Juan 8:15 - Biblia Dc en Mixe de Quetzaltepec

¹⁵ Jëtu'un miits winë xypyaye'eytyë ijxtëm tii kyëxë'ëkyën. Ëjts ka'apës pën npaye'ey.

Biblia Mixe de Quetzaltepec

¹⁵ Jëtu'un miits winë xypyaye'eytyë ijxtëm tii kyëxë'ëkyën. Ëjts ka'apës pën npaye'ey.

Juan 8:15 Iomraidhean Croise

Amós 5:7

Janty mon janty tuk yë ja'ay yajpaatë mëti'ipë je'eyë y'ate'empy tyukte'empyën yë tëyajtën.

Amós 6:12

¿Wä'än jëtää yë kwaay tsaakëjxy ye'eytyëtyë? ¿Wä'än jëtää yë tsajpkaa nyajyu'umëty nëëjotyë? Miitsëty, të xyaj'awinpitë ja oypyë ja nipaye'eyën tä xëwätën ets ta'amëm të jya'awëkyëtä'äky ma tëkatsy winë të xypyaye'eytyën.

Habacuc 1:4

Ka'ap ja ënä'ämën tëyajtën tyuny, ka'ap tii mëtëy yajnipaye'ey, ja ëxëëk ja'ay y'ixjëtijtyp pyajëtijtyp ja oyjyä'äy ets ma'tnëp ja tëyajtën.

Lucas 12:14

Ënet ja Jesús y'ëtsooy: Mëku'uk, ka'apës pën të xypyëjktä'äky yajkutujkpë ets naaxkijpxwa'kxpë.

Juan 12:47

Pën ja n'aaw n'ayukës myëtoopy ets ka'ap tpatuny, ka'ap y'ëjtsëty ëxëëktum npëjkta'aka'any; jä'ä koos ka'apës yë'ëjëty të niminy etsës ja naaxwiinyëtë ja'ay nyajnitukëty, yë'ëjës të niminy etsës nyajnitso'oka'any.

Juan 18:36

Ënet ja Jesús y'ëtsooy: Ka'ap yaajëty naaxwiiny yajpaaty yë nkutujkënës. Ko jeexyë y'ëkyääjëty, ka'ap jeexyë ëjts ja nja'ayës tkupëktë etsës yë jutiis ja'ayëty xymyatstëty; yë nkutujkënës ka'ap yaajëty naaxwiiny yajpaaty.

Juan 3:17

Jä'ä ko yë Dios ka'ap yë'ëkyëjxmëty tkejxy ja y'U'unk naaxwiiny ets tyajnitukëja'any ja naaxwiinyëtë ja'ay, yë'ëkyëjxm të tkexy ets tyaj'ëwaatsëpëtsëmëty ja ja'ay.

Juan 7:24

Ka'ap tii nitsuu nipoj xypyaye'eytyëty. Mëtëy winë xypyaye'eytyëty.

Juan 8:11

Tääts ja to'oxytyëjk y'ëtsooy: Ka'ap maa pën, Wintsën. Ënet ja Jesús y'ënëmaayë: Ni ëjts mijts nkani'ënä'ämëty ets m'ookëty, nëjkx ets ka'ap m'ëk pokytyuunëty.

Romanos 2:1

Paaty mijts ka'ap xymyëët'aty ja pokymyä'kxën, oy mijts mpënëty. Ko ja wiink ja'ay xypyaye'eyë ja nyëë pyoky kë'ëm mnäyajnitukëty; jä'ä ko mijts näjyëtu'un m'ëtë'ëtsy ijxtëm yë'ë y'ëtë'ëtstën.

1 Corintios 2:15

Ja ja'ay mëti'ipë ja Kënu'kxymyëkajtën myëët'ajtypyën, jyëkyejpy nikajpx nimëtya'akëty oytyiijëty ets ka'ap pën myäyëtëty tyuk'ojëtëty.

2 Corintios 5:16

Paaty ëëtsëty ka'apës ja njëëky nmëku'uk jëtu'un n'ëk'ijxnëtë ijxtëm ja naaxwiinyëtë ja'ayëtyën, oy ijty tëëyëp ja Kristë n'ixtës ijxtëm yë naaxwiinyëtë ja'ayëtyën, tyam ka'apës jëtu'un ja winma'any n'ëkmëët'ajnëtë.

Santiago 2:4

miitsëty win'ixy wiinkexy ënety ja ja'ay xytsyoktë ets ëxëëk winma'any ënety jëtu'un mpatëp.

1 Samuel 16:7

Tä ja Wintsën y'ënëmaayë: Këtii yë'ë xy'ixëty yë wiin jëjp, wi'ix y'ixë'atyën yë ja'ay, wi'ix kyonëtyën ëkë yenyëtyën. Jä'ä ko ka'apës yë jëtu'unpë nmëjpëjktä'äky. Ka'ap yë'ë tyuna'any mëti'ipë yë naaxwiinyëtë ja'ay y'oy'ijxypyën. Yë naaxwiinyëtë ja'ay yë'ë y'oy'ijxyp mëti'ipë je'eyë nëkëjxy oykyëxë'kpën, ëjts ka'apës yë'ëjëty jëtu'unpë n'ixy, yë'ëjës n'ijxyp wi'ix yë ja'ay jyot wyinma'anyëtyën.