Jueces 11:2 - Biblia Dc en Mixe de Quetzaltepec

² E yë Galaad mëti'ipë tyo'oxytyëjk'ajtypyën tam ijty nimay ja y'ëna'k, ënät ojts t'ëxwoptë ja Jefté jam ma tyëjkëtyën ets t'ënëmaaytyë ko ka'ap nitii kuma'ayën tjëjp'ixëty mëti'ipë tyeety jeexyë mooyëpën jä'ä ko wiink to'oxytyëjk tyaak'ajtyp.

Biblia Mixe de Quetzaltepec

² E yë Galaad mëti'ipë tyo'oxytyëjk'ajtypyën tam ijty nimay ja y'ëna'k, ënät ojts t'ëxwoptë ja Jefté jam ma tyëjkëtyën ets t'ënëmaaytyë ko ka'ap nitii kuma'ayën tjëjp'ixëty mëti'ipë tyeety jeexyë mooyëpën jä'ä ko wiink to'oxytyëjk tyaak'ajtyp.

Jueces 11:2 Iomraidhean Croise

Génesis 12:10

Tëkok ojts yë yuu xëëw jam y'ity ma ja Abram tsyëënën. Ënet ojts nyijkxy jap Egiptë tsënääpyë tu'kxëëw tu'kjëmëjt. Jä'ä ko ka'ap ënety jam t'ëkpatnëtë tii jyë'kxtëp ets jyuuky'atëty.

Génesis 21:10

Ënet ojts tuk'ëwaanë yë nyiye'etyëjk Abraham, t'ënëmaay: Wä'än tim nyijkxy yë Agar mëët yë y'u'unk Ismael, wi'ix ko yë n'u'unk'ajtëm Isaac t'ëkpëjkwa'kxpëty yë nyäkyumayë mëët tääpë mëtuunpë y'u'unk.

Proverbios 2:16

Nëjkxëp myaj'ëwaatsëpëtsëmyë ma ja wiink to'oxytyëjkën, ja to'oxytyëjk mëti'ipë janty'oy yajmëtoopën kyäjpxy myëtyä'äky,

Proverbios 5:20

¿U'unk maay, wi'ix ko wiink to'oxytyëjk mnätyukyajkujo'opëtëty, wi'ix ko wiink to'oxytyëjk mmatsëtëty mënänëtëty?

Proverbios 5:3

Jä'ä ko yë wiink to'oxytyëjk janty'oy yajmëtoy kyäjpxy myëtyä'äky, ets y'aaw yo'kn yu'unk naxym yajmëtoy,

Gálatas 4:30

¿E wi'ix ja Dios ja y'aaw y'ayuk y'ënä'äny? Jëtu'un y'ënä'äny: Jëkäx yë to'oxytyëjk nitookpyë mëët yë y'u'unk, jä'ä ko ka'ap yë y'u'unk pyäätyë ja kuma'ayën mëti'ipë yajmo'ojaanpën ja ëwaatsëtumpë ja to'oxytyëjk ja y'u'unk.

Deuteronomio 23:2

Näyjyëtu'un tu'uk yë ja'ay mëti'ipë ka'ap yajnijawën pën tyeety'äjtypyën, ka'ap tjëkyepy yajpaatëty ma ja Wintsën ja nyaax kyajpnën, ni yë'ë ja y'u'unk y'ëna'k jam kyayajpaatëty.

Jueces 11:1

Jefté jotmëkja'ay ijty ets tsip'ixy, jam kyukajpnëty Galaad, yë'ë tyaak'ajtyp tu'uk yë to'oxytyëjk mëti'ipë jyot nyini'kx ijty tyo'kpyën ets yë'ë tyeety'äjtyp tu'uk yë ye'etyëjk mëti'ipë xyëëwajtypyën Galaad.

Jueces 11:3

Paaty yë Jefté ojts timy kyuke'eky ja myëku'uktëjk ets ojts jam nyijkxy tsënääpyë ma Tob itjotmën, jam twoomujky yë ja'ay mëti'ipë ijty je'eyë yajja'ay'o'ktëpën ets yi'iyë tyuunk'ajtëp tsyoontë mëët ja Jefté ets nëjkx muum tii tuuntëkoytyë.