Juan 7:28 - Biblia Dc en Mixe de Quetzaltepec

²⁸ Tam ënety ja Jesús yaj'ixpëky ma ja mëjtsajptëjkën, ënät mëk y'ënäny: Xy'ixy'ajtëpës miits ets mnija'awëtëp maas ntsoonyën. E ka'apës kë'ëmwinma'any të nminy, yë'ëjës të xykyexy mëti'ipë mëtëy winë tyuunpyën, mëti'ipë miits ka'ap xy'ixy'atën.

Biblia Mixe de Quetzaltepec

²⁸ Tam ënäty ja Jesús yaj'ixpëky ma ja mëjtsajptëjkën, ënät mëk y'ënäny: Xy'ixy'ajtëpës miits ets mnija'awëtëp maas ntsoonyën. E ka'apës kë'ëmwinma'any të nminy, yë'ëjës të xykyexy mëti'ipë mëtëy winë tyuunpyën, mëti'ipë miits ka'ap xy'ixy'atën.

Juan 7:28 Iomraidhean Croise

Salmos 9:10

Wintsën, yë ja'ay mëti'ipë m'ixy'ajtëpën mijts mtuk'ijxpäjtëp, jä'ä ko mijts nijëna'a xykya'ëxmatsy mëti'ipë m'ixtaayëpën.

Jeremias 31:34

Ka'ap nëjkx y'ëkkopkpëky'ajnë yajtuk'ijxpëktëty wi'ixës mëpaat xy'ixy'atën ets tu'kjëëky tu'kmëku'uk, tu'kjëëky, tuk kä'äx, mëj mutsk nëjkx ja ja'ay xy'ixy'ajnëtës. Nëjkxëpës npokymyä'kxtë oy ënety wi'ix të y'ëtë'ëtstë y'ëna'antë ets ka'apës nëjkx ja nyëë pyoky n'ëkja'amyäjtsënëtë. Ëjts Wintsën, ëjts ënaanp.

Jeremias 9:6

Jëtu'un yë Wintsën y'ënä'äny: Aak win'ë'ënëtëp ja'aynyë, aak tëkatsy winë tuntë tkajpxtë. Yë nnaax nkajpnës ninu'un xykya'ixkäpyës.

Oseas 4:1

Miitsëty Israel ja'ayëty mëtoow'itë wi'ix yë Wintsën y'ënä'änyën. Tëë tnikäjpxy ko tsyiptuna'any mëët ya'atë ja'ayëty mëti'ipë yaa tsënaaytyëpën ma ya'atë naax kajpnën, jä'ä ko yaa ni pën mëtëy kya'ëkajpxnë, ni pën në'ëwitsy tu'uwitsy kya'ëkjuuky'ajnë ets ni pën tka'ëknija'awënë pën Tios'ajtp.

Oseas 5:4

Yë'ë ka'ap yajwinpityë ma Tiosën yë kajpn yë y'ëxëëktu'un y'ëxëëk kajpxën. Mëët ko jyot nyini'kx tooky tyäky ka'ap tyuk'ijxpaatyë yë Wintsën.

Mateo 11:27

Tääts ja Jesús jyaak'ënany: Aak ëjts ja nTeetyës të xymyooytyä'äy tukë'ëyë winë. Ka'ap pën tnijawë ja u'unk, yi'iyë ja Teety nyija'ap; ets ka'ap pën tnijawë ja Teety, yi'iyë ja u'unk nyija'ap ets nyijawëtëp ja ja'ay mëti'ipë ja u'unk tyuk'nijawëjäämpyën.

Mateo 2:23

Ko jam jyajtë, Nazaret ojts nyëjkxtë tsënääpyë. Jëtu'un y'atëëy mëti'ipë ënety ja Dios ja kyäjpxynyajxpëtëjk të tnikajpxtën, ko y'ënantë, ja Mesías: Nazareno yajtijëty.

Mateo 26:55

Näy jää ja Jesús ja mayjyä'äy tyajtëëy: ¿Tii ko xynyimintës mëët yë tëypyujxn ets kepy, ijxtëm jeexyë ëjts nmä'tspëtyën? Jëpom jëpomës ijty nyaj'ijxpëky jap tsajptëkoty ets ka'apës jää të xymyatstë.

Lucas 10:22

Tääts ja Jesús y'ënäny: Aak ëjts ja Dios Teety të xymyooytyä'äy tu'kë'ëyë winë. Ka'ap pën tnijawë pën Dios u'unk'ajtp, Dios Teety nätyu'uk nyija'ap; ni pën tkanijawë pën ja Dios Teety, Dios U'unk nätyu'uk nyija'ap ets tyuknijawëp ja ja'ay mëti'ipë ënety tyuknijawëjäämpyën.

Lucas 2:11

Tëë tyam myëxu'unk'aty jam David kyajpnjotm ja Yajnitsokpë, yë'ë ja Kristë, ja Wintsën.

Lucas 2:39

Ko jëtu'un tpatuuntaaytyë ijxtëm ja Wintsën ja y'ënä'ämën y'ënä'änyën, tääts wyimpijnëtë ets nyëjkxnëtë ma kyukajpn'atën jam Nazaret, Galilea y'itjotm.

Lucas 2:4

Paaty ja José tsyo'ony jam Nazaret, Galilea y'itjotm ets ojts nyijkx Belén, Judea y'itjotm, ma ja yajkutujkpë David ënety të myëxu'unk'atyën, jä'ä ko ja José yë'ë tyeety'ajt y'ap'ajt ja David.

Lucas 2:51

Tääts mëët wyimpijnëtë jam Nazaret. Jam tsyënaay Nazaret ja Jesús, ets myëmëtoow ja tyaak tyeety. Ja Maria pëjkë'ëky tyaj'ity y'aawjoty jyotjoy wi'ix tu'kë'ëyë winë tyunyë jyätyën.

Juan 1:46

Ënet ja Natanael y'ënäny: Nazaret. ¿Wä'än ja'ay jam jëtu'unpë pyëtsëmëtyë? Ets ja Felipe y'ëtsooy: Min ets xy'ixëty.

Juan 10:36

E pën ëjts tëëjës ja Dios xykyënu'kxy ets yë'ëjës të xykyexy yaa naaxwiiny, ¿tii ko m'ëna'antë ko Dios nmëtëkoyës koos nätyijyë ko yë'ë xy'u'unkëtyës?

Juan 12:49

Jä'ä ko ka'apës ëjts kë'ëm tii nnikäjpxy; ja Dios Teety, mëti'ipës të xykyexyën, yë'ëjës të xytyuk'ëne'emy mëti'ipës nkäjpxyp nmëtyäkpyën.

Juan 14:10

¿Këtii xymyëpëky koos nyajpaaty mëët tu'ukyë ja Dios Teetyë ets ja Dios Teety mëët ëjtsë? ja mëti'ipë të ntukmëmëtya'aktën ka'ap kyë'ëm winma'anyëty të nnikäjpxyës. Ja Dios Teety mëti'ipë juukyajtpën ma ëjtsën, yë'ë kë'ëm winë të tuny.

Juan 14:31

kopkpëky ko jëtu'un tyunëtëty jyatëtëty, ets tëkokyë ja'ay nija'awëtya'atëty koos yë'ëjës ntsojkpy yë Dios Teety ets koos yë'ë ntuny mëti'ipës të xytyuk'ëne'emyën. Pëtë'ëktë ets ja'amtë.

Juan 16:3

Paaty nëjkx jëtu'un y'ëtë'ëtstë, jä'ä ko ka'ap ja Dios Teety t'ixy'atë, ets ëjts nän ka'apës xy'ixy'atë.

Juan 17:25

Dios Teety mëtëypyë, yë naaxwiinyëtë ja'ay ka'ap m'ixy'atëtë; ëjts n'ixy'äjtypyës mijts, ya'atë näjyëtu'un nyija'awëtyëp ko mijtsës të xykyexy.

Juan 17:3

Yë juukyajtën xëmëkyëjxmëpë ënät yajpaaty ko mijts myaj'ixy'äty, ja tu'ukyëpë Tios'atyën mëtëypyë, ets ja Jesukristë mëti'ipë mijts të xykyexyën.

Juan 3:2

Yë'ë ojts ninëjkxy ja Jesús koots ets t'ënëmaay: Wintsën, nija'awëtyëpës ko mijts Dios të mkexyë ets ëëts xyaj'ijxpëktëty, jä'ä ko ka'ap tjëkyepy pën tunëty ja mëj'ajtën ijxtëm mijts xytyunyën pën ka'ap ja Dios tmëëtëty.

Juan 3:33

E pën kyupëjkpy, yë'ë nyikäjpxyp ko Dios tyiyëty jyääntyëty.

Juan 5:32

E tää wiinkpë mëti'ipë nyikajpxpejtypyën etsës xy'aputëkë ets nija'apës ko tnikajpxpety wi'ix y'ënä'änyën ëjtskyëjxm.

Juan 5:43

Nteetyës të xyajminy ets ka'ap miitsëty të xykyupëktës; e ko jeexyë pën y'ëkminy tsojkënkyëjxm, mkupëjktëp jeexyë.

Juan 6:42

ets nyäy'ënanëtë: Këtii yë'ëjëty ya'atë Jesús, José myaankë. N'ixy'ajtëm yë tyaak tyeety. ¿Wi'ix jëtu'un tyam y'ënaanpë ko tsajpjotm tsyoony?

Juan 7:14

Xëëw kujkwä'kxy ja Jesús ojts nyijkx ma ja mëjtsajptëjkën ets yaj'ijxpëjktso'ony.

Juan 8:14

Tä ja Jesús y'ëtsooy: Oyës kë'ëm nänyimëtyä'äkyë, tsoowpatp yë'ë, jä'ä ko nija'apës tiis nkäjpxyp; nija'apës maas ntsoony ets maas nnëjkxyën e miitsëty ka'ap xynyijawëtë.

Juan 8:16

E koos ja'ay npaye'eyëty, tëyajtën mëët npaye'eyëtyës, jä'ä ko ka'apës nätyu'uk tii npaye'ey, Dios Teetyës mëët npaye'ey, mëti'ipës të xykyexyën.

Juan 8:19

Ets tyajtëëwtë: ¿Maaxë ja mteety? Ets ja Jesús y'ëtsoowëtë: Ka'ap miits xy'ixy'atës, nän ka'ap ja nteetyës xy'ixy'ajtëtë; ko jeexyë xy'ëk'ixy'atës, m'ixy'ajtëp jeexyë näjyëtu'un ja nTeetyës.

Juan 8:26

Mayës ja winma'any nmëët'aty mëti'ipës nnikajpxäämpyën ets ntukpaye'eytyëty. Mëti'ipës xykyäjxpën mëtëy të y'ënä'äny; paaty mëti'ipës nimëtyäkpyën ma ja ja'ayëtyën nän yë'ë mëti'ipës të nmëtoyën maas ja nteetyën.

Juan 8:42

Ënet ja Jesús y'ëtsoowëtë: Ko jeexyë miits ja Dios xytyeety'atë, xytsyojktëpës jeexyë, jä'ä ko jamës ntsoony ma ja Tiosën ets tyaajës nyajpaaty. Ka'apës nkë'ëmwinma'any të nyajtuny koos yaa të nminy, Tiosës të xykyexy.

Juan 9:29

Nnija'awëptëpës ko Dios ojts myëkäjpxyë ja Moisés; e tääpë ja'ay ka'apës nijawëtë maa tsyoony.

Hechos 17:23

Koos yaa nnaxy ntëkë ma mnaax mkajpnëtyën, ënätës të n'ixy ma miits ja mtios xy'ëwtatën jam kyëxja'ayëty: Ja Dios ka'apë yaj'ixy'ätyën. E oy, ja mëti'ipë m'ëwtajtëpën ets ka'ap xy'ixy'atë, yë'ëjës ëjts nnikäjpxy nnimëtyäkpy.

Romanos 1:28

E jä'ä ko ka'ap nijawëjantë ja Dios, paaty ja Dios të tyukmë'ixëtë ets tmëët'atëty ja ëxëëk winma'any ets tuntëty mëti'ipë ka'ap pyaat'atyën.

Romanos 3:4

Niwi'ix'äämpy. Dios aak mëtëy winë tuny, oy ja ja'ay ni'ëmukë y'anta'aktë. Jëtu'un ja Kënu'kxymyëkajtën y'ënä'äny: Mijts wa'ats mnaxa'any mëët mëti'ipë të xynyikäjpxyën, ets ko ënety myajnipaye'ey mijts mëta'akaanp.

2 Corintios 1:18

Wa'ats ja Dios nijawë ko mëtëy winë të ntukmëmëtya'aktë.

2 Corintios 4:6

Jä'ä ko nän Dios ojts kë'ëm tni'ënä'ämë ets jyää'atëty ja kutë'kxnën akootstum, yë'ëts të tyajjajwä'kxy ja y'ajaj y'atë'kxën ma ja njoot'ajt nwinma'any'ajtëmën ets nnija'awëmëty ja Dios ja myëj'ajt jyääntyajtën mëti'ipë ja Kristë myëët'ajtypyën.

Tito 1:2

mëti'ipë ijtpën ko yajjëjp'ixy ja juukyajtën xëmëkyëjxmëpë. Dios ka'apë y'antä'äkyën, mëti'ipë ya'atë juukyajtën ojts twinwanën ka'anëm ënety yë naaxwiinyëtë tsyo'ontä'äky,

Hebreos 6:18

Ya'atë mäjtskpëkpyë mëti'ipë ka'ap tyëkatsyën ets ka'ap tjëkyepyën yë Dios wyin'ëënëty, paaty të n'ëxajëm ja jotkujk'ajtën, ko të n'ixta'ayëm ja Dios myajts'ijtën ets të ntukjotkujk'ajtëm ja ëwxijt mä'kxtujkën mëti'ipë të xymyo'oyëmën.

1 Juan 5:10

Pën myëpëjkpy ja Dios U'unk, jyotjoy wyinma'anyjoty ja y'ity ko ja Jesús Tyios y'U'unk'atyë. Pën ka'ap tmëpëky, jëtu'un ja Dios tyajnaxy ijxtëm jeexyë wyin'ëënyën; jä'ä ko ka'ap ja y'aaw y'ayuk tmëpëjkë ijxtëm ja y'U'unk tnimëtyä'äkyën.

1 Samuel 2:12

Yë Eli y'u'unk y'ëna'k ëxëëk ijty jyä'äy'atë. Nijä'ä tkatuntë këwentë ma ja Wintsën ja tyuunk yajtuna'anyën,