Jueces 8:3 - Biblia Dc en Mixe de Quetzaltepec

³ Dios jëtu'un të tyajkutuky ets miits xyaj'ooktëty yë Horeb ets Zeeb, mëti'ipë ënety nyikopk'ajtëpën yë Madián ja'ayëty. ¿Ëëtsëty tiijës të ntuntë ets yaj'ijxkijpxëty mëët mëti'ipë miitsëty të xytyuntën? Ko ja Efraín ja jyä'äyëty jëtu'un tmëtoowtë ja Gedeón y'ënä'äny ënät ojts jyotkujkëtë.

Biblia Mixe de Quetzaltepec

³ Tios jëtu'un të tyajkutuky ets miits xyaj'ooktëty yë Horeb ets Zeeb, mëti'ipë ënäty nyikopk'ajtëpën yë Madián ja'ayëty. ¿Ëëtsëty tiijës të ntuntë ets yaj'ijxkijpxëty mëët mëti'ipë miitsëty të xytyuntën? Ko ja Efraín ja jyä'äyëty jëtu'un tmëtoowtë ja Gedeón y'ënä'äny ënät ojts jyotkujkëtë.

Jueces 8:3 Iomraidhean Croise

Salmos 115:1

Wintsën, ja oyajtën ets ja mëj'ajtën mijts yë mpatëp, ets ka'ap y'ëëts'atë. Ja oyajtën ets ja mëj'ajtën mijts mpatëp mëët ko xymyëët'aty ja tsojkën ja'awën ets ja tëyajtën.

Salmos 44:3

Ka'ap ojts yë'ëkyëjxmëty myëta'aktë ko tmëët'atë kyë'ë ets pyujxn mëti'ipë myëtsiptuuntëpën; ka'ap ojts yë it naaxwiinyëtë tpaatë. Mijts ojts winë xytyuny mëët yë mëk'ajtën ets mëjaaw. Yë mtë'kxën mjajën yë'ë ojts winë tyaj'ixyë, ko mëj këjää ënety xytsyoky xyjyawë.

Proverbios 15:1

Ko ja'ay oy tsuj y'ëëw'ëtsoy kyajpx'ëtsoy, yë'ëpaat yë äkë tyajxeemy; e ko ja'ay y'ëtsoy, ni'ikyë yë äkë tyajmëjtä'äky.

Proverbios 16:32

Tsoowpatp ni'ik ëwxijt mä'kxtujkën, ets këtiinëm ko ja'ay jyotmëkëty. Tsoowpatp ni'ik ko ja'ay nyäy'awijtsë'ëkyë, ets këtiinëm ko ja'ay naax kajpn tmëmëtä'äky.

Proverbios 25:11

Ko ja'ay jää tii tnikäjpxy ma ja aaw ayuk myëyätyën, jëtu'un nyäxy tä ujts tëëmën mëti'ipë aak pu'ts pujxnën ets mëët y'ijxëntëkë ja poop pujxn.

Proverbios 25:15

Ko ja'ay y'ëwxity myä'kxtuky yajxe'empy yë äkë. Ko ja'ay oy tsuj xyony y'ity yajjotujkpy ja'ay mëti'ipë kujuunën.

Juan 4:37

Tëy yë'ë ko ayuk y'ënä'äny: Ëpëky ja ja'ayëty mëti'ipë niptëpën ets ëpëky mëti'ipë yajpëtë'ktëpën ja pëjktä'äky.

Romanos 12:3

Jä'äkyëjxm ko ja Dios ja mëyajtën të tuny ma ëjtsën, paaty miits nëëmëtë ko ka'ap je'eyë mnämyëmay mnämyëtajëtëty ets mnämyëjpëjkta'akëtëty. Yë'ë mëmay mëët'ajtëp wi'ix ja Dios të mmo'ojëtën ja wijyajtën kejyajtën mëët ja mëpëjkën.

Romanos 12:6

Këëkjä'ä ja Dios ja tuunk të xymyo'oyëmë wi'ix tii nitu'ukjaty ntu'unmëtyën. Tam mëti'ipë të yajmo'oyën ja tuunk ets tkajpxwa'kxëty ja Dios ja y'aaw y'ayuk, wä'än jëtu'un tuny ijxtëm tmëëtëtyën ja mëpëjkën.

Filipenses 2:3

Këtii tii xytyuntëty atsip a'äkë ëkë tsipkyëjxm; yë'ë oy ko yujy tëtä'äky mja'ay'atëty ets ko mmëku'uk xymyëj'ixtëty ets xywinkutsë'ëkëtëty.

Jueces 8:2

E yë'ë tyaa y'ëtsooy: Miitsëty ka'ap xywyinja'awëtyë ko mëj këjää winë xytyuuntë këtiinëm jëtu'un ëjts, jawäänëpë të xytyuntën tsoowpatp ni'ik, këtiinëm jyëtu'unëty mëti'ipës mëj këjää të ntuntën.

Jueces 8:4

Ënet tsyo'ontë yë Gedeón jam ma ënety yajpaatën mëët nitëkëëk mëko'px ja jyä'äy ets tuknajxtë ja Jordán nëë oy ënety tëë yajxon jya'ënu'kxëtë, mëët ko ja myëtsip të tpapo'otë tu'kxëëw.