Jueces 20:1 - Biblia Dc en Mixe de Quetzaltepec

¹ Ënet ja Israel ja'ayëty tëkokyë tyu'ukmujktaaytyë mëti'ipë tso'ontëpën Dan, Beerseba ets Galaad, jëtu'un nyämyujkëtë tu'kja'aypyën jam Mizpá, Wintsën wyintuuy.

Biblia Mixe de Quetzaltepec

¹ Ënät ja Israel ja'ayëty tëkokyë tyu'ukmujktaaytyë mëti'ipë tso'ontëpën Dan, Beerseba ets Galaad, jëtu'un nyämyujkëtë tu'kja'aypyën jam Mizpá, Wintsën wyintuuy.

Jueces 20:1 Iomraidhean Croise

2 Samuel 19:14

Jëtu'un ojts tyajjotuky ja Judá ja'ay ets tu'ukyë y'ënaantaaytyë ets ja David wyimpitëty mëët tëkokyë ja tyuunpëtëjk.

2 Samuel 2:9

jamts ojts tkënu'kxy ets yë'ë y'ënä'ämëty yajkutukëty jam Galaad, jam Guesurí, mëti'ipë Jezreel nyitënääpyën, ma näjyëtu'un tnitänën yë Efraín, yë Benjamín ets ma tëkokyë yë Israel tnitänën.

2 Samuel 24:2

Tä ja yajkutujkpë t'ënëmaay ja Joab, mëti'ipë nyiwintsën'ajtypyën ja tsiptuunpëtëjk: Nëjkx tukjëtijtëtya'a ja Israel kajpn ets Judá kajpn, jam xypyatsoonëty Dan ets xyajja'tëty Beerseba, wa'ats xykyëxjaaytya'ajëty ninaak ja ja'ay jam yajpaatën, jëtu'unës nijawëty jënu'un nyiwinë'atën.

2 Samuel 3:10

ko yajpëjkëty yë Saúl yë kyutujkën ets David yë'ë yajmo'ojëty ets yë'ë tyu'uwinwowëty ma ja Israel kajpnën, ma Judá kajpnën, tyimtsoony jam Dan y'itjotm ets tyimja'ty jam Beerseba y'itjotm.

1 Reyes 5:5

Paatyës tu'uk ntuknipëjktaakë nkoja'any yë tsajptëjk ma yajpaatëtyën yë Wintsën, mëti'ipës n'ëwtajtypyën, jëtu'un yajniwa'akëty ko ja Wintsën kë'ëm t'ënëmaay ja nteetyës David ko yë myaank mëti'ipë ënety kutëjkëyëpën ënä'ämpë yë'ë nëjkx tkojy tu'uk ja tsajptëjk, ma yajmëjjawëtyën ja Wintsën.

2 Reyes 25:23

E ko ja tsiptuunpë wintsënëty ets ja jyä'äyëty tnija'awëtyë, mëti'ipë jam kukajpnajtëpën Judá, ënät ojts nyëjkxtë jam Mizpá ets myëtya'aka'antë mëët ja Guedalías. Ja ja'ayëty mëti'ipë ojts jam nyëjkxtën, jä'ä xyëëwajtëp: Ismael, yë myaank yë Netanías; yë Johanán, yë myaank yë Caréah; Seraías, yë myaank yë Tanhumet, mëti'ipë jam kukajpn'ajtpën Netofá ets ja Jaazanías, yë myaank tu'uk yë ja'ay mëti'ipë jam tso'onpën Maacá. Mëët ja jyä'äy ojts nyëjkxtë.

1 Crónicas 21:2

Ënet ja David ojts t'ënëëmë ja Joab ets ja mëjja'aytyëjk: Nëjkxtë jaaymyujkta'atë ja'ay, xytyimyajtso'onta'aktëty jam Beerseba ets xyajja'tëty Dan ets xymyëmintëty ja noky tääts n'ixëtyës jënu'un ja ja'ay nyimay'atë.

2 Crónicas 30:5

tä tkajpxwa'kxtaaytyë ja aaw ayuk, tyajtso'ontaktë jam Beerseba jampaat Dan, ma twoowtsowtën ja ja'ayëty ets myintëty jam Jerusalén xëëw'ajtpë, ma yajmëjjawëja'anyën ja ëmaayxyëëw mëti'ipë ja Wintsën jyä'ä'ajtypyën, mëti'ipë ja Israel ja'ayëty y'ëwtajtëpën. Jä'ä ko ka'ap ijty nëkooyë ja'ay jëtu'un ya'atë xëëw tnimintë, jëtu'un tä ënety jyaminyën kuja'ay.

Esdras 3:1

Ko wëxtujk po'o y'apejty ma ja Israel ja'ayëty ënety jatëkok të tpaatën ja nyaax kyajpnëty, ënät tyu'ukmujktaaytyë jam Jerusalén.

Nehemías 11:27

Hasar-sual, Beerseba,

Nehemías 8:1

Ënet ja ja'ay ye'eymyujktaaytyë jam tëjk'ëkë'ëm ma ja tëjk'aaw yajpaatyën ma nëë nyikoompetyën ets t'ënëmaaytyë ja yaj'ijxpëjkpë Esdras ets tmëminëty ja noky ma myinyën këxja'ay ja ënä'ämën kutujkënën mëti'ipë ja Moisés jyääyën, mëti'ipë ja Wintsën tyukniyajkëyën ja Israel ja'ayëty.

Jeremias 40:6

Ënet ja Jeremías ojts nyijkxy jam ma Guedalías yajpaatyën, Ahicam myaank, jam Mizpá ets tsyënaay jam mëët yë myëkunaax myëkukajpn mëti'ipë ënety të wyë'ëmtën.

Josue 15:38

Dilean, Mizpá, Jocteel,

Josue 17:1

Ya'atë jëtu'un ja itjot naaxjot mëti'ipë ojts tyuka'ajëtën ja Manasés ja jyä'äy, mëti'ipë kyä'äxkopk'ajtypyën yë José. Mëjëyëjp ja Maquir mëti'ipë kyä'äxkopk'ajtypyën yë Manasés, yë Galaad yë tyeety. Tsip'ixy ijty yajxon, yë'ë ojts tyuka'ayë ja Galaad ja y'itjot nyaaxjot jampë yajpaatyën Galaad ets Basán, a'oytsyow wyi'imy ma ja Jordán mëjnëëjën.

Josue 18:26

Mispá, Quefirá, Mosá,

Josue 22:12

Ko ja Israel ja'ayëty tnija'awëtë, ënät ojts jam tyu'ukmuktë ma ja Siló kajpnën ets tnitsoona'antë ja myëku'ukëty ets nëjkx mëët tsyiptuna'antë.

Josue 22:9

Jëtu'un'äämpy ja Gad, ja Rubén ets nikujkwä'kxy ja Manasés ja jyä'äy ojts tpuwa'ktutnëtë ja myëku'ukëty Israel ja'ayëty jam Siló, ma ja Canaán itjotmën ets ojts wyimpijnëtë ma txëëwatyën Galaad, ma ënety ja Moisés ja nyaax kyam të myo'ojëtën mëti'ipë ojts yë Wintsën tim nyi'ënä'ämën.

Josue 4:13

Ja ja'ayëty mëti'ipë tsip'ixyëtyën jä'ä nyimay'ajtë wëxtyikxy mil ets jëjp'ixy tyimyajpaatë mëët ja mëti'ipë myëtsiptuuntëpën oy jëna'a tsyokëtëty. Waatswitsy ye'eytyë Dios wintum ets jamtsow nyëjkxtë ma ja joyjyotën mëti'ipë yë Jericó nyitënääpyën.

Jueces 10:17

Nëjkxëp tëkok ja xëëw jëmëjt tpaaty ets ja Amón ja'ayëty jam nyäpyëjktakëtë Galaad ets ja Israel ja'ayëty ojts näjyëtu'un nyäpyëjkta'akëtë jam Mizpá.

Jueces 11:11

Ënet ja Jefté ojts tpanëjkxy ja mëjja'aytyëjk, ko jam jyajtë kajpnjotm, ënät ja kajpn ojts tnikajpxpety ja Jefté ets yë'ë wyintsën'atëty ets tu'uwinye'eyëty ja tsip. Jam Mispá, jam ojts yë Jefté Dios tuk'ëwaanë tä ënety të y'ënä'änyën.

Jueces 11:34

Ko yë Jefté wyimpijty ets jyä'äjty ma tyëjkën jam Mizpá, ënät ja nyëëx tu'kpajkpë pyëtsiimy pëyi'ikyë äjtspë mëët yë panderë. Yi'iyë ijty tu'uk nyëëx'ajtyp ka'ap wiinkpë y'ëna'k

Jueces 18:29

Oyën ënety tëëyëp yajtijy Lais, yë'ëjëty jä'ä ojts tyajxëëwpätë Dan, mëët ko ja y'aptëjk jëtu'un txëëwajty, ja myaank ja Israel.

Jueces 20:11

Ja Israel ja'ayëty tu'ukyë nyämyujktaayëtë ets jëtu'un ja kajpn tnitëkëja'antë.

Jueces 20:18

Tä yë Israel ja'ayëty jam tsyo'ontë ets ojts nyëjkxtë jam Betel, yë'ë nyijawëjantë pën ja Dios ënety wyin'ijxyp ets tnitëkëty ja Benjamín ja'ayëty. Yë Wintsën yë'ë wyin'ijx yë Judá ja'ayëty ets tsyiptunëty mëët ja Benjamín ja'ayëty.

Jueces 20:2

Tëkokyë ja mëjja'aytyëjk jënu'un tnikopk'atën ja Israel kajpn, aaktam ënety yajpaatën; ja Wintsën ja nyaax kyajpn, jä'ä niwinë nyämyujkëtë taxk mëko'px mil ets aak tsiptuunpëty, teky'am nyëjkxtë.

Jueces 20:26

Ënet jatëkok ojts nyëjkxtaaykyojnëtëpë ja tsiptuunpëtëjkëty ets tëkokyë ja ja'ayëty jam Betel ets jyiiytyë yaxtë Dios wintum mëët ko ënety may ja myëku'uk të y'o'kojnëtëpë. Tu'kxëëw yajxon ka'ap kyääytyë y'uktë ets ja Wintsën tmooytyë ja wyintsë'kën ma tuntën mëët ja näy'ëëw'oy näykyajpx'oyë.

Jueces 20:8

Ënet tu'kmukyë wya'akë'ëktaaytyë ets y'ënantë: Tyam ni pën kyawinpitëty ets kyanëjkxëty ma tyëjkën.

Jueces 21:5

Ets aakyë'ë nyäyajtëëwëtë, ¿Ma ëëtsajtëmën, pën ka'ap të y'otsy jam Mizpá ma ja nätyu'ukmukë të y'ityën? Jam Mizpá tëë ënety jam tkäjpxy'atë, ko pën të kya'otsyën ma ja nätyu'ukmukë të y'ityën yaj'ookantëp.

1 Samuel 10:17

Kom ok Samuel tmëkajpxmujktaay ja Israel ja'ayëty ets jam tyu'ukmuktëty Mizpá ma t'ëwtata'antën ja Wintsën.

1 Samuel 3:20

Tu'kë'ëyë ja naax kajpy jampë yajpaatën ma Dan y'itjotmën ets ma txëëwatyën Beerseba ojts tnijawëtë ko yë Samuel yë'ë ënety tu'uk mëj Dios mëtuunpë mëti'ipë nyikajpxëpën ja Wintsën ja y'aaw y'ayuk jëwyiin jëyëjp.