Jueces 6:3 - Biblia Dc en Mixe de Quetzaltepec

³ Xëmë winjëmëjt ko ënety yë Israel ja'ayëty muum yë pyëjktä'äky tyaj'itë ënätyë ijty myintë yë Madián ja'ayëty ets Amalec ja'ayëty jëtu'un ja pëjktä'äky yë'ë tyajnëkxta'atë.

Biblia Mixe de Quetzaltepec

³ Xëmë winjëmëjt ko ënäty yë Israel ja'ayëty muum yë pyëjktä'äky tyaj'itë ënätyë ijty myintë yë Madián ja'ayëty ets Amalec ja'ayëty jëtu'un ja pëjktä'äky yë'ë tyajnëkxta'atë.

Jueces 6:3 Iomraidhean Croise

Génesis 25:6

E mëti'ipë y'u'unk'ajtën mëët ja wiinkëtpyë ja tyo'oxytyëjk, Abraham je'eyë ojts winë tnamo'oy yiinaty wäänaty. E juuky'ajtpnëm ënety ko ojts ja wiinkpë ja y'u'unk tyaj'ëwa'kxyë mëët ja myaank Isaac, jamtsow ojts tnajtskäjxëtyä'äy awinmtsow.

Génesis 29:1

Yë Jacob ojts ja tyu'u tpanëjkxy ets ojts jam jyä'ty ma ja naaxwiinyëtë xëëwpëtsëmtsyowpë.

1 Reyes 20:27

Näyjyëtu'un ja Israel ja'ayëty ojts t'ijxmuktë ja tsyiptuunpëtëjkëty ets tmooytyääytyë mëti'ipëjaty yajtunantëpën, tääts tnitso'ontë ja sirië ja'ayëty. Ko jam nyäpyëjktakëtë awinmtsow ma ja sirië ja'ayëtyën, jëtu'un je'eyë jëkäm yaj'ixtë may tsyajppax yowë jam tënaaytyëp mäjtsk këëyi'iky, jä'ä ko ja sirië ja'ayëty ni'iknimay ënety kyëxë'ëktë ets ojts tyajwintujkta'atë ja joyjyot.

1 Reyes 4:30

Yë Salomón ja wyijy'ajtën ojts twinnajxta'ay ja Egiptë ja'ayëty ets ja ja'ayëty xëëwpëtsëmtsyowpë tsyëënëtën.

1 Reyes 5:10

Ja Hiram ojts ja Salomón tjantymyo'oy ja ajë kepy ets ja tsiin kepy tä ënety tyajmëyätyën,

Job 1:3

Wëxtujk mil tmëëtëty yë kupixyny, tëkëëk mil yë jëyujk jëku'ux, mëkoxk mëko'px yë tsajpkaa ets mëkoxk mëko'px yë krukts. May ijty yë myëtuunpë. Mëj kumeenyjyä'äy, jam tsyëënë xëëwpëtsëmtsyow.

Job 31:8

jyëkyejpy yë wiink ja'ay tjë'kxëty mëti'ipës të ni'ipy të nkojyën ets jyëkyejpy twijxë'ëktëty mëti'ipës të nkojy të nmä'kxyën.

Éxodo 17:8

Yë Amalec ja'ayëty jamtsow ojts nyëjkxtë ma ja naax txëëwatyën Refidim ets tsyiptuna'antë mëët ja Israel ja'ayëty.

Isaías 11:14

Tu'ukmukyë nëjkx nimäjtsk nyäkyuwa'anëtë ma ja filistejë ja'ayëtyën ets ëxëëk nëjkx tuntë ja mëti'ipë jam tsënaaytyëpën maatsow yë xëëw pyëtsimyën; nëjkxëp tukupëktë ets y'ayak y'akonëtëty ja jampë ja'ay tsyëënëtën. Ja myëk'ajtën jampaat nëjkx jyä'ty ma ja Edom kajpnën ets ma ja Moab kajpnën ets nëjkxëp ja Amón ja'ayëty myëtunëtë.

Isaías 62:8

Tëë yë Wintsën xyëëw tukajpxpety ets y'a'oykyë'ë të txajjë'ëky mëti'ipë maayëpën winë ets të y'ënä'äny: Nijëna'ajës nka'ëkyajkutujknë ets mmëtsip yë'ë tjë'kxtëty tkaytyëty yë mtsajpmok ëkë jaaypyo'kxyjyä'äy yë'ë t'uuktëty yë mtsatsym nyëë mëti'ipë të xynyitunën;

Jeremias 49:28

Ma ja Wintsën tnikäjpxyën wi'ix jyata'antën ja Quedar ja'ayëty ets Hasor ja'ayëty, mëti'ipë ja Nabucodonosor, Babilonyë yajkutujkpë ojts ka'ap yajmëta'akëtën. Nëjkx nitëkëtë yë Quedar kajpn, yajkutëkoytyë tääpë kajpn, xëëwpëtsëmtsyowpë yajpaatyën.

Ezequiel 25:3

Xy'ënëëmëty ko wä'än t'amëtoow'itë ja aaw ayuk mëti'ipë Wintsën tuknikäjxëtëpën: Miitsëty ojts xytyukxoonta'aktë ko xy'ijxtë ja ntsajptëjkës o'ktëy jyäty kyëpety, ko xy'ijxtë ja naax kajpn kyutëkooy ets ko ojts ja Judá ja'ayëty yajmënëjkxtë tsumy matsy wiink naax wiink kajpn.

Ezequiel 25:4

E oy ko jyëtu'unëty, miitsëty jam nkë'ëyaka'antë ma ja naax kajpnën mëti'ipë yajpatpën xëëwpëtsëmtsyow, yë'ë nëjkx tjä'äniwa'antë yë mnaax mkamëty, nëjkxëp tpëjkta'aktë yë këwent'ajtpë ets nëjkx tkojtë jyëën tyëjkëty. Nëjkxëp tjë'kxta'atë mëti'ipë të xynyitunëtën ets t'ukta'atëty ja mtsi'tsk nëëjëty.

Miqueas 6:15

Mjani'ip mjakojëp, je'eyëp ko ka'ap nëjkx ja pëjktä'äky xyajpëtë'ëky; mjanijëtsëp yë aceitunas, je'eyëp ko ka'ap nëjkx yë y'on xyajtuunë; mjawintäänëp yë tsatsym, je'eyëp ko ka'ap nëjkx xy'ukë yë nyëë.

Deuteronomio 28:51

Nëjkxëp tkutsu'tsta'atë ja mjëyujk mtsajpkaajëty ets tjë'kxta'atëty ja m'aaytyëëm m'ujts tëëm; jëtu'unyë nëjkx mnajtswitsëty, nitu'knuukyën yë tsajpmok, nitu'knu'unën yë on ets ni tu'ktsunyën yë tsatym nyëë, näjyëtu'un ja mjëyujkëty mtsajpkaajëty mtsajppaxëty mkupixynyëty mëti'ipë mëët'ajtypyën wa'ats nëjkx tyajnëjkxta'atë ets nëjkx mijts myuu'o'knë.

Jueces 10:12

Sidónja'ayëty, Amalec ja'ayëty ets Madián ja'ayëty; e koos ijty miits xymyëkajpxtë ënätyë nyajtso'oktë.

Jueces 3:13

Yë Eglón ojts mëët nyäpyikyë yë Amón ja'ayëty ets Amalec ja'ayëty ets ojts tukja'të yë Israel ja'ayëty ma ka'ap tyajmëtaktën ets ojts tpëjkëtë ja kyajpnëty mëti'ipë xyëëwajtypyën Palmeras.

Jueces 6:2

E jä'ä ko yë Madián ja'ayëty ëxëëk ënety tuntë yë Israel ja'ayëty, paaty yë Israel ja'ayëty ojts yë naaxwiinyëtë t'ixta'atë ma twinkuyu'utstëtyën yë Madián ja'ayëty, ojts tajtë yë jut jam kopkëjxm ets aank ma ka'ap pën pyaatëtëtyën.

Jueces 6:33

Ënet ja Madián ja'ayëty ets ja Amalec ja'ayëty tëkokyë mëti'ipë ënety jam tsënaaytyëpën awinmtsow tyu'ukmujktaaytyë ets tuknajxtë ja nëë mëti'ipë yajtijpën Jordán ets jam nyäpyëjktakëtë ma txëëwatyën ja joyjyot Jezreel.

Jueces 6:4

Jam ijty nyäpyëjkta'akëtë ma ja Israel ja'ayëty ja nyaax kyajpnëtyën ets tyajkutëkooytya'atë ja pëjktä'äky mëti'ipë jam yajpatpën Gaza; nitii tkayajwë'ëmtë mëti'ipë ja Israel ja'ayëty jyë'kxtëpën; wa'ats tmënëjkxta'atë, wä'än yë'ëjëty ja pëjktä'äky ets jëyujk tsajpkaa, tsajppax, kupixynyëty.

Jueces 7:12

E ja Madián ja'ayëty, Amalec ja'ayëty ets tëkokyë jënu'un ënety jam tsyoontën xëëwpëtsëmtsyow ets të nyäpyëkëtë, tu'ukyë ënety jam joyjyotm të nyäpyëjkta'akëtë tä yë poomxots tyajwintukyën muum yë kam tu'u ko kyëtyeyä'äny. Yajxon ënety myäy'ajnë ja jëyujk jëku'ux, jëtu'un tä nëë'ajinën.

Jueces 8:10

Yë Zébah ets Zalmuná jam ënety yajpaatë ma tu'uk yë it naaxwiinyëtë txëëwatyën Carcor mëët nimajkmokx mil ja jyä'äy. Tääpë nimajkmokx milpë yë tsiptuunpëtëjkëty, yi'iyë ënety jaakwë'ëmtëp jampë xëëwpëtsëmtsyow yajpaatën. Jä'ä ko tëë ënety nimay y'o'knëtë, jä'ä nyiwinë'atë i'px mil.