Jueces 3:3 - Biblia Dc en Mixe de Quetzaltepec

³ Ojts wyë'ëmtë ja nimëkoxkpë ja filistejë ja'ayëty ja kajpnëty, ma ënety tsyëënëtën ja Canaán ja'ayëty, sitonyë ja'ayëty ets Heve ja'ayëty, jampë tsyëënëtën Líbano kopkjotm, tso'ontä'äky jam ma ja kopkjot yajtijyën Baal-hermón ets jyä'ty ma yajtuknaxyën yë Hamat itjotm.

Biblia Mixe de Quetzaltepec

³ Ojts wyë'ëmtë ja nimëkoxkpë ja filistejë ja'ayëty ja kajpnëty, ma ënäty tsyëënëtën ja Canaán ja'ayëty, sitonyë ja'ayëty ets Heve ja'ayëty, jampë tsyëënëtën Líbano kopkjotm, tso'ontä'äky jam ma ja kopkjot yajtijyën Baal-hermón ets jyä'ty ma yajtuknaxyën yë Hamat itjotm.

Jueces 3:3 Iomraidhean Croise

Génesis 49:13

Yë Zabulón jam nëjkx y'ity tsyëënë ma mëjnëë nyäxyën, ma nëjkx yë kepytyëjk nëëwimye'epyën jya'tën ets tsyoontën. Jampaat yë tsyëpa'an nyaxa'any ma Sidón yë nyaax kyajpn wyi'imyën.

2 Samuel 24:7

Ko jam t'aye'eytyääytyë tääts ojts nyëjkxtë ma ja Tirë kajpnën ets tukjëtijtëtyääytyë ja Heve ja'ayëty ets ja Canaán ja'ayëty ja nyaax kyajpnjotmëty, tyimpëtsëëmtë jam ëpa'tkë'ëmtsow ma ja Judá nyaax kyajpnën ets jyajtë Beerseba.

1 Reyes 8:65

Näy jä'ä xëëw ja Salomón ojts tnixëëwtuny ja tëjk xo'ompyë mëët tëkokyë ja may Israel ja'ayëty. Mayjyä'äy ënety jam yajpatp, ojts myiinta'atë ja mëti'ipë jam tsënaaytyëpën Hamat ets jampaatpë tsyëënëtën ma ja Egiptënaax mëët nyäpyaatëtën. Wëxtujk xëëw wëxtujk tsu'um xyëëwtuuntë, ëpëky ojts kyä'pxy majkmajkts xëëw.

1 Reyes 9:20

E ja Amor ja'ayëty, Hit ja'ayëty, Jerez ja'ayëty, Heve ja'ayëty ets Jebús ja'ayëty mëti'ipë ënety të wyë'ëmtën, ka'apë y'Israel ja'ayëtyën.

Ezequiel 47:20

E xëëwkëtä'äky tsyowpë ja tsëpa'an, jam nëjkx nyäxy ma Mejyën Naax'akujkpyë y'itjotmën, tsyo'onta'akëty jam ma mëët yë Egiptë tyu'kmëtsëpa'anëtyën ets jya'tëty jampaat ma mejypya'ajën ma tsyo'ontaknën yë Hamat y'itjot.

Deuteronomio 1:7

Pëjkmujkta'atë winë ets nëjkxtë jam ma kyopkjotëtyën yë Amor ja'ayëty ets xynyiwa'ktaayëtëty yë y'it nyaaxwiinyëtë jënu'un mëët nyämyëwinkon'atëtën: Tä yë Arabá itjotmën, ja tunjotm kopkjotmën, joyjyotmën, jampaat ma ja itjotm yajtijyën Négueb ets ma ja naax akujkmejyjyotypë ja pya'a nyuxën, ma ja Canaán ja'ay tsyëënëtën ets ma txëëwatyën Líbano, tyimja'tëty jam ma ja Éufrates mëjnëëjën.

Deuteronomio 3:9

Ya'atë kopk, yë Sidónja'ayëty jä'ä tijtë Sirión, e yë Amor ja'ayëty jä'ä tijtë Senir.

Josue 11:19

Yi'iyë ojts wyi'imy ja Gabaón kajpn, ma ja Heve ja'ay tsyëënëtën, mëti'ipë mëët ja käjpxytyu'unën tyuuntën ets mëët nyäy'ënanëtë ko ka'ap yaj'ooka'anëtë. Tëkokyë ja wiinkëtypë ja kajpn atsip ojts tnitëkëtë.

Josue 11:3

Ojts näjyëtu'un tuntë ja käjpxytyu'unën mëët ja Canaán ja'ayëty mëti'ipë ënety yajpatëpën jamtsow a'oytsyow ets anajnytsyow, näjyëtu'un mëët yë Amor ja'ayëty, Hit ja'ayëty, Ferez ja'ayëty, Jebús ja'ayëty jampë tsyëënëtën ets Heve ja'ayëty mëti'ipë jam tsënaaytyëpën ma ja mëjkopk txëëwatyën Hermón Mizpá nyaaxjot.

Josue 13:3

mëti'ipë jam najxpën ma ja Sihor mëjnëë jyënäkyën, a'oytsyow ma Egiptë naaxwiinyëtë yajpaatyën, jyä'ty jam ma Ecrón ja tsyëpa'an nyäxyën, jam anëkëjxmtsow mëti'ipë yaj'antijpën ko Canaán ja'ayëty tjä'ä'atë; ma tääpë it naaxwiinyëtën nimëkoxk jam yajpaatë yë filistejë ja'ayëty yë wyintsëntëjkëty, jä'ä mëti'ipë jam yajpaatëpën Gaza, Asdod, Ascalón, Gad ets jam Ecrón. Jaakwë'ëmp näjyëtu'un ja itjot mëti'ipë nyitënaaytyëpën ja Avejë ja'ayëty,

Josue 13:5

Jaakwë'ëmp näjyëtu'un ja y'it nyaaxwiinyëtëty ja guiplitës ja'ayëty, tëkokyë Líbano itjot, tyimnëjkxy a'oytsyow'äämpy, tsyo'ontä'äky jam Baal-Gad ma ja Hermón kopk ja pya'tkën ets jyä'ty ma tsyo'ontä'äkyën ja Hamat ja nyaaxjot.

Josue 19:28

jyä'ty jam Abdón, Rehob, Hamón ets Caná, tyimja'ty jam ma Sidón mëj kajpnën.

Josue 9:7

Ja Israel ja'ayëty tyaa t'ëtsoowtë ja Heve ja'ayëty: Ëëtsëty wi'ixës n'uknijawëtëty pën janty jëkäm'itën mtsoontë, wä'änxyëp muum winkon mtsëënëtë; ¿E wi'ix jëtu'un ja käjpxytyu'unën ëëts n'ëktuntëty mëët miitsëty?

Jueces 10:12

Sidónja'ayëty, Amalec ja'ayëty ets Madián ja'ayëty; e koos ijty miits xymyëkajpxtë ënätyë nyajtso'oktë.

Jueces 10:7

Paatykyëjxm yë Wintsën ojts tyukjot'anpëkëtë ets y'ëxmajtsëtë ma filistejë ja'ayëty ets ma Amón ja'ayëtyën.

Jueces 14:4

Ja tyeety tyaakëty ka'ap ënety tnijawëtë pën Tiostëm ënety jëtu'un të tuknipëjktaakë ets ja Sansón jëtu'un myäyëty tsyajëty ets ja winma'any jëtu'un tpaatëty, t'ixta'ay wi'ix ja filistejë ja'ay t'ëknipëtë'ëkëtyën mëti'ipë ënä'ämtëpën ma Israel ja'ayëtyën.

Jueces 18:7

Ko jam tsyo'ontë ja nimëkoxpë ja ja'ayëty mëti'ipë ijxtëp tuuntëpën, jam jyajtë ma txëëwatyën Lais. Ma ya'atë kajpnën ja ja'ayëty akujk jotkujk ënety jam tsyëënëtë, jëtu'un tä jyä'äy'atën yë Sidónja'ay ja'ayëty, akujk jotkujk, ka'ap pën y'atsipëtë ets ka'ap tii tyëkoy'ajtxëtë. Jëkäm ënety yajpaatë ets ka'ap pën mëët nyämyäyëtë.

Jueces 3:2

Ya'atë ja kajpn mëti'ipë ojts ja Wintsën tyajwë'ëmyën ets ja ja'ay tnijawëtëty wi'ix mëpaat tsyiptuntën mëti'ipë ënety ka'ap ja tsip të t'ixtën.

Jueces 4:2

Paaty ojts yë Dios tyukjoot'anpëkëtë ets y'ëxmajtsëtë. Ënet yë Jabín myiiny ets yë'ë yajnëjkxëtë, jam ënety y'ëne'emy Canaán ets jam ja kyutujktakn Hazor. Ja tsyiptuunpë wintsën jä'ä ijty txëëwëty Sísara, jam tsyënaay Haróset-goim

1 Samuel 13:5

Yë filistejë ja'ayëty näjyëtu'un ojts nyäyajmujkta'ajëtë ets mëët tsyiptuna'antë ja Israel ja'ayëty. Ja ënety tmëët'atë i'px majk mil yë pujxnwintëkäämpë mëti'ipë myëtsiptuuntëpën, nitëtujk mil mëti'ipë jëyujk këjxy nëjkxtëpën ets ja mëti'ipë tekyye'epy nëjkxtëpën jëtu'un nyimay'ajnëtë nëë'ajinën. Tä nyëjkxta'atë jam Micmás ets jam awinmtsow Bet-avén, jam y'ijtakn tyaj'ixtaktë.

1 Samuel 29:2

Ko ja filistejë kopktëjkëty ënety nyëjkxtë wääpy, ja David mëët ja jyä'äy myintë jëxkë'ptsow mëët ja Aquis.

1 Samuel 6:16

Ko ja filistejë ja'ayëty jëtu'un t'ijxtë ja niwëxtujkpë, mëti'ipë mëj'äämpy ijtëpën kyajpnjotmëty, ënät ojts wyimpijnëtë ets nyëjkxnëtë ma ja kyajpnëtyën jam Ecrón.

1 Samuel 6:18

E ja tsuk näjyëtu'un nyiwinë'atë tä ja filistejë ja kyajpnëtyën, ma ja nimëkoxpë kyukajpn'atën ja filistejë ja'ayëty. Ja mëjtsaa mëti'ipë yajnikajpxpën ma tpëjktaktën ja kaaxë, tyampaat je'eyën jam yaj'ixy ma jam ja kyamën ja Josué mëti'ipë jam kukajpn'ajtpën Bet-semes.

1 Samuel 6:4

¿E tiitsës mëpaat nmo'otë etsës ntukyajjotxäämtëty? Jëtu'un ojts tyajtëwtë. Ets ja teetytyëjkëty y'ëtsoowtë: Yë'ë m'oytyuntëp wëxtujk yë pu'ts pujxn ets xyajnikojtu'utëty yë ki'ix, tu'ukjaty këëktu'uk tkutänyëty ja filistejë ja'ay. Ja wëxtujkpë mëti'ipë nyikopk'ajtëpën ja filistejë kajpn, ëpëky näjyëtu'un xyajnikojtutëpëty mëkoxk yë tsuk, yë'ë mtuk'oytyuntëp yë pu'ts pujxn, pën mnija'awëtyëp ko yë mkopktëjkëty nän yë'ë jëtu'unpë pya'am'ajtëp.