Juan 8:34 - Biblia Dc en Mixe de Quetzaltepec

³⁴ Tä ja Jesús y'ënëmaayëtë: Tëy miits nëëmëtë, ni'ëmukë mëti'ipë pokytyuuntëpën, jëtu'un ja poky yaj'itëtë ijxtëm jeexyë myëtuunpë'atën nitooky.

Biblia Mixe de Quetzaltepec

³⁴ Tä ja Jesús y'ënëmaayëtë: Tëy miits nëëmëtë, ni'ëmukë mëti'ipë pokytyuuntëpën, jëtu'un ja poky yaj'itëtë ijxtëm jeexyë myëtuunpë'atën nitooky.

Juan 8:34 Iomraidhean Croise

1 Reyes 21:25

Ka'ap ojts maa jëtu'unpë yajkutujkpë nijëna'a tyuny, mëti'ipë ojts yi'iyë tyo'oxytyëjk nyätyuk'ëne'emyën, ijxtëm yë Ahab tyuunën yë tyo'oxytyëjk Jezabel ets je'eyë ojts nëkoo tii ëxëëkjaty tyuktuuntëkoyë jam Wintsën wyintum.

Proverbios 5:22

Yë ëxëëk ja'ay kë'ëm nyäyajtu'u'ëtukyë ko tii tkäjpxy tmëtyä'äky wiinkjaty. Yë poky mëti'ipë tyuunpyën, yë'ë nätyuktsuum nätyukmajtsëp.

Mateo 5:18

Jä'ä ko jëtu'unës yam n'ëna'any, maanëm jyää'atyën yë tsajp ets naaxwiinyëtë, ka'ap nitu'uk yajjëpëkëty yë letrë, yë puntë komë, mëti'ipë japën ënä'ämënjoty, koonëm yajkuuytyuunta'ajëty.

Juan 3:3

Ënet ja Jesús y'ënëmaayë: Tëy mijts t'ënëëmë, pën ka'ap jatëkok ja ja'ay myëxu'unk'aty, ka'ap tjëkyepy t'ixëty ja Dios ja kyutujkën.

Hechos 8:23

Jëtu'unës n'ixy ko yowë näjyënaxë xyjyawë ko ja poky myaj'ityë tsumy matsy.

Romanos 6:12

Paaty nëëmëtë, këtii xy'ëwa'atstëty ets ja poky yë'ë m'ënä'ämëtëty ma mjot mnini'kxëtyën mëti'ipë o'kpën, këtii xykyupëktëty ets mtuk'atsip'atëtëty ets xytyuntëty ja ëxëëkpë ma mjot mnini'kxëtyën.

Romanos 6:16

Miits mnija'awëtëp pën mnäkyë'ëyajkëtëp ijxtëm ja mëtuunpë nitookpyën ma tu'uk ja wintsënën ets tëë m'ëna'antë ko yë'ë xymyëmëtowa'antë; mëtuunpë nitookpyë miitsëty mnaxtë ma tääpë ja wintsënën mëti'ipë mmëmëtoowtëpën; e näjyëtu'untsën miits mnaxtë tä ja mëtuunpë nitookpyën, ko yë'ë xymyëmëtowtë ja poky ets myaj'ookëtë, ëkë ko xymyëmëtowtë ja Dios ets mjuuky'atë ma ja oypyë ja nipaye'eyën.

Romanos 6:6

Nnija'awëm ko ëëtsajtëm ëxëëk ijty njuuky'ajtëmë, e tëë ja njuukyajtën'ajtëm mëët tu'ukyë ja Kristë kyëruutspety, ets jëtu'un kyutëkoyëty ja ëxëëk winma'any ets ka'ap ja poky xy'ëktëytyu'unënëty,

Romanos 7:14

Nnija'awëm ëëtsajtëm ko yë ënä'ämën ka'ap yaj'ixy, e ëjts jä'äs ko npokyjyä'äyëty, paatyës jëtu'un nyajpaaty pokyjotm ijxtëm tu'uk ja ja'ayën mëti'ipë juy tookyën.

Romanos 7:25

Nkukajpxëpës ja Dios, yë'ëjës xytyukniwatsp, koos të nmëpëky ja Wintsën Jesukristë. Ëjts, njanija'apës ko yë'ë oy ko ja Dios ja y'ënä'ämën ntuk'ijtëmëty, e ëjts jä'ä ko npokytyunyës paaty ja poky yë'ë ja y'ënä'ämën ntuk'ijtëyës.

Romanos 8:21

ets ja mëj'ajtën jaanty'ajtën ëwa'atstum pyëjkta'akëtëty ets ja Dios ja y'u'unk y'ëna'k tpata'antë ja myëj'ajt y'oyajtën.

Efesios 2:2

Yë'ë ijty mpatuuntëp ja naaxwiinyëtë ja'ay ja wyinma'any ets ja ku'oypyë mëti'ipë jëtijtpën pojjotm ets tjotmëkmo'oy ja ja'ay mëti'ipë ka'ap tmëmëtowtën ja Dios.

Tito 3:3

Tëëyëp näjyëtu'un ijty ntsuu'ajtëmë, ka'ap nmëmëto'owëm ja Dios, tëkoy ijty nyajpatëmë. Ja atsojkën ets mëti'ipë ni'ik ntukjotkëtakëmën yë'ë ijty xyaj'ijtëm ijxtëm ja mëtuunpën ëne'empyë y'ityën. Ëxëëk ijty nja'ay'ajtëmë, ntuk'ëxëëk'ijxëm ijty winë ja nmëku'uk'ajtëmë, ëxëëk ijty nyajpatëmë ets ëxëëk näy'ijxëmë xim yam.

2 Pedro 2:19

Tukwinwa'anëtëp ja oypyë juukyajtën tyamts pokyjotm kë'ëm y'itë, jä'ä ko ëne'emy pawopy tyaj'itë mëti'ipë të tmëmëta'aktën.