Jueces 4:11 - Biblia Dc en Mixe de Quetzaltepec

¹¹ Winkon ma yajpaatyën yë Quedes, najamtëkë ma xojjot txëëwatyën Saanaim, jam ënety ja Héber ja Quenat ja'ay, tëë ënety ja myëkukajpn tpuwa'ktu'uty, ja Quenat ja'ayëty, yë'ë ja y'ok'u'unk ja Hobab, ja Moisés ja myë't.

Biblia Mixe de Quetzaltepec

¹¹ Winkon ma yajpaatyën yë Quedes, najamtëkë ma xojjot txëëwatyën Saanaim, jam ënäty ja Héber ja Quenat ja'ay, tëë ënäty ja myëkukajpn tpuwa'ktu'uty, ja Quenat ja'ayëty, yë'ë ja y'ok'u'unk ja Hobab, ja Moisés ja myë't.

Jueces 4:11 Iomraidhean Croise

Éxodo 18:1

Yë Jetro mëti'ipë jam teety'ajtpën Madián, yë Moisés yë myë't, ojts tnijawë, wi'ix ënety yë Dios mëj këjää winë të tuktunyën yë Moisés ma ja nyaax kyajpnën, ja Israel kajpn. Ojts näjyëtu'un tnijawë ko tëë ënety ja Dios jap jyuutëtë Egiptë.

Éxodo 2:18

Ko ojts ja to'oxy'ëna'këty jatëkok wyimpitë ma jam ja tyeetyëtyën, ënät y'ënëmaayëtë: ¿E wi'ix ko poj'am të mtimwyimpijnëtë?

Éxodo 3:1

Yë Moisés yë'ë ënety kyëwent'ajtëp ja myë't Jetro kyupixyny, mëti'ipë jam teety'ajtpën Madián, e tëkok ojts jam twojpnëjkxy ma të'ëts'it të'ëtsnaaxën, jam tyimja'ajty ma tu'uk ja mëj kopkën, mëti'ipë ja Dios jyä'ä'ajtypyën, jä'ä txëëwaty Horeb.

Josue 19:33

Ja y'it nyaaxwiinyëtëty jampaat ënety jyä'ty ma ja kajpn txëëwatën Hélef, Elón-saanánim, Adamí-néqueb ets Jabneel,; nyäxy jam Lacum ets jyä'ty ma Jordán nëëjën.

Josue 19:37

Quedes, Edrei, En-Hasor,

Jueces 1:16

Yë Hobab yë y'u'unk y'ok, ja Quenat ja'ay, yë'ë myë't yë Moisés; ojts jam tsyoontë ma ja kajpn txëëwatyën Palmeras mëët ja jyä'äy ja Judá ets ojts nyëjkxtë jam të'ëts'itjotm ma ja Judá ja jyä'äy tnitänën ëpa'tkë'ëmtsow ma Arad yajpaatyën, jamts ojts tsyënaaytyaknpëktë mëët ja ja'ayëty jampë yajpaatën näjyëtu'un.

Jueces 4:12

E ko ja Sísara tnija'awëy, ko ja Barac tëë jam nyäpyëjktä'äkyë ma ja kopkën mëti'ipë yajtijpën Tabor,

Jueces 4:6

Tu'kxëëw tu'kjëmëjt ojts yë Débora tmëjwoy tu'uk yë ye'etyëjk mëti'ipë Barac xyëëwajtyp, yë'ë myaank yë Abinóam, jam tsyëënë Quedes mëti'ipë Neftalí ja jyä'äy ets t'ënëmaay: Yë Wintsën, Israel ja'ay yë Tyios, yë'ë tyam m'ënëmaayëp ko mnëjkxëty jam kopkjotm ma Tabor itjotën ets xyajmukëty yë ja'ay jam nimajk mil aakyë'ë Neftalí ets Zabulón yë jyä'äy.

1 Samuel 15:6

Ets t'ënëmaay ja quenitëja'ayëty: Näjyëpëkëtë miitsëty. Pëtsëmtë jam ma Amalec ja'ayëtyën, këtiipë mëët tu'ukyë m'a'okmuktëty. Jä'ä ko miitsëty oy ojts yë mjot mwinma'any xyajkëxë'ëktë mëët yë Israel ja'ayëty ko jap tsyo'ontë Egiptë. Jëtu'un yë quenitëja'ayëty jyänty tsyo'ontaaytyë jam ma Amalec ja'ayëtyën.

1 Samuel 27:10

Tääts ijty ja Aquis yajtëyë: ¿Mëti'ipë kajpn ojts tyam të xymyeetsy? Tä ja David y'ëtsoy: Jam ëpa'tkë'ëmtsow ma Judá y'itjotmën ets näjyëtu'un jam ëpa'tkë'ëmtsow ma Jerahmeel tnitänën, näjyëtu'un jam ëpa'tkë'ëmtsow ma quenitëja'ay yajpaatën.