Juan 8:36 - Biblia Dc en Mixe de Quetzaltepec

³⁶ Pën ja Dios U'unk, myaj'ëwaatsëpëtsëëmëtëp, ënät miits ëwaatsëtum m'ittëty.

Biblia Mixe de Quetzaltepec

³⁶ Pën ja Tios U'unk, myaj'ëwaatsëpëtsëëmëtëp, ënät miits ëwaatsëtum m'ittëty.

Juan 8:36 Iomraidhean Croise

Salmos 119:133

Yajtu'uye'eykyës jëtu'un ijxtëm ja m'aaw m'ayuk y'ënä'änyën; këtii xy'ëwa'atsëty ets ja ëxëëkpë xymyëmëta'akëtyës.

Salmos 119:32

Ëjts poj'amës njapatuunta'aja'any yë m'ënä'ämën mtëyajtën, jä'ä ko janty jotkujkës nnäjyawëty mijts xyaj'ity yë njot nwinma'anyës.

Salmos 19:13

Jëpëk ma ya'atë mtuunpën yë amëj'ajt akëjxmajtën, ets këtii xy'ëwa'atsëty etsës amëj akëjxm nja'ay'atëty. Jëtu'unës ka'ap ëxëëk nyajpaatëty; nmëjëkäm'atëpës ja mëjpoky.

Isaías 61:1

Ja Wintsën ja myëk'ajtën y'oyajtën tyaa yajpaaty mëët ëjts, jä'ä ko tëëjës yë Wintsën xykyënu'kxy; të xykyexyës etsës njotkujkmo'ojëty ja ëyoopëja'aytyëjk, nyajtso'ok nyaj'akëta'akëtyës ja jëëpyë yaxpë, nyaj'ëwaatsëpëtsëmëtyës ja tsumpyë matsypë, njuutëtyës pujxn tëkoty mëti'ipë natëk nawa'akë të yajmatsyën;

Lucas 4:18

Ja Dios ja Jyot jya'awën ëjts nmëët'ajtëp, etsës të xypyëjktä'äky ma ja ëyoopëja'ayën etsës ntuk'ëwaanëtëty ja oy aaw oy ayuk, tëëjës xykyexy etsës n'ëwaanëty wi'ix tu'ukyë y'itëty mëti'ipë ijtëpën ijxtëm ja ja'ay pujxn tëkotypyën, ets y'ijxë'ëktëty ja kupi'its kukootspë, ets y'ëwaatsëpëtsëmtëty mëti'ipë yajtëytyuun yajtsaatsytyuuntëpën.

Romanos 8:2

jä'ä ko ja Kënu'kxymyëkajtën ja y'ënä'ämën mëti'ipë ja Kristë Jesús yajjuuky'äjtypyën, tëë ja myajpëtsëmyë ma ja pokyën mëti'ipë yaj'o'kpën.

1 Corintios 7:22

Ja ja'ay mëti'ipë ijty mëtuunpën nitooky, najtspëkë ja tyam y'ity jä'ä ko jëtu'un ja Dios të tuknipëjktaakë; ets näjyëtu'un mëti'ipë ijty najtspëkë ijtpën ko ja Dios ojts yaaxtsoyë, Kristë ja tyam myëtuumpy ijxtëm mëtuunpë nitookpyën.

2 Corintios 3:17

Jä'ä ko yë Wintsën yë'ë Kënu'kxymyëk'ajtën'ajtp; ma ja Kënu'kxymyëkajtën yajpaatyën tam'ajtp ja nitsokën.

Gálatas 5:1

Tëë ja Kristë xymyo'oyëmë ja ëwaatsëtum'ajtën ets ëwa'atstuuy nyajpatmëty. Paaty tyam itë amëk jotmëk ma ëwaatsëtum myajpaatën ets këtii jatëkok m'ëk m'ëknäkyë'ëyajkënëtëty ma të myajpaatën ijxtëm jeexyë mnitooky'atën.