Jueces 17:1 - Biblia Dc en Mixe de Quetzaltepec

¹ Jam ma ja kopkjotmën mëti'ipë yë Efraín jyä'äy nyitënääpyën, jam ijty tu'uk yë ja'ay tsyëënë jä'ä xyëëwajtyp Micaías.

Biblia Mixe de Quetzaltepec

¹ Jam ma ja kopkjotmën mëti'ipë yë Efraín jyä'äy nyitënääpyën, jam ijty tu'uk yë ja'ay tsyëënë jä'ä xyëëwajtyp Micaías.

Jueces 17:1 Iomraidhean Croise

Jueces 18:2

Paatykyëjxm yë ja'ayëty mëti'ipë Dan jyä'äy'äjtypyën, jampë yajpaatën Sorá ets Estaol. Nimëkoxk tkäjxtë myëku'uk ets nëjkx t'ixtë tuntë ja it naaxwiinyëtë, tyaapë nimëkoxpë ijxpë tuunpëty jamtsow ojts nyëjkxtë ma kopkjotmën mëti'ipë yë Efraín ja jyä'äy nyitënääpyën ets jya'ajtaktë ma Micaías yë tyëjkën, jamts ojts ja kootsajtën tyajnaxtë.

Jueces 10:1

Ko ojts y'o'knë yë Abimélec, ënät jam tu'uk pyëtsiimy yë ja'ay mëti'ipë xyëëwajtypyën Tolá, yë'ë myaank yë Puá, y'ok'u'unk yë Dodó; ojts tnitsiptuny yë Israel kajpn ets tyajtsoky. Jam ijty tsyëënë Samir ma ja kopkën mëti'ipë nyitënääpyën yë Efraín ja'ay.

Josue 15:9

y'ëwtijtë'ëky jam ma kopkupi'tsykën ets jyä'ty ma ja Neftóah nëëkopkën, jam tsyoony ets nyijkxy ma ja kajpn yajpaatën mëti'ipë jamëtyën ma ja Efrón kopkjotmën, nyäxy jam Baalá mëti'ipë näjyëtu'un yajtijpën Quiriat-jearim.

Jueces 16:31

Ok myiintë ja Sansón ja jyiiky myëku'uk ets ojts ja nyini'kx yajpëjkë'ëky, jam nyaaxtëjkëy itkujky ma Zorá ets Estaol mëët nyäpyäätyë, jam ma ja tyeety näjyëtu'un nyaaxtëjkëyën mëti'ipë xyëëwajtypyën Manoa. I'px jëmëjt ojts yë Sansón jam tu'uwinye'ey yë Israel kajpn ets tnitsiptuuny.

Jueces 17:2

Ojts ja tyaak tuk'ëwaanë ets t'ënëmaay: Nanë, ja meeny mëti'ipë m'antijpyën ko tëë yajmeetsy ets mëët yë'ëkyëjxn ja mä'tspë të xypyoky. Ja poop pujxn meeny mëti'ipë m'antijpyën, ëjtsës yë nmä'ts, e tyamts jatëkok nmo'oy, jä'ä ko okës të nijawë ko ja Wintsën ënety mtuknipëjkë'këp ets tu'uk xyaj'oyëja'any yë awinax oytyuny mëët yë poop pujxn. Ko ja poop pujxn meeny tkë'ëyäjky, ënät ja tyaak janty jotkujk nyäjya'awëyë ets mëk yujk'ënany: Dios mkënu'kxëtëp mëjwiin këjää u'unk maay.

Josue 21:21

Ma ja kopkjotmën mëti'ipë yë Efraín nyitënääpyën yë'ë ojts yajmo'otë ja Siquem kajpn ets jam ja ja'ay kyäktso'oktëty mëti'ipë ënety ka'ap tsyokyëty ja myëku'uk të tyaj'ookyën, ëpëky näjyëtu'un ojts yajmo'otë ja kajpn mëti'ipë yajtijpën Guézer.

Josue 24:30

Ets jam tyajnaaxtëjkëtyë Timnat-sérah, ma ja nyaaxjotmën mëti'ipë jyä'ä'ajtypyën, jam yajpaaty ma ja kopkjotmën mëti'ipë nyitënääpyën yë Efraín, anëkëjxytsyow wyi'imy ma Gaas kopkën.

Jueces 3:27

Ko jam jyä'äjty ma ja Israel ja'ayëty ja y'itjotëtyën, ënät ojts tyaxmujkta'ay nitëkokyë ja Efraín ja jyä'äyëty mëti'ipë ënety jam yajpatëpën kopkjotm ets tyo'ontë, yë'ë ja Ehud jëwyiin'ajtp.

Jueces 18:13

Jamts tsyo'ontë ets ojts nyëjkxtë ma ja kopkjotmën mëti'ipë Efraín ja jyä'äy nyitënääpyën ets jam jyajtë ma ja Micaías ja tyëjkën.

1 Reyes 4:8

Ya'atë nimajkmäjtskpë ojts tyuntën jä'ä xyëëwajtë: Ben-Hur, jam t'atänë ma ja kopkjotmën mëti'ipë ja Efraín ja jyä'äy nyitënaaytyëpën;