Jueces 10:9 - Biblia Dc en Mixe de Quetzaltepec

⁹ Yë Amón ja'ayëty ojts tninaxtë yë Jordán mëjnëë ets mëët tsyiptuna'antë ja Judá ja jyä'äyëty, ja Benjamín ja jyä'äyëty ets ja Efraín ja jyä'äyëty; ënät yë Israel jyä'äyëty mëkjotmayjoty ojts nyäyjyawëtë.

Biblia Mixe de Quetzaltepec

⁹ Yë Amón ja'ayëty ojts tninaxtë yë Jordán mëjnëë ets mëët tsyiptuna'antë ja Judá ja jyä'äyëty, ja Benjamín ja jyä'äyëty ets ja Efraín ja jyä'äyëty; ënät yë Israel jyä'äyëty mëkjotmayjoty ojts nyäyjyawëtë.

Jueces 10:9 Iomraidhean Croise

2 Crónicas 14:9

Ojts nyipëtë'ëkëtë Zérah, Etiopíë ja'ay, mëët may ja tyuunpëtëjk; jä'ä nyiwinë'ajtë tu'uk millon ja ye'etyëjktëjk ets tëkëëk mëko'px ja kepy wintëkäämpë mëti'ipë myëtsiptuuntëpën, jampaat jyajtë Maresá.

2 Crónicas 15:5

Jä'ä xëëw jä'ä jëmëjt ka'ap ënety maa ja akujk'ajt jotkujk'ajtën; je'eyë ja tsë'ëkë jawë yajmëëtëty xiitsow yaatsow mëët ja wiinkëtypë ja kajpn.

Deuteronomio 28:65

Ko ënety jam myajpatnë wiink naax wiink kajpn, ninu'un nëjkx mkajotkujk'aty ets ninu'un nëjkx jam mkapo'kxy. Jä'ä ko yë Wintsën yë'ë nëjkx t'ëwa'atsy ets je'eyë xëmë mtsë'ëkëty mjawëty, ja mwiin mjëjp nëjkxëp kyiixë'knë, mjatsokëp jam ja jotkujk'ajtën.

Jueces 10:10

Paatykyëjxm ojts ja putëjkën t'amëtowtë ma Tiosën ets t'ënëmaaytyë: Wintsën ëëts nja'awëtyëpës ko tëë myajmëtëkoy mëët ko të myaj'ëxmatsy etsës ja wiink tios të npanëjkxtëkëtë.

Jueces 10:8

Yë Amón ja'ayëty ets filistejë ja'ayëty ëxëëk tuuntë yë Israel ja'ayëty mëti'ipë jam tsënaaytyëpën Galaad, jamtsow awinmtsow ma Jordán nëë jyënäkyën, ma nyaaxjotëtyën yë Amor ja'ayëty.

Jueces 11:4

Nëjkxëp ojts tëkok ja Amón ja'ayëty tnitëkëtë yë Israel kajpn,

Jueces 2:15

Ko ijty jyatsoontë tsiptuunpë je'eyë nëjkx ëxëëk o'ktëy jyatë kyëpätë ets nimay y'ooktë tyëkoytyë, ka'ap myëta'aktë. Jä'ä ko ja Wintsën ka'ap ënety y'ëkputëjkënëtë, jëtu'un tä ënety të t'akäjpxyën. E ko ja Dios t'ijxy ko ja Israel ja'ayëty o'ktëy jyatë kyëpätë,

Jueces 6:2

E jä'ä ko yë Madián ja'ayëty ëxëëk ënety tuntë yë Israel ja'ayëty, paaty yë Israel ja'ayëty ojts yë naaxwiinyëtë t'ixta'atë ma twinkuyu'utstëtyën yë Madián ja'ayëty, ojts tajtë yë jut jam kopkëjxm ets aank ma ka'ap pën pyaatëtëtyën.

1 Samuel 13:6

Yë Israel ja'ayëty mëj jotmayjoty ojts nyäyjyawëtë, jä'ä ko ja filistejë ja'ayëty jëtu'unyë tyukpëtijtmujkëtë. Paatykyëjxm ojts jap muum jyaak näyu'utsëtë aankjoty, jutjoty, wokjoty ets tam mëti'ipë muum mo'ontsjoty näyu'tsëtën, tääts jyaak näyajtsokëtë.

1 Samuel 28:15

Tä ja Saúl y'ënëmaayë: ¿Tiijës ko nëkoo xy'atsip etsës yaa xyajminy? Tä ja Saúl y'ëtsooy: Jä'ä ko janty moonp janty tujkpës ëjts nyajpaaty, yë filistejë ja'ayëty yë'ëjës nëkoo xymyëma'ayëtëp e yë Wintsën tëëjës xy'ëxmajtsnë. Koos njamëkäjpxy, ka'apës xy'ëk'ëtsoownë, ni kuma'ayjoty ets ni yë'ë mëët yë tyuunpëtëjk. Paatykyëjxm mijts të nyajmëkäjpxyë etsës xytyuk'ëwaanëty tiijës mëpaat ntuny.