Jueces 1:9 - Biblia Dc en Mixe de Quetzaltepec

⁹ Ënet näjyëtu'un tninëjkxtë ja Canaán ja'ayëty jampë tsyëënëtën, näjyëtu'un ma txëëwatyë Négueb ets ma ja mëj joyën ojts tyajkutëkooytya'atë ja ja'ayëty jampë ënety tsyëënëtën ets ja nyaax kyajpnëty tniwa'ktaaytyë.

Biblia Mixe de Quetzaltepec

⁹ Ënät näjyëtu'un tninëjkxtë ja Canaán ja'ayëty jampë tsyëënëtën, näjyëtu'un ma txëëwatyë Négueb ets ma ja mëj joyën ojts tyajkutëkooytya'atë ja ja'ayëty jampë ënäty tsyëënëtën ets ja nyaax kyajpnëty tniwa'ktaaytyë.

Jueces 1:9 Iomraidhean Croise

Génesis 12:9

Jëtu'un ja Abram tyu'uye'ey, xii yaa muum wäänjaty tsyënaaytyaknpëky ets jam jyä'äjty Négueb y'itjotmën.

Josue 10:36

Ko jam Eglón tsyo'ontë, jam ojts nyëjkxtë Hebrón ets tnitëjkëtyë.

Josue 11:21

Jä'ä xëëw ojts ja Josué tyajkutëkoy ja anaquitas ja'ayëty, jampë tsyëënëtën ma ja Hebrón y'itjotmën, ma ja kajpn Debir, Anab ets tëkokyë ja kopkjot jënu'un yë Judá ets Israel tnitänën.

Josue 12:8

Ojts tëkokyë tjä'ä'ajta'atë ja tunjot kopkjot, ja joyjyot, ma ja Jordán mëjnëëjën; näjyëtu'un ja it ets ja të'ëts'it jampë yajpaatyën Négueb. Ya'atë naaxwiinyëtë yë'ë ënety të tjä'ä'atë yë Hit ja'ayëty, Amor ja'ayëty, Canaán ja'ayëty, Ferez ja'ayëty, Heve ja'ayëty ets Jebús ja'ayëty.

Jueces 1:10

Ojts näjyëtu'un tnitëkëtë ja Canaán ja'ayëty jampë tsyëënëtën ma ja it naaxwiinyëtë yajtijyën Hebrón mëti'ipë ijty tëëyëp yajtijpën Kiriat-arba ets tyajkutëkooytyë ja Sesai ja'ayëty, ja Ahiman ja'ayëty ets ja Talmai ja'ayëty.

Jueces 1:8

Yë Judá ja jyä'äyëty ojts tnitëkëtë yë Jerusalén ets tniwa'ktë ko tyaj'o'ktaaytyë yë ja'ay mëti'ipë ënety jam tsënaaytyëpën tä ojts ja kajpn tyajtoytyë.