Jueces 8:6 - Biblia Dc en Mixe de Quetzaltepec

⁶ E ja mëjja'aytyëjk jampë Sucot yajpaatën tyaa y'ëtsoowtë: ¿Tiixë të xytyuny, kajts xyaj'ookynyëm ja Zébah ets ja Zalmuná yë mtsiptuunpë ka'ap pyaatëtë kyäytyëty?

Biblia Mixe de Quetzaltepec

⁶ E ja mëjja'aytyëjk jampë Sucot yajpaatën tyaa y'ëtsoowtë: ¿Tiixë të xytyuny, kajts xyaj'ookynyëm ja Zébah ets ja Zalmuná yë mtsiptuunpë ka'ap pyaatëtë kyäytyëty?

Jueces 8:6 Iomraidhean Croise

Génesis 25:13

Yë'ë ojts ëka'any myiny naaxwiiny: Nebaiot, yë'ë kä'äxkopk'ajtp, mëmäjtsk myiiny jyä'äjty naaxwiiny yë Cedar, mëtëkëëk Adbeel, mëmajktaxk Mibsam.

Génesis 37:25

Tää jam tyëjkëtyë kääpyë ukpë. E ko wäänë y'ijty tä t'ijxpatë ko jam myintë yë Ismael ja'ayëty, mëti'ipë tso'ontëpën Galaad, yë'ë jëyujk jëku'ux wyojpmiintëp jap Egiptë tukmënëjkxtë yë pa'akxu'kpë mëti'ipë yajtijpën bálsamo ets mirrë ets on mëti'ipë oy xu'kpën.

Génesis 37:28

Ko ja ajuupyëtëjk mëti'ipë Madián ja'ayëtyën jam nyajxtë winkon, ënät ja José yaju'tpëtsëëmy jap jutjoty ets yajto'ky ma ja Madián ja'ayëtyën mëti'ipë Ismael y'ap'ajtëpën, i'px tkujuuytyë aakyë'ë poop pujxn meeny. Jëtu'un ojts tyajnëjkxnëtë ja José jap Egiptë.

1 Reyes 20:11

E ja yajkutujkpë mëti'ipë jam tuunpën Israel, tyaa ja y'ëtsooy: Këtii tii xynya'ëy xynyakäjpxynyëm ma ka'ap tii tyunyënëm jyätyënëm.

2 Reyes 14:9

E ja Joás tyaa y'ëtsoowinpijtë: mijts ko jëtu'un m'ëna'any jëtu'un tpaaty tä Tu'uk yë ujts u'unk t'ënëmaayën tu'uk yë mëj kepy jampë yajpaatyën Líbano: Mo'o yë mnëëx yë nmaankës ets yë'ë to'oxytyëjk'atëty. E ko ojts tu'uk nyäxy yë mëj ujtsjëyujk jëtu'unyë tkutä'änë'ky ja ujts'u'unk.

Proverbios 18:23

Yë ëyoopëja'ay jëëytyakp nu'kxtakp ko kyäjpxy; e yë kumeenyjyä'äy, amëj akëjxm y'ëtsoy.

Filipenses 2:21

Aak kyë'ëm jotmay ja'ay myëmaay myëtajtëp ni pën ja Wintsën Jesukristë ja jyä'ä tkamëmaay tkamëtajë.

Jueces 5:23

Ets ja Wintsën ja kyukäjpxy y'ënä'äny: Wä'än yë ëyo'on tkëtä'äky ma Meroz. Jä'ä ko yë'ëjëty ka'ap yë putëjkën të tyajktë ma ja Wintsën Dios ojts tjani'ënä'ämën.

Jueces 8:15

Tä ja Gedeón ojts jam nyijkxy Sucot ets t'ënëmaay ja kukajpnëty: ¿Miitsëty wa'ats jëtää xyjyä'ämyätstë wi'ix ojts xynyëxi'ik xytyukxi'iktësën maas ënety mëët näpyajëtitëtën ja Zébah ets Zalmuná? ¿Mja'amyäjtstëp ko miitsëty nitu'ktukyën ojts yë nja'ayës xykyamo'oja'antë kääky uuky oy ënety tëë jya'ënu'kxënëtë; miitsëty je'eyë m'ëtsoowtë ko tiis ëëts nätyukyajmëjnajxëtëp kajts maa ja mëtsip tmatstëmës?

Jueces 8:5

Ko jam jyajtë Sucot, ënät yë Gedeón t'amëtooy yë ka'ayën ukën: Tuntë yë mëyajtën yajkaytyë wäänë yë ja'ayëty mëti'ipës xypyamiintëpën, tëë y'ënu'kxëtya'atë ko yajpapo'oy yë yajkutujkpë Zébah ets Zalmuná mëti'ipë ënä'ämtëpën ma Madián ja'ayëtyën.