarías jap mëjtsajptëkoty.

Lucas 1:23

Ko ja Zacarías ojts tyajkä'pxy ja tyuunk, tääts ojts nyëjkxnë ma tyëjkën.

Lucas 1:62

Tääts ja Zacarías tyajtëëwtë tii ja y'u'unk xyëëwatëp.

Juan 13:24

ets ja Simón Pedro ame'tsyë y'ënëmaayë ets tyajtëwëty ja Jesús pën jëtu'un tyijpy.

Hechos 12:17

Je'eyë ja Pedro ojts ja kyë'ë tyaj'ixyë ets amonyë y'itëty. Tää myëtyaktso'ony wi'ix ënety ja Wintsën të yajpëtsëmyën jap pujxn tëkoty. Tää jyaak'ënany: Tuk'ëwaanëtë ja Santiagë mëët ja nmëku'uk'ajtëmë, wä'än tnijawëtë. Ko jëtu'un tnimëtyaktaay, tää jam tsyo'ony ets ojts nyijkx wiinktsow.

Hechos 19:33

E tam ja ja'ayëty mëti'ipë ojts tukmëmëtya'aktën ja Alejandro, mëti'ipë ja Jutiis ja'ayëty nyajtstijëtën jap mayjä'äyjoty ets kyajpxëty. Tääts ja Alejandro ja kyë'ë txajë'ky ko kyajpxa'any ets ja ja'ay y'amontëty, jä'ä ja jutiis ja'ayëty nyikajpxtu'utäämpy.

Hechos 21:40

Tääts ja wintsën tyajkutujky ets ja Pablo ja ja'ay tmëkajpxëty. Ënet ja Pablo ojts wya'kukë jam këjxm ets ja kyë'ë txajë'ky ets ja ja'ay y'ëmoontë. Ko ja ja'ay y'ëmoontaaytyë, tää ja Pablo hebreo ayuk myëtyaktso'ony: