Juan 7:7 - Biblia Dc en Mixe de Quetzaltepec

⁷ Mëti'ipë ka'ap ja Dios nijawëtën ka'ap tjëkyepy miits m'ëxëëk'ixëtëty; je'eyëp koos xy'ëxëëk'ijxtëpës yë'ëjëty, jä'ä koos nnikäjpxy ko ka'ap tii oy tuntë.

Biblia Mixe de Quetzaltepec

⁷ Mëti'ipë ka'ap ja Tios nijawëtën ka'ap tjëkyepy miits m'ëxëëk'ixëtëty; je'eyëp koos xy'ëxëëk'ijxtëpës yë'ëjëty, jä'ä koos nnikäjpxy ko ka'ap tii oy tuntë.

Juan 7:7 Iomraidhean Croise

1 Reyes 21:20

Tä ja Ahab t'ëtsooy ja Elías: ¿Tyamës nijawë ko mijts, nmëtsiptëmës jëtu'un të xypyääty? Jëtu'un, tëë yam npaaty, jëtu'un y'ëtsooy ja Elías. Jä'ä ko mijts nitii oy xykyatuny, aakyë'ë mtuumpy ka'apë myëtëyëtyën Wintsën wyintum.

1 Reyes 22:8

Tä ja yajkutujkpë jampë tyunyën Israel t'ëtsooy ja Josafat: Tä tu'uk mëti'ipë jyëkyejpy njaakyajtë'ëwmëty. Jä'ä txëëwaty Micaías, yë y'u'unk yë Imlá. Je'eyëp ko ëxëëkës tääpë ja'ay n'ixy, jä'ä ko ka'ap ninu'un tii oypyë tnikäjpxy, aakyë'ë ëxëëkpë nyikäjpxyp. E ja Josafat tyaa y'ëtsoowë: Këtii jëtu'un m'ëna'any.

Salmos 109:5

Koos winë oy ntuny nkäjpxy, yë'ëjëty wiinkjaty tuunwinpitë; koos yë tsojkën ja'awën nmëëtëty, xytyuk'ëxëëk'ijxtëpës je'eyë.

Proverbios 15:12

Ja'ay mëti'ipë nämyëjkäjxëpën ka'ap tsojkën'aty kajpxwijën, ets ka'ap t'a'ixë yajpaatëty ma wijyjyä'äytyëjkën.

Proverbios 8:36

e koos pën xy'ëxmatsy, jëtu'un tä jeexyë atsë'ëkëtuuy nyäpyëjktä'äkyën; pënës xy'ëxëëk'ijxp, o'kën tsyojkën'ajtyp.

Isaías 29:21

mëti'ipë wiink ja'ay tyuknipëjktëpën ko yajja'ay'ooktë, mëti'ipë myeenymyooytyëpën ja yajkutujkpë ets wa'ats ja'ay nyäyajnaxëtë ets yajtëytyuny ja mëti'ipë ka'ap tii poky tmëëtëtyën.

Isaías 49:7

Yë Wintsën, mëti'ipë yaj'ëwaatsëpëtsëëmpën, ja Wa'atspë yajpaatyën ma Israel kajpnën, jëtu'un t'ënëëmë ja naax kajpn mëti'ipë ëxëëk të yaj'ixyën, mëti'ipë je'eyë të myëtunyën ma ënä'ämpë yajkutujkpën wiinktsowpë tsyoontën: Ko ënety ja yajkutujkpëtëjk ets wintsëntëjk m'ixëtë, ënät nëjkx mniwä'ätsë'ëkyë ets mkajpxpo'kxëtëty mëët tu'uk ja näywyinkutsë'kën, jä'ä ko ëjts Wintsën, ja Wa'atspë ma Israel kajpnën, ëjts mijts të nwin'ixy ets npatuumpyës ja n'aaw n'ayuk ijxtëmës të nikäjpxyën.

Jeremias 20:8

Koos nkäjpxy, tsipës xëmë nikäjpxyp ets o'kën tëko'oyën; je'eyës xëmë nyaj'ojy nyajyä'äxy ets nyajnëxi'iky nyajtukxi'iky, paaty jyëtu'unëty jä'äs ko nikäjpxy mijts yë m'aaw m'ayuk.

Zacarías 11:8

Tu'kpo'o je'eyë të nyäxy nitëkëëk jää të n'ëxwopyës yë kupixyny këwent'ajtpë mëti'ipë ënety yë nmä'kxtujkënës të tyajkëxyën ets mëti'ipë xy'ëxëëk'ijxpënës.

Malaquías 3:5

Yë Wintsën mëti'ipë maaytyääyëpën winë jëtu'un y'ënä'äny: Minaanpës ets miitsëty nipaye'eya'antë. Näyjyëtu'un kë'ëm n'ixa'any nmëtowa'anyës wi'ix ënety yajtuntën ja mëti'ipë najtsja'awëtëpën, mëti'ipë ka'ap twintsë'ëkën ja nyiye'etyëjk ëkë ja tyo'oxytyëjk; mëti'ipë nanëkoo ëëwpäjn kajpxpäjn wyäämpyën yë Dios yë xyëëw; mëti'ipë ka'ap tsow tmëjuyën yë tyuunpë, je'eyë mëk tyajtuny; mëti'ipë o'ktëy tyuunpyën ja ku'ookytyo'oxy ets ja ku'ooky u'unk; mëti'ipë yaj'ëyoopyën ja jaaypyaat jaaypyo'kxy ets mëti'ipë ka'ap wyinkutsë'ëkën.

Lucas 6:26

Mon tuk miitsëty myajpaatë ko ni'ëmukë ja naaxwiinyëtë ja'ay oy mnixon mni''itëtë, jä'ä ko jëtu'un ijty tëëyëp tääpë ja'ayëty yë y'aptëjk y'ëtë'ëtstë mëët ja win'ë'ënpëtëjk mëti'ipë nätyijëtëp ko Dios kyäjpxynyajxpë'atëtë.

Juan 17:14

Tëës ja m'aaw m'ayuk ntukmëmatya'aktë, e ja ëxëëkja'aytyëjk ëxëëk y'ixëtë jä'ä ko ka'ap yë'ë tyajtuntë ja naaxwiinyëtë winma'any, ijxtëm ëjtsën nän ka'apës yë'ëjëty nyajtuny ja naaxwiinyëtë winma'any.

Juan 3:19

Mëti'ipë ka'ap myëpëktën tëë nyitukëtë, jä'ä ko, yi'iyë ja ëxëëkpë tyuuntëp paaty ja kujaj kutë'kxën ka'ap të tsoktë ko të jyaminy yaa naaxwiiny.

Romanos 8:7

Pën myääytyëp tyajtëp mëti'ipë ja ni'kx kopk tsyojkpyën, myëtsip'ajtëp ja Dios, jä'ä ko ka'ap ja Dios ja y'ënä'ämën tsojkëtë ets ka'ap tpatuunëtë.

Gálatas 4:16

E tyam ¿Mëtsipës jëtää të n'awinpityë jä'äkyëjxm koos të nnikäjpxy ja tëypyë jaantypë?

Santiago 4:4

Miitsëty, mëti'ipë ja Dios të y'ëxmatstën, ¿tii këtii xynyijawëtë ko ja Dios ka'ap tsoky ets ja naaxwiinyëtë winma'any n'atsojkmëtyë? Oy tyimpënëty mëti'ipë ja naaxwiinyëtë winma'any y'atsojkpyën, ja Dios myëtsipëjkpy.

1 Juan 4:5

Yë'ëjëty naaxwiinypë myëpëjktëp; paaty jëtu'un y'ëwtë kyajpxtë, ets mëti'ipë näjyëtu'un ijtëpën naaxwiiny oy tja'akyyukëtë.