Jueces 20:2 - Biblia Dc en Mixe de Quetzaltepec

² Tëkokyë ja mëjja'aytyëjk jënu'un tnikopk'atën ja Israel kajpn, aaktam ënety yajpaatën; ja Wintsën ja nyaax kyajpn, jä'ä niwinë nyämyujkëtë taxk mëko'px mil ets aak tsiptuunpëty, teky'am nyëjkxtë.

Biblia Mixe de Quetzaltepec

² Tëkokyë ja mëjja'aytyëjk jënu'un tnikopk'atën ja Israel kajpn, aaktam ënäty yajpaatën; ja Wintsën ja nyaax kyajpn, jä'ä niwinë nyämyujkëtë taxk mëko'px mil ets aak tsiptuunpëty, teky'am nyëjkxtë.

Jueces 20:2 Iomraidhean Croise

2 Samuel 14:13

Ënet ja to'oxytyëjk yajtëëwë: ¿E wi'ix ko yë yajkutujkpë jëtu'un ja Dios ja nyaax kyajpn tuunpë? Jëtu'un ijxtëm të m'ëtsoyën, mijts mpokykya'ap ko ka'ap xyajwinpity ja maank mëti'ipë ke'ekyjyëtijtpën.

2 Samuel 24:9

Tä ja Joab tukë'ëtëjkëtyë ja David ja noky, ma ënety të tkëxjaaytya'atën ja ja'ayxyëëw; jä'ä nyiwinë'ajtë ni'ëmukë ja Israel ja'ayëty, tuktujk mëko'px mil mëti'ipë maayënëtëp tsyiptuntëty, mëkoxk mëko'px jam Judá.

2 Reyes 3:26

Ko ja yajkutujkpë t'ijxy mëti'ipë Moab ja'ayën ko ja Israel wäänë mëk ënety ni'ik tsyiptuntë, ënät niwëxtujk mëko'px t'ënëmaay ja tsyiptuunpëtëjk mëti'ipë tekyye'epy tsiptuuntëpën ets tyaj'ëwa'atstëty ja äämjyot, tyaj'oyëtëty tu'uk ja tu'u mëti'ipë jam ja'tëpën ma yajpaatyën Edom yajkutujkpë. Je'eyëp ko ka'ap myääyëtë.

Josue 22:12

Ko ja Israel ja'ayëty tnija'awëtë, ënät ojts jam tyu'ukmuktë ma ja Siló kajpnën ets tnitsoona'antë ja myëku'ukëty ets nëjkx mëët tsyiptuna'antë.

Jueces 20:15

Ja tsiptuunpëtëjkëty mëti'ipë ojts yajxon tuknipëjktaakëtën ets tsyoona'antë tsiptuunpë mëti'ipë jyä'äy'äjtypyën yë Benjamín, jä'ä nyiwinë'ajtë ni''i'px tëtujk mil, ëpëky niwëxtujk mëko'px mëti'ipë ënety të yajwin'ixtën jam Guibeá ets tsip'ixëty yajxon.

Jueces 20:17

E ja wiinkëtypë ja Israel ja'ayëty mëti'ipë pyaye'eytyëpën ja nëë poky, jä'ä nyimay'atë taxk mëko'px mil ets aakyë'ë tsip'ixëtypë mëti'ipë kanaak'ok muum të tsyippatnëtën.

Jueces 20:3

Ja Benjamín ja jyä'äyëty ojts näjyëtu'un tnijawëtë ko ja myëku'uktëjkëty Israel ja'ayëty ënety jam të nyiye'eypyätë Mizpá. Paatykyëjxm ja Israel ja'ayëty ojts tyajtëwtë ja Leví ja'ay mëti'ipë ënety ja tyo'oxytyëjk të y'ookyën, wi'ix ënety mëtëy të y'ixë'atyën.

Jueces 8:10

Yë Zébah ets Zalmuná jam ënety yajpaatë ma tu'uk yë it naaxwiinyëtë txëëwatyën Carcor mëët nimajkmokx mil ja jyä'äy. Tääpë nimajkmokx milpë yë tsiptuunpëtëjkëty, yi'iyë ënety jaakwë'ëmtëp jampë xëëwpëtsëmtsyow yajpaatën. Jä'ä ko tëë ënety nimay y'o'knëtë, jä'ä nyiwinë'atë i'px mil.

1 Samuel 11:8

E ko ja Saúl ojts tmëtoy ja jyä'äy jä'ä nyiwinë'ajtë tëkëëk mëko'px mil, yi'iyë mëti'ipë jam kukajpnajtëpën Israel, ëpëky i'px majk milpë mëti'ipë jam kukajpnajtëpën Judá.