Jueces 4:3 - Biblia Dc en Mixe de Quetzaltepec

³ Jabín jä'ä ënety tmëëtëty taxtujk mëko'px yë pujxnwintëkäämpë mëti'ipë myëtsiptuuntëpën, i'px jëmëjt ënety o'ktëy të tuny ja Israel ja'ayëty, koonëm yë Israel ja'ayëty ja wyintsën Dios tja'amyäjtstë ets pyutëkëtëty.

Biblia Mixe de Quetzaltepec

³ Jabín jä'ä ënäty tmëëtëty taxtujk mëko'px yë pujxnwintëkäämpë mëti'ipë myëtsiptuuntëpën, i'px jëmëjt ënäty o'ktëy të tuny ja Israel ja'ayëty, koonëm yë Israel ja'ayëty ja wyintsën Tios tja'amyäjtstë ets pyutëkëtëty.

Jueces 4:3 Iomraidhean Croise

Salmos 106:42

ëxëëk ja myëtsip tyuunëtë, jëtu'unyë ojts y'atään tyuktäänëtë, mëët ja mëk'ajtën kuttujkën.

Salmos 50:15

Mëkajpxkës ko ënety mijts mon tuk myajpaaty; ëjts mijts nyajnitso'okëp ets jëtu'unës mijts xy'oyjawëty.

Salmos 78:34

Koonëm ijty ja Dios yaj'ookëtë täänëm ja pyutëjkën t'ixtaayëtë; ënätnëm ijty jyootwinpitë ets ka'ap pyo'kxtë ko t'ixta'atë;

Éxodo 2:23

Jëtu'un nyäjxy ja xëëw po'o, ja yajkutujkpë mëti'ipë ënety jap të y'ëne'emyën Egiptë ojts ja y'o'knë. E ja Israel ja'ayëty je'eyëm ënety jap mëk jyänty y'ëyowtë ets xëmë je'eyë kyumon kyutukëtë mëët ja nätyiytyunë jap Egiptë. Yë Dios ojts tmëtoow'ity ko jap Israel ja'ayëty jyë'ëtë ya'axtë.

Deuteronomio 28:29

jëtu'unyë mjaakton mjaakmatsëty tä tu'uk yë wiintsën ko muum mnëjkxëty. Oy tii xyjyajjaaktuna'anëty, ka'ap m'ëk oypyëtsë'ëmxënëty. Je'eyë ja'ay nëjkx mëk myajtunyë ets ka'ap tsow mëjuyëtëty, nëjkxëp yë ja'ay o'ktëy mtunyë ets oy ja näypyutëkë xyjyatsokëty ni pën mkaputëkëja'anëtëty.

Deuteronomio 28:33

Ja pëjktä'äky ets ja aaytyëëm ujtstëëm mëti'ipë ënety të xynyitunën, wiink ja'ay nëjkx tjë'kxy tpëky, mëti'ipë nikajëna'a të xy'ixyën. Ëxëëk nëjkx yë ja'ay xëmë mtunyë ets nijëna'a pën mkawinkutsë'ëkëtëty.

Josue 17:16

Tääts y'ëtsoowtë: Tääpë kopkjot ka'ap yë myëta'akëty etsës nyajtuntëty. Yë Canaán ja'ayëty jampë jyuuky'atën joyjyotm myëët'ajtëp yë pujxnwintëkäämpë mëti'ipë myëtsiptuuntëpën, näjyëtu'un mëti'ipë tsënaaytyëpën Bet-sean ets ma tëkokyë ja myutsk kajpnëtyën ets jampë yajpaatën ma Jezreel joyjyotmën.

Jueces 1:19

E oy ënety ja Judá ja'ayëty jyayajpaatë mëët ja Wintsën ets oy ënaty tjajëkyepy jeexyë tniwa'aktë ja kopkjot ets ja joyjyot ka'ap ojts y'ëkmaayënëtë; jä'ä ko ja ja'ayëty ja jampë ënety tsyëënëtën myëët'ajtëp pyujxnwintëkäämpë mëti'ipë myëtsiptuuntëpën.

Jueces 10:10

Paatykyëjxm ojts ja putëjkën t'amëtowtë ma Tiosën ets t'ënëmaaytyë: Wintsën ëëts nja'awëtyëpës ko tëë myajmëtëkoy mëët ko të myaj'ëxmatsy etsës ja wiink tios të npanëjkxtëkëtë.

Jueces 10:16

Ënet ja Israel ja'ayëty ojts tyajma'ta'atë ets tukpu'ujëtyääytyë ja wiink tios, ets ja Wintsën t'ënëmaaytyë ko yë'ë t'ëwtata'antë tu'ukyë, ko jëtu'un yë Dios t'ijxy ka'ap ojts jeky tmëmëtä'äky ets ja Israel ja'ayëty y'ëyowtëty.

Jueces 3:15

Koonëm tmëpëjktsoowtë yë Dios ets ojts tu'uk jam pyëtsimy pën yajnitso'okëtëp. Ja ja'ay mëti'ipë ojts nyitsiptunëtën jä'ä xyëëwajt Ehud, anajny ijty tyony myätsy, yë'ë yë myaank yë Guerá, yë Benjamín yë jyä'äy. Tu'kxëëw tu'kjëmëjt ojts yë Israel ja'ayëty tkäxtë yë Ehud ma ja yajkutujkpë Eglónkën ets tmo'ojëty ja këpäjtën mëti'ipë ënety të tyajmuktën kyajpnjotyëty.

Jueces 3:9

Koonëm tmëpëjktsoowtë ja Wintsën ets ojts tu'uk yë ja'ay pyëtsimy mëti'ipë yajtsokëtën. Ja ja'ay mëti'ipë yajtsokëtën yë'ë xyëëwajt Otoniel, yë myaank yë Quenás yë y'uty yë Caleb.

Jueces 4:13

Ënet tyajmujky ja taxtujk mëko'pxpë ja pyujxnwintëkäämpë mëti'ipë myëtsiptuuntëpën ets ja tsyiptuunpëtëjk ets ojts tsyoontë jam Haroset-goim, jyajtë jam ma ja Quisón nëëwokën.

Jueces 4:4

Ma ya'atë xëëw jëmëjtën yë Israel ja'ayëty yë ënety y'ënä'ämpë'ajtëp tu'uk yë to'oxytyëjk jä'ä txëëwëty Débora, yë Lapidot yë tyo'oxytyëjk.

Jueces 5:8

Ka'ap ojts tyëkoy'äty ja ja'ay mëti'ipë wyinkoxtënaayën ja wiink tios, ma ënety ja tsip jam tyunyën kajpnpë'am ma kajpn yajnitëkën, je'eyëp ko ka'ap yaj'ijxy ja y'akëëytyuk ets ja ku'umën, yi'iyë këxë'ktëp ja Israel ja'ayëty ja niwëxtyikxy milpë.

Jueces 6:6

Mëëtkyëjxm ko ënety yë Madián ja'ayëty ëxëëk y'ëtë'ëtstë ma ja Israel ja'ayëtyën, yë Israel ja'ayëty mëk ojts y'ëyowtë ets tyajnajxtë yë amay jotmay, koonëm ojts tmëkajpxtë ja Wintsën ets pyutëkëtëty.

1 Samuel 7:8

Tä ja Samuel t'ënëmaaytyë: Këtii m'ëmony, mënu'kxta'ak yë Wintsën mëti'ipës nTios'ajtëpën ets wä'än xykyuwa'antës ets wä'än xyajtso'oktës ma tääpë filistejë ja'ayëtyën.