Jueces 8:5 - Biblia Dc en Mixe de Quetzaltepec

⁵ Ko jam jyajtë Sucot, ënät yë Gedeón t'amëtooy yë ka'ayën ukën: Tuntë yë mëyajtën yajkaytyë wäänë yë ja'ayëty mëti'ipës xypyamiintëpën, tëë y'ënu'kxëtya'atë ko yajpapo'oy yë yajkutujkpë Zébah ets Zalmuná mëti'ipë ënä'ämtëpën ma Madián ja'ayëtyën.

Biblia Mixe de Quetzaltepec

⁵ Ko jam jyajtë Sucot, ënät yë Gedeón t'amëtooy yë ka'ayën ukën: Tuntë yë mëyajtën yajkaytyë wäänë yë ja'ayëty mëti'ipës xypyamiintëpën, tëë y'ënu'kxëtya'atë ko yajpapo'oy yë yajkutujkpë Zébah ets Zalmuná mëti'ipë ënä'ämtëpën ma Madián ja'ayëtyën.

Jueces 8:5 Iomraidhean Croise

Génesis 14:18

Näyjyëtu'un yë Melquisedec, mëti'ipë ënety yajkutujkpën jam Salem ets teety ma ja Wintsën Ni'ik Këjxmëpë, tä tyajpëtsëëmy yë tsajpkääky ets uuky,

Génesis 33:17

Yë Jacob jam ojts nyëjkxpë Sucot ets jam tu'uk yë tyëjk tni''ijxëy ma yë'ë y'itëtyën ets näjyëtu'un t'oytyuuny yë ujtsxo'omytyëjk ma ja jyëyujk tyänëtëtyën. Ënet ja it naaxwiinyëtë tyajxëëwpejty ma ënety jam y'itën Sucot.

Salmos 60:6

Jëtu'un yë Dios të y'ënä'äny ma tsyajptëjkën: Janty wi'ixpëmës jotkujk nnäjyawëja'anyë koos npëjkwä'kxa'any ja it naaxwiinyëtë mëti'ipë txëëwajtpën Siquem ets koos näjyëtu'un nyajwa'kxëty yë Sucotpë.

Deuteronomio 23:4

Jä'ä ko jam mnajxtë ma nyaaxjotëtyën, ko jap mtso'ontë Egiptë, ni tu'ktsunyën wäänë ojts mkamo'ojëtë nëë ets nitu'ktukyën yë kääky ëkë tojkx. Ni'ikyë yë Balaam tmeenymyooytyë, yë Beor yë myaank, mëti'ipë jam tso'onën Petor, ma ja Mesopotamia naaxwiinyëtën ets jeexyë mpojkëtë.

Jueces 5:23

Ets ja Wintsën ja kyukäjpxy y'ënä'äny: Wä'än yë ëyo'on tkëtä'äky ma Meroz. Jä'ä ko yë'ëjëty ka'ap yë putëjkën të tyajktë ma ja Wintsën Dios ojts tjani'ënä'ämën.

Jueces 8:10

Yë Zébah ets Zalmuná jam ënety yajpaatë ma tu'uk yë it naaxwiinyëtë txëëwatyën Carcor mëët nimajkmokx mil ja jyä'äy. Tääpë nimajkmokx milpë yë tsiptuunpëtëjkëty, yi'iyë ënety jaakwë'ëmtëp jampë xëëwpëtsëmtsyow yajpaatën. Jä'ä ko tëë ënety nimay y'o'knëtë, jä'ä nyiwinë'atë i'px mil.

Jueces 8:12

Yë Zébah ets Zalmuná ënätyë ojts tyäty kyä'äktë; e yë Gedeón ojts poj'am pyatsoonëtë koonëm nyäspatëtë ets myajtsëtë, ja tsiptuunpëtëjkëty yajxon tsyë'kënëtë.

Jueces 8:15

Tä ja Gedeón ojts jam nyijkxy Sucot ets t'ënëmaay ja kukajpnëty: ¿Miitsëty wa'ats jëtää xyjyä'ämyätstë wi'ix ojts xynyëxi'ik xytyukxi'iktësën maas ënety mëët näpyajëtitëtën ja Zébah ets Zalmuná? ¿Mja'amyäjtstëp ko miitsëty nitu'ktukyën ojts yë nja'ayës xykyamo'oja'antë kääky uuky oy ënety tëë jya'ënu'kxënëtë; miitsëty je'eyë m'ëtsoowtë ko tiis ëëts nätyukyajmëjnajxëtëp kajts maa ja mëtsip tmatstëmës?

1 Samuel 25:18

Poj'am ojts yë Abigail mäjtsk mëko'px t'ixy yë tsajpkääky, mäjtsk'apëjkën yë uuky, mëkoxk ooky yë kupixyny tsyä'äy, wëxtyikxy pyok yë tsajpmokääky, mëko'px kony yë tsatym tyë'ëts ets mäjtsk mëko'px kony yë tsëtyu'un tsa'am të'ëts. Ko jëtu'un t'ijxmujktaay ënät ojts tukniwë'ënta'ay ja jyëyujk,