Jueces 5:2 - Biblia Dc en Mixe de Quetzaltepec

² Win'ëw winya'axtë yë Wintsën, jä'ä ko ma Israel kajpnën jaaktää'ajtp yë ja'ayëty, mëti'ipë ka'ap tsyë'ëkëtën ets tsiptuuntëp. Jä'ä ko jaaktää'ajtëp yë ja'ayëty, mëti'ipë jëjp'ixy timyajpatëpën oy jëna'a tyimyajmëkajpxtëty tsipjoty.

Biblia Mixe de Quetzaltepec

² Win'ëw winya'axtë yë Wintsën, jä'ä ko ma Israel kajpnën jaaktää'ajtp yë ja'ayëty, mëti'ipë ka'ap tsyë'ëkëtën ets tsiptuuntëp. Jä'ä ko jaaktää'ajtëp yë ja'ayëty, mëti'ipë jëjp'ixy timyajpatëpën oy jëna'a tyimyajmëkajpxtëty tsipjoty.

Jueces 5:2 Iomraidhean Croise

2 Crónicas 17:16

Ojts pyutëkëty yë Amasías, yë myaank yë Zicri, mëti'ipë ënety kë'ëm të nyäy'ëwaanëtyën ko pyutëkëja'any ma ja Wintsënën; nimäjtsk mëko'px mil ja tsiptuunpë twinkuwa'këy.

Nehemías 11:2

E ja naax kajpn tkënu'kxtaaytyë ja ja'ayëty mëti'ipë kë'ëm ënantën ko nyëjkxa'antë tsënääpyë jam Jerusalén.

Salmos 103:2

Tu'ukyë aaw tu'ukyë jot yë Wintsën nkënu'kxyjyawëja'anyës, ka'apës nijëna'a nja'atyëkoyä'äny yë y'oyjyot y'oywyinma'any.

Salmos 110:3

Yë mnaax mkajpn mëj'äämpy mpëjkta'aka'anyë jä'ä xëëw ma ënety ja mmëtsip xymyëmëtä'äkyën jam tsipjotm. Jëtu'un xëmë mnäjyawëtëty tä jeexyë m'ëna'kën winjëpom tä yë maanik kyä'äyën jopyëp jam tunkëjxm.

Salmos 136:15

Mëti'ipë ojts tyajji'kxta'ayën ja faraón ja tyuunpë ma ja Tsaptsmejyën, jä'ä ko yë tsyojkën jya'awën winë xëëw winë jëmëjt yë y'ijtëy.

Salmos 18:47

Yë Dios yë'ëjës të xynyitsiptuny etsës yë naax kajpn të xytyukwinkuwowë.

Salmos 48:11

Wä'än yë xoontakën jam tyajpaaty ma Sión kopkën; wä'än yë Judá ja'ayëty t'ätstë txoonta'aktë mëët yë jotkujk'ajtën mëët ko mijts oy winë xytyuknipëjktaakë.

Salmos 94:1

Näyajnikëxë'ëkët mijts Wintsën, Dios mëti'ipë tukëpäjtpën ja poky.

Salmos 97:8

Wintsën, janty'oy xyoontä'äky yë Sión, ets Judá yë nyaax kyajpn mëët ko jyääjëty yë m'ënä'ämën;

1 Corintios 9:17

Pën kë'ëmtsojkën ya'atë ntunyës, njëjp'ixëpës ja nkuma'ayën; ets pën ka'ap, oy jyajëtu'unëty, kopkpëky koos ya'atë tuunk ntuny jä'ä ko Tiosës të xytyuknipëky.

2 Corintios 8:12

E pën winë aaw winëjot yoxäämpy ja myeeny, kyëwentëpëkäämpy ja Dios wi'ix pën myëtä'äkyën, Dios ka'ap pën t'amëtoy mëti'ipë ka'ap tii tmëëtëtyën.

2 Corintios 9:7

Nitu'ukjaty xyaktëty mtsojkënkyëjxm ijxtëm të xytyukniwinmayëtën, ka'ap mäjtsk aaw mäjtsk jot ëkë ka'ap y'akwanëty, jä'ä ko Dios tsyojkpy yë ja'ay mëti'ipë jotkujk tii yäjkpyën.

Deuteronomio 32:43

Miitsëty naaxëty kajpnëty, xoonta'aktë mëët tu'kmukyë yë Wintsën yë nyaax kyajpn. Yë'ë ka'ap jëtu'unyë näyajninaxa'any, ko yë y'u'unk y'ëna'k y'ooktë tyëkoytyë. Pyaatëp yë xëëw po'o jëna'a ets tyajkutëkooytya'ajëty yë myëtsiptëjk, ets nëjkx ja nyaax kyajpn tpokymye'kxy.

Deuteronomio 33:21

Gad tëë tpëky yë nyaax kyam ma nyitëkëtyën ma tsyëënëtëty yë tsiptuunpë wintsën. Ojts jëjp'am nyäxy ko yë naax kajpn tsyippaty, tëë tjantytyuny tä ja Wintsën y'ënëmaayën, tëy tëtä'äky winë të tuny ma ja Israel kajpnën.

Filipenses 2:13

jä'ä ko Dios jëtu'un të tuknipëjktaakë ma mjot mwinma'anyëtyën ets xytyuntëty mëti'ipë yë'ë tsyojkpyën.

Filemón 1:14

Je'eyëp ko ka'apës tii ntuna'any mëti'ipë mijts ka'ap xyajkutukynyëmën ets ja mëyajtën mëti'ipë mtuumpyën tsojkënkyëjxm xytyunëty, ka'ap y'akwanëty.

Apocalipsis 18:20

Mijts, tsajpjotmëpë yajpaatën, xoonta'aktë mëët ko jëtu'un të jyäty tääpë kajpn; ets miitsëty wa'ats kajpnëty, ayuk kajpxnajxpëty, käjpxynyajxpëtëjkëty xoonta'aktë jä'ä ko tëë ja Dios tuny ja paye'eyën ko të tyajkutëkoy tääpë kajpn.

Apocalipsis 19:2

jä'ä ko mëtëy ets tëyajtën yë'ë tyiytyuny ets pyaye'ey. Tëë t'ëyo'onmo'oy ja mëj ku'into'oxy mëti'ipë ja naaxwiinyëtë ja'ay të tyajma'atyën mëët ja y'ëxëëktu'unën, tëë ja Dios tëytyuny ets tpaye'ey ko të yaj'o'kxëty ja tyuunpëtëjk.

Jueces 5:9

Ëjts n'oyjya'ap ntsuja'apës yë ja'ayëty mëti'ipë nyikopk'ajtëpën yë Israel kajpn, ja ja'ayëty mëti'ipë ja aaw ayuk ojts poj'am tja'akyukëtën ko yajyaxtsoowtë ma ënety ja tsip y'ityën. Paaty xoonta'aktë ënät tyam jam Dios wintum.