Jueces 18:2 - Biblia Dc en Mixe de Quetzaltepec

² Paatykyëjxm yë ja'ayëty mëti'ipë Dan jyä'äy'äjtypyën, jampë yajpaatën Sorá ets Estaol. Nimëkoxk tkäjxtë myëku'uk ets nëjkx t'ixtë tuntë ja it naaxwiinyëtë, tyaapë nimëkoxpë ijxpë tuunpëty jamtsow ojts nyëjkxtë ma kopkjotmën mëti'ipë yë Efraín ja jyä'äy nyitënääpyën ets jya'ajtaktë ma Micaías yë tyëjkën, jamts ojts ja kootsajtën tyajnaxtë.

Biblia Mixe de Quetzaltepec

² Paatykyëjxm yë ja'ayëty mëti'ipë Dan jyä'äy'äjtypyën, jampë yajpaatën Sorá ets Estaol. Nimëkoxk tkäjxtë myëku'uk ets nëjkx t'ixtë tuntë ja it naaxwiinyëtë, tyaapë nimëkoxpë ijxpë tuunpëty jamtsow ojts nyëjkxtë ma kopkjotmën mëti'ipë yë Efraín ja jyä'äy nyitënääpyën ets jya'ajtaktë ma Micaías yë tyëjkën, jamts ojts ja kootsajtën tyajnaxtë.

Jueces 18:2 Iomraidhean Croise

Jueces 13:25

E nëjkxëp tu'kxëëw tu'kjëmëjt nyijkxy yë Sansón jam ma Dan yë y'ijtaknën mëti'ipë yajpatën itkujky ma naaxwiinyëtë txëëwatyën Zorá mëët yë Estaol, ënät ojts kyëxë'ëky yë Wintsën yë myëk'ajtën ma yë'ëjën.

Josue 2:1

Jam ënety yajpaatë Sitim ko ojts yë Josué tkexy nimäjtsk yë ja'ay jam Jericó ets nëjkx y'ixtë tyuntë ma ja naax kajpnën, jëtu'un t'ënëmaay: Nëjkxtë ixtë tuntë tääpë it naaxwiinyëtë ets xykyëwentëpëktëty wi'ix yajpaatyën yë Jericó kajpn. Ënet ojts nyëjkxtë ets jyajtë jam ma tu'uk ja to'oxytyëjk ja tyëjkën mëti'ipë ja jyot nyini'kx nyimeenypyijkpyën, jä'ä txëëwaty Rahab, jam ojts ja tsuu tyajnaxtë.

Jueces 18:11

Tä nitëtujk mëko'px tsyo'ontë yë Dan yë jyä'äy jam Sorá ets Estaol. Yajxon jëjp'ixy ets nipëjktaakë tsyo'ontë.

Jueces 18:8

Ënet ojts ja wëxtujkpë ja ja'ayëty wyimpijnëtë mëti'ipë të y'otstën ijxpë tuunpë ets jyajtë jam jatëkok Estaol ets Sorá, ma ja myëku'uktëjk yajpatën ets yajtëëwtë: ¿Wi'ix të mjat të mkëpätë? Ets yë'ë y'ëtsoowtë:

Lucas 14:31

Näyjyëtu'un tu'uk ja yajkutujkpë, pën tsiptunaanp mëët wiinkpë yajkutujkpë, ¿Ka'ap jëtää jëwyiin tmëmay tmëtajëty pën mëpaat twinkuwa'akë ja myëtsip mëti'ipë myëët'ajtypyën i'px mil ja tsyiptuunpë, ets yë'ë je'eyë tmëët'aty nimajk mil?

Proverbios 20:18

Ko tii yë ja'ay yajxon tuknipëjktaakë, ënät y'oyë pën tëë yajkajpxtë'ëy. Ko muum yë tsip y'ity, ënät ja'ay yajxon twinkuwa'akë pën tëë jëyëjp tmëmay tmëtajy wi'ix tsyiptuna'anyën.

Jueces 19:18

Tä ja Leví ja'ay y'ëtsooy: Najxtëp ëëts je'eyë, jamës ntsoontë Belén ma kajpnën mëti'ipë yë Judá ja'ay nyitënääpyën, e jamës nëjkxtë jëkäm ma ja kopkjotmën mëti'ipë yë Efraín ja jyä'äy nyitënääpyën maas ëjts ntsëënën. Jamës Belén mäjtsk tëkëëk xëëw të npo'oxy, tyam winpijnëpës maas yë ntëjkën, e yaatsës njayajnaxa'any yë tsuu ets ka'apës pën xyajja'ajtä'äky.

Jueces 19:1

Jä'ä xëëw jä'ä jëmëjt ma ënety ja Israel ja'ayëty ka'ap tmëët'atënëm yë yajkutujkpë, tu'uk yë Leví ja'ay jam kyukajpnëty ma ja naax kajpnën, ma Efraín ja jyä'äy tnitänën. Ojts tu'uk yë to'oxytyëjk mëët nyäpyuwa'akëty mëti'ipë jam kukajpn'ajtpën Belén ma Judá ja jyä'äy tnitänën.

Jueces 16:31

Ok myiintë ja Sansón ja jyiiky myëku'uk ets ojts ja nyini'kx yajpëjkë'ëky, jam nyaaxtëjkëy itkujky ma Zorá ets Estaol mëët nyäpyäätyë, jam ma ja tyeety näjyëtu'un nyaaxtëjkëyën mëti'ipë xyëëwajtypyën Manoa. I'px jëmëjt ojts yë Sansón jam tu'uwinye'ey yë Israel kajpn ets tnitsiptuuny.

Jueces 13:2

Jam Sorá, ma tsyëënëtën yë ja'ayëty mëti'ipë yë Dan jyä'äy'äjtypyën, jam ijty tsyëënë tu'uk yë ja'ay mëti'ipë xyëëwajtypyën Manoa. Yë tyo'oxytyëjk ka'ap ijty nitu'uk yë u'unk maay tmëëtëty, jä'ä ko ka'ap ënety tjëkyepy y'u'unk'ixëty.

Josue 19:41

Ma ya'atë it naaxwiinyëtën jam ënety yajpaatë ja kajpnëty mëti'ipë yajtijtëpën Zorá, Estaol, Ir-semes,

Génesis 42:9

Ënet ja José tja'amyejtsy ja wyinkuma'ay mëti'ipë ënety të t'ixyën mëët yë'ëjëty, tä t'ënëmaay: Miitsëty je'eyë min xy'ixa'an xytyuna'antë tii yaa kajpn myëët'ajtyp kyamëët'ajtyp.

Josue 15:33

E jam ma joyjyotmën jä'ä ojts nyikääkëtë ja kajpn mëti'ipë yajtijtëpën: Estaol, Zorá, Asná,

Jueces 17:1

Jam ma ja kopkjotmën mëti'ipë yë Efraín jyä'äy nyitënääpyën, jam ijty tu'uk yë ja'ay tsyëënë jä'ä xyëëwajtyp Micaías.

Jueces 18:3

E jam ënety yajpaatë ma ja Micaías ja tyëjkën ko tyo'kmëtoowtë wi'ix kyäjpxyën ja Leví ja'ay, ënät tyajtëëwtë: ¿Pën jëtu'un yaa të myajminyë? ¿Wi'ix ko yaa myajpaaty? ¿Tiitën yaa m'ixtääpy?

Josue 2:2

E ojts ja ja'ay y'ixëtë ets tuk'ëwa'anëtë ja yajkutujkpë jampë yajpaatyën Jericó ets y'ënantë: Tëë yë Israel ja'ayëty nimäjtsk jya'të ya'atë xëëw ets t'ixa'an tuna'antë yë naax kajpn.

Jueces 18:13

Jamts tsyo'ontë ets ojts nyëjkxtë ma ja kopkjotmën mëti'ipë Efraín ja jyä'äy nyitënääpyën ets jam jyajtë ma ja Micaías ja tyëjkën.