Jueces 17:2 - Biblia Dc en Mixe de Quetzaltepec

^2-3 Ojts ja tyaak tuk'ëwaanë ets t'ënëmaay: Nanë, ja meeny mëti'ipë m'antijpyën ko tëë yajmeetsy ets mëët yë'ëkyëjxn ja mä'tspë të xypyoky. Ja poop pujxn meeny mëti'ipë m'antijpyën, ëjtsës yë nmä'ts, e tyamts jatëkok nmo'oy, jä'ä ko okës të nijawë ko ja Wintsën ënety mtuknipëjkë'këp ets tu'uk xyaj'oyëja'any yë awinax oytyuny mëët yë poop pujxn. Ko ja poop pujxn meeny tkë'ëyäjky, ënät ja tyaak janty jotkujk nyäjya'awëyë ets mëk yujk'ënany: Dios mkënu'kxëtëp mëjwiin këjää u'unk maay.

Biblia Mixe de Quetzaltepec

^2-3 Ojts ja tyaak tuk'ëwaanë ets t'ënëmaay: Nanë, ja meeny mëti'ipë m'antijpyën ko tëë yajmeetsy ets mëët yë'ëkyëjxn ja mä'tspë të xypyoky. Ja poop pujxn meeny mëti'ipë m'antijpyën, ëjtsës yë nmä'ts, e tyamts jatëkok nmo'oy, jä'ä ko okës të nijawë ko ja Wintsën ënäty mtuknipëjkë'këp ets tu'uk xyaj'oyëja'any yë awinax oytyuny mëët yë poop pujxn. Ko ja poop pujxn meeny tkë'ëyäjky, ënät ja tyaak janty jotkujk nyäjya'awëyë ets mëk yujk'ënany: Tios mkënu'kxëtëp mëjwiin këjää u'unk maay.

Jueces 17:2 Iomraidhean Croise

Génesis 14:19

ojts tkënu'kxy yë Abram mëët ya'atë aaw ayuk: Yë Dios Ni'ik Këjxmëpë mkënu'kxëtëp mjëkyäpëtëp, mëti'ipë yajkojën yë tsajp ets naaxwiinyëtë.

Nehemías 13:25

Ojts mëëtëty yajxon näy'ojyës, ets ojtsës mpoky. Ojts pën nwopyës ets ojts mëti'ipë kyuwaay nkatswijxës ets ojts ntukupëktës ets tnikajpxtëty mëët ja nTios'ajtëmë ja xyëëw ko ka'ap tkupëka'antë ets ja y'u'unk y'ëna'k pyëktëty mëët ja jaaypyaat jaaypyo'kxy ja y'u'unkëty y'ëna'këty mëti'ipë mëët ka'ap ntu'kja'ayajtëmën. Ojtsës näjyëtu'un n'ënëëmëtë:

Salmos 10:3

Yë ëxëëk ja'ay oy tnimëtyä'äky kë'ëm mëti'ipë tsyojkpyën; ja'ay mëti'ipë atsojkpën pyojkpy ets y'ixtijpy yë Dios.

Éxodo 20:7

Ka'ap yë mWintsën Dios yë xyëëw ëëwpäjn kajpxpäjn je'eyë xywya'anëty, jä'ä ko yë'ë ka'ap jëtu'unyë tnayajninaxa'any mëti'ipë ënety nëkoo ja xyëëw tyuk'ëyë'këpën.

Proverbios 28:24

Jëëky mëku'uk nyäxy yë ja'ay ma yajja'ay'o'kpën mëti'ipë ja tyaak tyeety tyoompy mye'tsypyën ets ënät y'ënä'äny ko ka'ap tii poky tuny.

Jeremias 48:10

Poky yë ja'ay wyi'imy mëti'ipë ka'ap winë aaw winëjot tunyën mëti'ipë ja Wintsën të tyuk'ëne'emyën. Poky yë ja'ay wyi'imy mëti'ipë ka'ap jyam'atyën ko ja o'kën y'itëty.

Mateo 26:74

Ënet ja Pedro kanaak ok y'ënäny: Ka'apës tääpë ja'ay n'ixy'äty. Ënet ojts tu'uk ja këtseynyë'aaw yaaxë'ëky,

Romanos 9:3

ja ënaanpës ets jeexyë kajpxpoky n'ityës, nmëjëkäm'atyës ja Kristë ets tuk'oy'atëty ja nmëku'uktëjkës, nmëjutiis ja'ayës.

1 Corintios 16:22

Pën jää jënaakën ka'apë tsokyën ja Wintsën Jesukristë, wä'än t'ity kajpxpoky. Min tsojk Wintsën Jesukristë.

Deuteronomio 27:16

Poky yë ja'ay wyë'ëmëty, mëti'ipë ka'ap ja tyeety tyaak tmëj'ixy t'mëjpëjktä'äkyën. Ënet ja ja'ay y'ëtsowtëty: Oy, jëtu'un'atëp.

2 Juan 1:11

Pën kyajpxpo'kxyp yë'ë ënety mëët yajpaaty.

Jueces 17:1

Jam ma ja kopkjotmën mëti'ipë yë Efraín jyä'äy nyitënääpyën, jam ijty tu'uk yë ja'ay tsyëënë jä'ä xyëëwajtyp Micaías.

Jueces 5:23

Ets ja Wintsën ja kyukäjpxy y'ënä'äny: Wä'än yë ëyo'on tkëtä'äky ma Meroz. Jä'ä ko yë'ëjëty ka'ap yë putëjkën të tyajktë ma ja Wintsën Dios ojts tjani'ënä'ämën.

Rut 3:10

Tääts ja Booz y'ëtsooy: Dios mkënu'kxëtëp. Tyamës nja'akyukë ko mijts mwinkutsë'këp yë mye'etyëjk oy të y'o'knë, paatyës ëjts xytsyojkën'aty; nu'unxëp mkamayë jeexyë mëët mpëky tu'uk yë ye'etyëjk mëti'ipë jaak'ëna'kën, kumeenypë ëkë mëti'ipë ëyoopën. E ka'ap jëtu'un të xytyuny.

1 Samuel 14:24

E yë'ë tëy yë Israel ja'ayëty yajxon ënety të y'ënu'kxëtyääynyëtë, jä'ä ko ka'ap ënety ni pën të kyäy, jä'äkyëjxm ko ënety yë Saúl të y'ënä'äny: Poky yë ja'ay wyë'ëmëty mëti'ipë kääpyën ma ka'anëm yë xëëw kyëtä'äkynyëmën, maas ënety ka'ap të n'ijxnajxta'aynyën yë nmëtsipës.

1 Samuel 14:28

Tääts tu'uk ja tsiptuunpë y'ënëmaayë mëti'ipë ijxën: Tëë mteety y'aaw y'ayuk tkäjpxy Dios xyëëwkëjxm ets të y'ënä'äny: Ko pën tii jyi'kxyp tyam, poky nëjkx wyi'imy. Ijxtëm xy'ixyën paatykyëjxm yë ja'ay tëë y'ënu'kxëtyääynyëtë.

1 Samuel 15:13

Tä ja Samuel jam tsyo'ony ets ojts nyijkxy, jam ma ja Saúl ënety yajpaatyën ets y'ënëmaayë: Yë Wintsën mkënu'kxëtëp. Tëës npatuny tä ja Wintsën të tni'ënä'ämën.

1 Samuel 23:21

Tä ja Saúl y'ëtsoowëtë: Dios mkënu'kxëtëp mëjwiin këjää mëët ko miitsëty xypya'ëyow xynyajts'ëyowëtës.

1 Samuel 26:19

Mëyajtënës yam npëjktsoopy yë mëj'ënä'ämpë ets tmëtowëty mëti'ipës yam nkajpxäämpyën. Pën yë'ë jëtu'un yë Wintsën të tyajkutuky etsës yë mëj'ënä'ämpë xy'ixjëtit xypyajëtitëty, yë'ë y'ëxajëp ko ënety ja wyintsë'kën myo'oyë. E pën kë'ëmts jëtu'un twinma'any'äty, yë Wintsën pokëtëp yë'ë. Jä'ä ko tëëjës nyaj'ëxwojp nyaj'ixkäjxnë ma ya'atë it naaxwiinyëtën mëti'ipë yë Wintsën jyä'ä'ajtypyën etsës jam të xynyaswopëtë ma ka'ap tsyipëtyën etsës ja wiink tios n'ëwtajnëty.