Lucas 1:2 - Biblia Dc en Mixe de Quetzaltepec

² jëtu'un ijxtëm ojts xytyuk'ëwa'anëmën ja mëti'ipë y'ijxtën nyija'awëtyën wi'ix tsyo'onë'ky tsyo'ontäkyën mëti'ipë tuunën jajtën, mëti'ipë ojts yajtuknipëktën tkajpxwa'kxtëty ja Dios ja y'aaw y'ayuk.

Biblia Mixe de Quetzaltepec

² jëtu'un ijxtëm ojts xytyuk'ëwa'anëmën ja mëti'ipë y'ijxtën nyija'awëtyën wi'ix tsyo'onë'ky tsyo'ontäkyën mëti'ipë tuunën jajtën, mëti'ipë ojts yajtuknipëktën tkajpxwa'kxtëty ja Tios ja y'aaw y'ayuk.

Lucas 1:2 Iomraidhean Croise

Marcos 1:1

Jëtu'un tsyo'ontä'äky ja oy aaw oy ayuk ma yajnimëtyä'äkyën ja Jesukristë, Dios U'unk.

Marcos 16:20

Tääts ja y'ijxpëjkpëtëjk tsyo'ontë ets ojts tkajpxwa'kxtë ja Dios ja y'aaw y'ayuk oy tyimmaajëty. Wintsën Jesukristë ojts pyutëkëtë ets ja ja'ay tuk'ijxtëty tuknijawëtëty ko tyiyëty jyääntyëty mëti'ipë kyajpxtëpën, jä'ä ko tuntë winë mëët ja Dios ja myëj'ajtën.

Marcos 4:14

Mëti'ipë ja tsajpmokpajk wyijpyën, jëtu'un yë'ë ijxtëm ja ja'ay mëti'ipë ja Dios ja y'aaw y'ayuk kyajpxwä'kxypyën.

Lucas 24:48

Miitsëty ijxpë nija'apë mwë'ëmtë ma tyam winë të tyuny të jyätyën.

Juan 15:27

Ëts miitsëty nän nëjkxëpës xynyimëtya'aktë, jä'ä ko tëë myajpaatë mëët ëjts ets jëtu'un tyimtso'ontäky.

Juan 16:4

Paaty miits ya'atë ntuk'ëwaanëtë ets xyjyä'ämyätstëty ko ënety jëtu'un të nëëmëtë ko ja xëëw po'o tpaatëty. Ka'ap ënätyë të ntuk'ëwaanëtë jä'ä ko jaaktää'ajtpës ënety mëët miitsëty.

Hechos 1:3

Tëë ënety y'ooky, ko jatëkok nyänyikëxë'kë juuky kanaak ok, ets jëtu'un ja y'ijxpëjkpëtëjk ojts tuknijawë ko juuky'ajtp ënety. Wëxtyikxy xyëëw ja y'ijxpëjkpëtëjk nyätyuk'ijxë, tukmëmëtyä'äky ja Dios ja kyutujkën.

Hechos 1:8

E mpëktëp miits ja mëk'ajtën ko ja Kënu'kxymyëkajtën mtukëta'akëtëty ets xykyajpxwa'kxtëty mëti'ipë të xy'ixtën ëjtskyëjxm; jëtu'unts xynyikajpxtëty jam Jerusalén, Judea y'itjotm, Samaria ets ma tu'kë'ëyë it naaxwiinyëtën.

Hechos 14:25

Ets ojts tkajpxwa'kxtë ja Dios ja y'aaw y'ayuk jam Perge. Jam tsyo'ontë ets ojts nyëjkxtë Atalía.

Hechos 16:6

Tääts ja Pablo mëët ja myëku'uktëjk tsyo'ontë ets ojts nyëjkxtë Frigia ets Galacia, jä'ä ko ka'ap ja Kënu'kxymyëkajtën ojts tyajkutuky ets ja Dios ja y'aaw y'ayuk tkajpxwa'kxtëty jam Asia.

Hechos 17:11

Ja Jutiis ja'ayëty mëti'ipë jamëtyën Berea, oy ja winma'any tyajkëxë'ktë këtiinëm jyëtu'un'atë ja ja'ayëty mëti'ipë jamën Tesalónica. Ojts t'ëxajëtë ja Pablo, ets tmëtoow'ijtë ja oy aaw oy ayuk. Jëpom jëpom ja Dios ja y'aaw y'ayuk ijty t'ixpëjkëtë ets nijawëja'antë pën janty tëy mëti'ipë yajtukmëmëtyaktëpën.

Hechos 26:16

Pëtë'ëk, tëë mijts nwin'ixy ets xymyëtunëtyës ets xynyikajpx xynyimëtya'akëty mëti'ipë tyam të ntuk'ixyën ets mëti'ipë ntuk'ixäämpynyëmën.

Hechos 4:20

Ëëtsëty ka'ap tjëkyepy amonyë n'itëtyës ets nkanikajpxtëtyës mëti'ipës të n'ixy të nmëtowtën.

Hechos 8:4

Ja mëpëjkpëtëjk mëti'ipë pëtsëëmtën jam Jerusalén, jä'ä ojts tnikäjpxy tnimëtya'aktë ja Dios ja y'aaw y'ayuk maajëty nyëjkxtën.

Romanos 15:16

etsës nmëtunëty ja Jesukristë ets ja ja'ay tuk'oy'atëty mëti'ipë ka'ap jyutiis'atën. Yë'ës ntukmëtuumpy ja Jesukristë etsës nkajpxwa'kxëty ja oy aaw oy ayuk mëti'ipë tso'onën ma ja Tiosën. Jëtu'untsës ntuny ets y'itëty mëti'ipë ka'ap jyutiisëty ijxtëm ja wintsë'kën mëti'ipë Dios y'oyjya'apën, mëti'ipë Kënu'kxymyëkajtën të tyajwa'atsyën.

1 Corintios 4:1

Paaty miitsëty, je'eyë ëëts xytyijtëty Jesukristë pyutëjkëpë ets ko yë'ë të xytyuknipëktës etsës ja ja'ay ntuk'ijxpëktëty ja Dios ja wyinma'any mëti'ipë ijty kayajnija'apën.

Hebreos 2:3

¿Paaty wi'ix ëëtsajtëm nkuukäkmëty ja tëytyu'unën pën ka'ap nmëjpëjktakëm ja mëj nitsokën? Wintsën ojts kë'ëm tnikäjpxy jëwyiin ya'atë nitsokën; ets mëti'ipë ojts tmëtoow'itën, yë'ë të tnikajpxtë ma ëëtsajtëmën.

1 Pedro 5:1

Nkajpxwijäämpyës tyam ja mëjja'aytyëjkëty ma miits jam mye'eymyuktën, ëjts mëja'aynyës näjyëtu'un ijxtëm yë'ëjëtyën ets n'ijxës ja Kristë ko y'ëyooy; xypyatpës näjyëtu'un tä yë'ëjëtyën ja mëj'ajtën oyajtën mëti'ipë ok nikëxë'ëkaanpën.

2 Pedro 1:16

Ja ijxpëjkën mëti'ipë tmooytyën ko ja Wintsën Jesukristë myina'any yaa naaxwiiny jatëkok mëët ja myëk'ajtën, ka'apës kë'ëmwinma'any ojts nma'kxtë etsës jëtu'un n'ëna'antëty, nwiinës mëët ntimy'ijxtë ja Wintsën ja myëj'ajtën jyääntyajtën.