Jueces 4:6 - Biblia Dc en Mixe de Quetzaltepec

⁶ Tu'kxëëw tu'kjëmëjt ojts yë Débora tmëjwoy tu'uk yë ye'etyëjk mëti'ipë Barac xyëëwajtyp, yë'ë myaank yë Abinóam, jam tsyëënë Quedes mëti'ipë Neftalí ja jyä'äy ets t'ënëmaay: Yë Wintsën, Israel ja'ay yë Tyios, yë'ë tyam m'ënëmaayëp ko mnëjkxëty jam kopkjotm ma Tabor itjotën ets xyajmukëty yë ja'ay jam nimajk mil aakyë'ë Neftalí ets Zabulón yë jyä'äy.

Biblia Mixe de Quetzaltepec

⁶ Tu'kxëëw tu'kjëmëjt ojts yë Débora tmëjwoy tu'uk yë ye'etyëjk mëti'ipë Barac xyëëwajtyp, yë'ë myaank yë Abinóam, jam tsyëënë Quedes mëti'ipë Neftalí ja jyä'äy ets t'ënëmaay: Yë Wintsën, Israel ja'ay yë Tyios, yë'ë tyam m'ënëmaayëp ko mnëjkxëty jam kopkjotm ma Tabor itjotën ets xyajmukëty yë ja'ay jam nimajk mil aakyë'ë Neftalí ets Zabulón yë jyä'äy.

Jueces 4:6 Iomraidhean Croise

Salmos 7:6

Wintsën, pëtë'ëk mëët ja m'ëwa'an'ajtën. Putëjkëkës. Mijts wiinkuwa'akë ja nmëtsipës ja tsyip y'äkë, Mijts të xynyikäjpxy ko oy winë xynyipaye'eyä'äny, putëjkëkës ënät.

Salmos 89:12

Mijts ojts xyajkojy yë anëkëjxytsyowpë y'ityën ets anajnytsyowpë yajpaatyën, yë Tabor kopk ets Hermón kopk, akujk jotkujk tkuuy'ëw tkuuyya'axtë yë mxëëw.

Salmos 89:13

Yë mmëkajtën maayëp winë, yë m'a'oykyë'ë mëk yë'ë ets mëtakp oymyaajëty.

Jeremias 46:18

Ëjts mëti'ipë yajkutujkpën, yë Wintsën mëti'ipë maaytyääyëpën winë, nkë'ëmjuukyajtënës ntukajpxpejtyp: Jëtu'un tä yë Tabor kopk ni'ik këjxm yaj'ixyën kopkjoty, tä yë Carmel kopk mejy'ëkë'ëmpë yaj'ixyën jëkämpaat, jëtu'un ja mmëtsip yaj'ixa'any mëti'ipë mniminanëpën.

Oseas 5:1

Miitsëty teetytyëjkëty mëtoow'itë ya'atë aaw ayuk; miitsëty Israel ja'ayëty winmëtowtë yajxon; ets miitsëty ja'ayëty ninu'un ja kuttujkën xypya'atyääk xypya'tkä'äxëtën ja'akyukëtë yajxon: ëjts ntunäämpyës ja nipaye'eyën ma ja nëë poky të xytyuntën, jä'ä ko miitsëty jëtu'un jam Mispá myajpaatë tä o'këntaknën yu'utsypë, tä tu'uk yë tejxypyën mëti'ipë yaj'anäjp yaj'atä'pxëpën jam ma Tabor kopkën,

Hechos 13:47

Jä'ä ko jëtu'un ja Wintsën të xytyuknipëktës, ko të y'ënä'äny: Tëë mijts npëjktä'äky ets m'itëty ijxtëm tu'uk ja jajpë të'kxpën ma naax kajpnën, mtuk'ëwaanëtëp ja ja'ay ja nitsokën naaxwiinyëtë apëtsëmy.

Hebreos 11:32

¿Tiis njaakmëtya'akëp? Ka'ap ja tiempo nëkoo y'ëkyajmëët'ajnë ets jeexyë njaaknimëtyä'äkyës ja Gedeón, ja Barac, ja Sansón, ja Jefté, ja David, ja Samuel ets ja Dios ja kyäjpxynyajxpëtëjk.

Josue 1:9

Ëjts yam mijts n'ëne'empy ets akujk jotkujk mtimnyäyjyawëtëty, amëk jotmëk xëmë m'itëty. Këtii mtsë'ëkëty ni mkakumay mkakutajëty, jä'ä ko ëjts maas nWintsën'atyën mëti'ipë mijts mTios'ajtypyën, xëmës nyajpaata'any mëët mijts, oy maa mtimnyëjkxëty.

Josue 19:22

Ja tsëpa'an jampaat ënety nyäxy ma ja kajpn yajtijtën: Tabor, Sahasimá ets Bet-semes ets jam jyëjpkëxy ma ja Jordán mëjnëëjën. Jä'ä nyiwinë'ajty ja kajpn majkmokx tu'uk, ëpëky ja mutsk kajpnëty.

Josue 19:32

Ja mëtëtujkpë ja it naaxwiinyëtë mëti'ipë ojts yaj'ijxpëtsëmtën, yë'ë ojts tyuka'ajëtë ja ja'ayëty jënu'un tyu'kjëëky'at tyu'kmëku'uk'atën mëti'ipë ja Neftalí jyä'äy'äjtypyën.

Josue 19:35

Ja kajpnëty mëti'ipë ënety naapotsyëtyën mëti'ipë yë'ë yajmooytyën, yë'ë ojts y'itë mëti'ipë xyëëwajtëpën Sidim, Ser, Hamat, Racat, Quinéret,

Josue 19:37

Quedes, Edrei, En-Hasor,

Josue 21:32

E ma ja Neftalí ja nyaaxjotën tëkëëk ojts jam ja kajpn yajmo'otë aakmëët yë nyinaax nyikam ma tjëkyepyën ja jëyujk tsajpkaa tyänëtëty: tu'uk txëëwaty Quedes mëti'ipë jamën Galilea ets tsoktakn kajpn wya'anëty, tääts ja Hamot-dor ets ja Cartán näjyëtu'un;

Jueces 4:10

Ënet ja Barac tmëkajpxmujky ja Zabulón ja jyä'äy ets ja Neftalí ja jyä'äy ets tyajtu'ukmujktaay ja ye'etyëjktëjk nimajk mil ojts y'itë. Ja Débora yë'ë ënety jämyëët'ajtëp.

Jueces 5:1

Jä'ä xëëw yë Débora ets Barac yë myaank, yë Abinóam ojts y'ëwtë:

Jueces 6:35

Ojts näjyëtu'un tkäjpxynyikäxë yë Manasés yë jyä'äyëty ets myintëty. Näy kyäjpxynyikäjx yë Aser yë jyä'äy, yë Zabulón yë jyä'äy ets Neftalí yë jyä'äy mëti'ipë poj'am miintën ko ja aaw ayuk pyatëtë ets myujktaaytyë nimay mëët ja Gedeón.

Jueces 8:18

Tääts tyajtëëy ja Zébah ets Zalmuná: ¿Ja ja'ayëty mëti'ipë jam myaj'o'ktën Tabor wi'ix ënety y'ixë'atë? Tääts y'ëtsoowtë: Aakjëtu'un y'ixë'atë tä mijtsën, aakjëtu'un kyëxë'ëktë tä jeexyë yë yajkutujkpë teety'atën.

1 Samuel 10:3

E ko wäänë mjaaktu'uye'eyëty, jam ma txëëwatyën Tabor, nitëkëëk jam yë ja'ay xypyata'any mëti'ipë pa'tëjkëtyëpën Betel ets nëjkx t'ëwtata'antë yë Dios, tu'uk tmënëjkxy tëkëëk yë tsajppax, tu'uk tëkëëk yë tsajpkääky ets tu'uk yë'ë myënëjkxyp yë tsatym nyëë po'oxuyjoty.

1 Samuel 12:11

E mëët ko jëtu'un mëk ja Dios tmëmaaywyajtstë ënät tyuknikäjxëtë ja Jerubaal, Barac, Jefté ets ja Samuel ets yë'ë mputëkëtëty ets myajtso'okëtëty ma ja mëtsiptëjkëtyën ets jëtu'un'äämpy jotkujk mjuuky'atëty.