Juan 8:6 - Biblia Dc en Mixe de Quetzaltepec

⁶ Jëtu'un ojts tyajtëwtë yë'ë y'ëk'ixantëp wi'ix ja Jesús y'ëtsoy, ko kyajpxtëkoyëty tääts ni'ëënëja'antë. Ja Jesús ojts wyintä'äky ets jyääy naaxkëjxy mëët ja kyë'ëwa'axy.

Biblia Mixe de Quetzaltepec

⁶ Jëtu'un ojts tyajtëwtë yë'ë y'ëk'ixantëp wi'ix ja Jesús y'ëtsoy, ko kyajpxtëkoyëty tääts ni'ëënëja'antë. Ja Jesús ojts wyintä'äky ets jyääy naaxkëjxy mëët ja kyë'ëwa'axy.

Juan 8:6 Iomraidhean Croise

Génesis 49:9

Mijts Judá u'unk maay, jëtu'un mijts tä tu'uk yë kaa u'unkën mëti'ipë amëk jotmëk jëyujk'ajtpën ets ko tsu'tsta'ay twëjtsta'ay yë jyëyujk'ooky, tääts nyämyëkäjxtä'äkyë ets myä'äy pyo'kxy akujk jotkujk ijxtëm tu'uk yë mëj kaajën. ¿Pën nëkoo ëkyajjotkëxanëp?

Salmos 39:1

Ëjts jëtu'unës ënety të nmay të ntajy koos oy njuuky'ata'any, ka'apës nëkoo nëë poky ntuna'any nkajpxa'any, mëkës yë n'aaw nyä'än nkëwent'ata'any ko ënety ja ëxëëkja'aytyëjk nwintuuyës yajpaatë.

Proverbios 26:17

Mëti'ipë ja'ay tsiptuktëjkëpën, jëtu'un nyäxy tä jeexyë tu'uk yë uk tyatskëjxy tmatsyën.

Eclesiastés 3:7

Nyixëëw nyijëmëjt pyätyp ko pën wit tukëëtsë ets ko pën wyit'axuyë. Ko pën amonyë y'ity ets ko pën kyäjpxy.

Jeremias 17:13

Wintsën, mijts yë Israel ja'ayëty m'a'ijx mjëjp'ijxëp. Mëti'ipë m'ëxmajtsëpën, tsëtyu'unmëët wyë'ëma'any. Mëti'ipë mmëjëkämkäkëpën, jëtu'un nëjkx jyäty tä ja'ayxyëëw naaxwayjoty yajkëxja'ayën, poj'am pyojtëkoy, mëët ko ënety mijts të myaj'ëxmatsy ma jëtu'un m'ityën tä nëëkopkën.

Daniel 5:5

Tam ënety mëkujk kyäytyë y'uuktë ko jam potsywinm yajmëj'ijxpejty tu'uk yë jëën ets yaj'ixy tu'uk yë kë'ë jyä'äy jam potsywinm, jap tëkoty ma ja ja'ay pyo'kxtën, poop ja potsy yaj'ixy. Ko ja yajkutujkpë t'ijxy ja kë'ë jyä'äy,

Amós 5:10

Janty mon janty tuk miitsëty myajpaatë mëti'ipë y'ëxëëk ijxtëpën ko ti mëtëy yajnipaye'ey ets mëti'ipë y'ëxëëk ijxtëpën ko ja pokyjyä'äy tkumëtoy ja nyëë pyoky.

Amós 5:13

Paatykyëjxm yë ja'ay mëti'ipë wijyën amonyë tyim ijty, jä'ä ko y'ijxyp ko ka'ap tii oy wyimpëtsëmy.

Mateo 10:16

Ëk'ixtë. Jëtu'un yam miits nkäxtë ijxtëm ja kupixyny nyëjkxtën pa'uk'akujky. Wijy kejy mnäpyëjkta'akëtëty ijxtëm ja tsa'anyën. Yujy mnäpyëjkta'akëtëty ijxtëm ja pakën.

Mateo 15:23

Ja Jesús ka'ap nitu'k'aaw t'ëtsooy. Ënet ja y'ijxpëjkpëtëjk nyinëjkxëtë ets myënu'kxtakëtë: Ënëëmë tääpë to'oxytyëjk wä'än tnëjkxy, jä'ä ko yaxp jojkp xypyami'inëmë.

Mateo 16:1

Tääts ja fariseë ja'ayëty ets ja saduceos tnimiintë ja Jesús ets twinma'any'ixa'antë, yë'ë ojts t'amëtowtë ja Jesús ets tunëty mëj'ajtën mëti'ipë yajknikëxë'ëkëp ko Dios të kyexyë.

Mateo 19:3

Tam ja Farisejë ja'ayëty näjyëtu'un yajpaatë, yë'ë ja Jesús wyinma'any'ixantëp je'eyë ets tyajtëëwtë: ¿Kutujkp ets ja ye'etyëjk t'ëxmatsëty ja tyo'oxytyëjk ko tii tuk'ijxma'atëtyë yiinpë wäänpë?

Mateo 22:18

Jesús ojts t'ixy ko je'eyë wyinma'any'ixtë, paaty t'ënëmaay: Oyjyä'äy mnätyijëtë, ¿tii ko miits xyajkajpxtëkoya'antës?

Mateo 22:35

ets nitu'uk ja fariseë ja'ayëty mëti'ipë oy nyija'awëp ja Moisés ja y'ënä'ämën, ojts tjawinma'any ixa'any ja Jesús ets tyajtëëy:

Mateo 26:63

E ja Jesús amonyë y'ijty. Tääts ja teety wintsën y'ënëmaayë: Ja juuky Dios yam ntukajpxpejtypyës ets tëy tëtä'äky xynyikajpxëty. Tuk'ëwa'anëtyëk ëëts pën mijtsëtën mKristë, ja Dios ja y'U'unk.

Marcos 10:2

Tääts ja fariseë ja'ayëty ojts jënaakën tninëjkxtë ja Jesús, ets je'eyë twinma'any'ixa'antë, tyajtëëwtë: ¿Kutujkp ets ja ye'etyëjk tyo'oxytyëjk t'ëxmatsëtyë?

Marcos 12:15

Ja Jesús ojts nijawë ko ënety nëkoopë je'eyë myintë winma'any'ijxpë. ¿Tii ko xywyinma'any'ixa'antës? Yaktë tu'uk ja meeny, wä'änës n'ëk'ixy.

Marcos 3:2

Tap ja ja'ayëty mëti'ipë y'ijxtaaytyëpën ja winma'any pën tii y'ëktukni'ë'ënëtyëp ja Jesús, jä'ä nyijawëjantëp pën y'ëkyajktsokpy ja pa'amja'ay po'kxënxëëwjoty.

Marcos 8:11

Ënet ja fariseë ja'ayëty tnimiintë ja Jesús ets je'eyë twinma'any'ixa'antë, yë'ë y'ixantëp pën jam muum kyajpxtëkoy, ets t'amëtowtë ja Jesús ets tyaj'ixëtëty tu'uk ja mëj'ajtën ets yajmëpëkëty pën janty jam tsyoony ma Tiosën.

Lucas 10:25

Tu'uk ja tsajptëkotyëtë yaj'ijxpëjkpë wya'kujkëy ets tkäjpxywyitsa'any ja Jesús ets tyajtëëy: Wintsën, ¿tiis ntunëp ets npaatëtyës ja juukyajtën xëmëkyëjxmëpë?

Lucas 11:16

Ets tam jënaakën mëti'ipë je'eyë wyinma'any'ixantëpën ja Jesús, yë'ë y'amëtoowtë ets tyuk'ixëtëty ja mëj'ajtën mëti'ipë tso'onpën tsajpjotm.

Juan 8:2

ets ko xyiinytyäky, tää ojts nyijkx ma ja mëjtsajptëjkën. Ënet ja ja'ay tyukye'eymyujkë ets nyaaxwe'tsy ets yaj'ijxpëjktso'ony.

1 Corintios 10:9

Ka'ap ja Wintsën nwinma'any'ijxmëty, ijxtëm yë'ë ojts jënaakën y'ëtë'ëtstën mëti'ipëty ojts ja tsa'any kyutsu'utsëtën.