Jueces 11:10 - Biblia Dc en Mixe de Quetzaltepec

¹⁰ Ets ja mëjja'aytyëjk y'ëtsoowtë: Yë Dios yë'ë yam wa'ats xy'ijxyp nyija'ap ko ëëtsëty tyamës nkupëktë tä yam m'ëna'anyën:

Biblia Mixe de Quetzaltepec

¹⁰ Ets ja mëjja'aytyëjk y'ëtsoowtë: Yë Tios yë'ë yam wa'ats xy'ijxyp nyija'ap ko ëëtsëty tyamës nkupëktë tä yam m'ëna'anyën:

Jueces 11:10 Iomraidhean Croise

Génesis 16:5

Ënet ja Sarai t'ënëmaay ja nyiye'etyëjk Abram: Mijts poky mëët'ajtyp koos yë Agar ka'ap xy'ëkmëj'ijxnë. Ëjts mijts kë'ëm të nmo'oy ets xymyëët'atëty ijxtëm jeexyë xytyo'oxytyëjkëtyën. E ko ënät nyäjyawëty u'unk nyëkëjxm'ajtyp, mëj këjxm nyäjya'awënë. Dios ënät ëna'anëp, pën yë poky myëët'ajtyp, pën ëjts ëkë mijts.

Génesis 21:23

Paaty tyam nikäjpxyës, mëët Dios xyëëwkëjxm, ma yaa nyajpatëmën. Ko ka'ap wi'ix xytyuna'antës, ëjts mëëtës ja njëën ntëjk ja n'u'unk n'ëna'k, etsës ja n'u'unk n'ok. Nikajpx mëët Dios xyëëwkyëjxm ko oyës xyjyawëja'any, jëtu'un tä mijts oy të njawën, ets näjyëtu'un mëët tu'kë'ëyë mëti'ipë tsënaay juuky'ajtëpën ma ya'atë naax kajpnën ma tyam mtsëënën.

Génesis 31:50

Pën ëxëëk xytyuny ja n'u'unkës nnëëxës ets pën mpëjkpy m'ukpy wiinkpë ja to'oxytyëjk, oy ënety pën tka'ixy tkanijawë, Dios yë kë'ëm kyëwentëpëkëp.

Génesis 31:53

Wä'än yë'ë tkëwentëpëky yë Dios mëti'ipë yam nikajpxëmën nimëtyakëmën, mëti'ipë y'ëwtajtën yë mtatwelë Abraham etsës yë ntatwelë Nahor. Ënet yë Jacob ojts tukë'ëwan tukë'ëyaaxë ja Dios mëti'ipë ënety jam y'ëëwmujk kyajpxmujktëpën, ja Dios mëti'ipë ja tyeety Isaac y'ëwtajtën.

Éxodo 20:7

Ka'ap yë mWintsën Dios yë xyëëw ëëwpäjn kajpxpäjn je'eyë xywya'anëty, jä'ä ko yë'ë ka'ap jëtu'unyë tnayajninaxa'any mëti'ipë ënety nëkoo ja xyëëw tyuk'ëyë'këpën.

Jeremias 29:23

Jëtu'un nëjkx mjatë mkëpätë ko ënety ëxëëk winë të xytyuntë jam Israel: ko ojts ka'ap ja mto'oxytyëjk xywyintsë'ëkëtë ets xymyëët'ajnëtë ja mjëëky mmëku'uk ja tyo'oxytyëjkëty ets ojts winë xynyikajpxtë ëjts nxëëwkyëjxmës ka'apë myëtëyëtyën mëti'ipë ënety ka'ap të ntuk'ënä'ämtën. Ëjts nija'apës yë'ë yajxon ko jëtu'un m'ëtëtstë m'ënantë. Ëjts Wintsën, ëjts ënaanp.

Jeremias 42:5

Ënet t'ëtsoowtë ja Jeremías: Yë mWintsën Dios yë'ë y'ixëp nyijawëp ko ënety ëëtsëty tii oy nkatuntës ijxtëm yë'ë xytyuk'ënä'ämtënës.

Miqueas 1:2

Ni'ëmukë yë naax kajpn, mëtoow'itë ya'atë; ninu'un yë ja'ay tsyëënëtën ma wiinkëtypë naax kajpnën, mëmay mëtajtë ya'atë: Yë Wintsën, yë'ë mtukwinmëtowanëp ja mtëko'oyën jam ma wa'atspë tsyajptëjkën.

Zacarías 5:4

Yë Wintsën mëti'ipë maaytyääyëpën winë jëtu'un y'ënä'äny: Jamës ya'atë pojkën nyajkëta'aka'any mëti'ipë miinpën kuja'ay ma ja'ayën mëti'ipë toonp mä'tspën ets mëti'ipë nëkoo je'eyë wyäämpyën yë nxëëwës ëëwpäjn kajpxpäjn. Ets ya'atë pojkën ënätnëm jyëwa'aka'any ko ënety tëë kyëjxta'ay mya'ta'ay ja tëjkwitsë ets ja tsaa.

Malaquías 3:5

Yë Wintsën mëti'ipë maaytyääyëpën winë jëtu'un y'ënä'äny: Minaanpës ets miitsëty nipaye'eya'antë. Näyjyëtu'un kë'ëm n'ixa'any nmëtowa'anyës wi'ix ënety yajtuntën ja mëti'ipë najtsja'awëtëpën, mëti'ipë ka'ap twintsë'ëkën ja nyiye'etyëjk ëkë ja tyo'oxytyëjk; mëti'ipë nanëkoo ëëwpäjn kajpxpäjn wyäämpyën yë Dios yë xyëëw; mëti'ipë ka'ap tsow tmëjuyën yë tyuunpë, je'eyë mëk tyajtuny; mëti'ipë o'ktëy tyuunpyën ja ku'ookytyo'oxy ets ja ku'ooky u'unk; mëti'ipë yaj'ëyoopyën ja jaaypyaat jaaypyo'kxy ets mëti'ipë ka'ap wyinkutsë'ëkën.

Romanos 1:9

Dios, mëti'ipës ëmuumtu'ukjot nmëtuumpyën ets nnikäjpxy nnimëtyä'äkyës ja y'u'unk, yë'ë y'ijxyp nyija'ap ko miits xëmë nja'amyätstë koos ja Dios nmëkäjpxy.

2 Corintios 11:31

Ja Dios, ja Wintsën Jesukristë Tyeety, mëti'ipë paat'ajtëp ja wyintsë'kën xëmëkyëjxmëpë, nyija'ap koos tëy n'ëna'any.

Deuteronomio 1:16

Ënätës näjyëtu'un ntuk'ëwa'anëtyë, tii mëpaat tuntën ets n'ënëmaaytyës: Miits mëtoow'itëp, tii y'amay'ajt jyotmay'ajtëp. Nipaye'eytyë ma amay jotmay tpaatën, wä'än yë'ëjëty yë kunaax kukajpn ets wä'än yë'ëjëty jaaypyaat jaaypyo'kxy.

Jueces 11:9

Pën miitsëty mjanty tsyojktëp etsës nwinpitëty jatëkok ma jam myajpaatën etsës ntsiptunëty mëët yë Amón ja'ayëty. Koos yë Wintsën xyajmëta'akëty, ëjts nëjkx miits xywyintsën'atë. Jëtu'un y'ëtsooy ja Jefté.

1 Samuel 12:5

Jëtu'un ja Samuel ojts tnikäjpxy ja ayuk: Yë Wintsën ets ya'atë yajkutujkpë yë'ë jëtu'un wë'ëmtëp ijxpë nija'apë ko miitsëty ka'ap tii tëko'oyën të xypyaatë ma ëjtsën. Tääts y'ëtsoowtë ja Israel ja'ayëty: Tëyajtën jëtu'un.

1 Samuel 24:12

Yë Wintsën yë'ë kyëwentëpëkëp pën pokymyëët ma ëëtsajtëmën nimäjtsk ets tnitsiptunëty yë yajkutujkpë, e ëjts nijëna'ajës yë yajkutujkpë maa nkamëtëkoyëty.