Juan 9:16 - Biblia Dc en Mixe de Quetzaltepec

¹⁶ Ënet jënaakën ja fariseë ja'ayëty y'ënantë: Ja ja'ay mëti'ipë ya'atë tyuunpyën ka'ap yë'ëjëty Dios yajtunyë, jä'ä ko ka'ap yë po'kxënxëëw t'ëmaay'äty. Ets ja wiinkpë y'ënantë: ¿Wi'ix jëtää mëj'ajtën tunëty pën pokyjyä'äy? Tääts ojts nyäpyëjkwa'kxëtë xim yam.

Biblia Mixe de Quetzaltepec

¹⁶ Ënät jënaakën ja fariseë ja'ayëty y'ënantë: Ja ja'ay mëti'ipë ya'atë tyuunpyën ka'ap yë'ëjëty Tios yajtunyë, jä'ä ko ka'ap yë po'kxënxëëw t'ëmaay'äty. Ets ja wiinkpë y'ënantë: ¿Wi'ix jëtää mëj'ajtën tunëty pën pokyjyä'äy? Tääts ojts nyäpyëjkwa'kxëtë xim yam.

Juan 9:16 Iomraidhean Croise

Mateo 12:10

Tap ënety tu'uk ja ye'etyëjk mëti'ipë ja kyë'ë të'ëtsën tu'k'atu'um; ja ja'ayëty mëti'ipë myëtsip'ajtëpën ja Jesús ënätyë ojts wyinma'any'ixta'atë wi'ix t'ëkyajka'atëty ja Jesús, paaty t'ënëmaaytyë: ¿Mëpaat'ajtp tu'uk yë pa'amja'ay tsyo'oky säpëtë xëëwë?

Mateo 12:2

Ko ja fariseë ja'ayëty jëtu'un t'ijxtë, ënät t'ënëmaaytyë ja Jesús: Ix yë m'ijxpëjkpëtëjk y'ëtë'ëtstë, yë'ë tyuuntëp ka'apë mëpaat säpëtë xëëw yajtunyën.

Lucas 13:14

E ja tsajptëjk wintsën ojts tukjoot'anpëky ja Jesús ko ja to'oxytyëjk ojts tyajtso'oky po'kxënxëëwjoty paaty ja ja'ay t'ënëmaay: Tëtujkxëëw nyikutukyëty ets ja'ay tyuntëty. Pën mtso'okantëp, mintë oyjyëna'ajëty ets ka'ap pyo'kxën xëëwjotyëty.

Juan 10:19

Ko ja jutiis ja'ayëty ojts tmëtowtë mëti'ipë ja Jesús kyäjpxypën ënät ojts ka'ap tu'knax myäytyë tyajtë.

Juan 14:11

Mëpëjktëkës koos n'ëna'any koos n'ity tu'ukyë mëët ja Dios Teety ets ja Dios Teety y'ity tu'ukyë mëët ëjts; pën ka'ap, oy yi'iyë xymyëpëktëty mëti'ipës ntuunpyën.

Juan 15:24

Ka'ap jeexyë tii poky tmëët'atë ko jeexyë ëjts tii nkatuny mëti'ipë ka'ap pën tunyënëm; e ëjts yë'ëjës të ntuny mëti'ipë tëë t'ëk'ijxtëpën, ets je'eyëm xy'ëxëëk'ixtë ets näjyëtu'un t'ëxëëk'ixtë ja nTeetyës.

Juan 2:11

Ya'atë mëj'ajtën mëti'ipë Jesús tyuunën jam Caná ma Galilea y'itjotmën yë'ë ma mëtu'uk tyajnikëxë'kyën ja myëj'ajt y'oyajtën.

Juan 3:2

Yë'ë ojts ninëjkxy ja Jesús koots ets t'ënëmaay: Wintsën, nija'awëtyëpës ko mijts Dios të mkexyë ets ëëts xyaj'ijxpëktëty, jä'ä ko ka'ap tjëkyepy pën tunëty ja mëj'ajtën ijxtëm mijts xytyunyën pën ka'ap ja Dios tmëëtëty.

Juan 5:10

paaty ja jutiis ja'ayëty t'ënëmaaytyë ja ja'ay mëti'ipë ënety të tsyo'okyën: Po'kxënxëëw tyam, ka'ap kyutukyëty ets tyam xykyiiyjyëtitëty yë mmaapäjn.

Juan 5:36

Nmëët'ajtypës ja tëyajtën ni'ik këtiinëm ja Juan. Mëti'ipës ëjts ntuunpyën yë'ë mëti'ipë ja Dios Teety ëjts xymooyën ets ntunëtyës, yë'ë yajtëytyëjkëp koos ja Dios Teety të xykyexy.

Juan 6:52

Tääts ja jutiis ja'ayëty tyëjkëtyë aakyë'ë mëtyakpë nixim niyam: ¿Wi'ix yë'ë nyi'kx kyopk xymyo'omyëty ets një'kxmëty?

Juan 7:12

May ja ja'ay nyimëtya'akëtë xiitsow yaatsow. Jënaakën y'ëna'antë: Oyjyä'äy yë'ë. Wiinkpë y'ëna'antë: Ka'ap y'oyjëtity; nëkoo ja'ay twin'ëëny.

Juan 7:23

E miitsëty ko xykyaninaxa'antë ja Moisés ja y'ënä'ämën, mnatsujk'ëwtijtëp ja mëxu'unk ja ye'etyëjkajtën po'kxënxëëwjoty. ¿E tiits ko xywiinkjawëtë koos nyajtso'oky po'kxënxëëwjoty tu'uk ja pa'amja'ay?

Juan 7:43

Tääts ja ja'ayëty ka'ap ojts oy tyajtu'knaxëtë ja wyinma'anyëty ko tjanikajpxtë pën Jesus'ajtp.

Juan 9:24

Ojts ja jutiis ja'ayëty jatëkok twowtë ja mëti'ipë ënety wiints të y'ityën ets t'ënëmaaytyë: Tuk'ëwa'anëtëkës ja tëyajtën ma Tiosën, ëëtsëty nija'awëtëp ko ya'atë ja'ay pokyjyä'äy yë'ë.

Hechos 14:4

Ja ja'ayëty mäjtskpëky ojts nyäwya'kxëtë, tam mëti'ipë pyukajpxëtëpën ja jutiis ja'ayëty ets tam mëti'ipë pyukajpxëtëpën ja ijxpëjkpëtëjkëty.