Juan 7:23 - Biblia Dc en Mixe de Quetzaltepec

²³ E miitsëty ko xykyaninaxa'antë ja Moisés ja y'ënä'ämën, mnatsujk'ëwtijtëp ja mëxu'unk ja ye'etyëjkajtën po'kxënxëëwjoty. ¿E tiits ko xywiinkjawëtë koos nyajtso'oky po'kxënxëëwjoty tu'uk ja pa'amja'ay?

Biblia Mixe de Quetzaltepec

²³ E miitsëty ko xykyaninaxa'antë ja Moisés ja y'ënä'ämën, mnatsujk'ëwtijtëp ja mëxu'unk ja ye'etyëjkajtën po'kxënxëëwjoty. ¿E tiits ko xywiinkjawëtë koos nyajtso'oky po'kxënxëëwjoty tu'uk ja pa'amja'ay?

Juan 7:23 Iomraidhean Croise

Éxodo 31:14

Yë po'kxënxëëw wa'ats mëpaat xymyëët'atë ets kopkpëky ko mëj'äämpy xyjyëkyäptëty. Pën ka'ap tmëj tjawë ya'atë xëëw, kopkpëky ko y'ookëty, pën jää tuunp ye'epy ma tääpë xëëwën, kopkpëky ko nëjkx yajjo'otsy ma ja nyaax kyajpnën.

Mateo 12:10

Tap ënety tu'uk ja ye'etyëjk mëti'ipë ja kyë'ë të'ëtsën tu'k'atu'um; ja ja'ayëty mëti'ipë myëtsip'ajtëpën ja Jesús ënätyë ojts wyinma'any'ixta'atë wi'ix t'ëkyajka'atëty ja Jesús, paaty t'ënëmaaytyë: ¿Mëpaat'ajtp tu'uk yë pa'amja'ay tsyo'oky säpëtë xëëwë?

Mateo 12:2

Ko ja fariseë ja'ayëty jëtu'un t'ijxtë, ënät t'ënëmaaytyë ja Jesús: Ix yë m'ijxpëjkpëtëjk y'ëtë'ëtstë, yë'ë tyuuntëp ka'apë mëpaat säpëtë xëëw yajtunyën.

Mateo 12:5

Ëkë ¿këtiinëm xykyajpxtë ja Moisés ja y'ënä'ämën tyiy'ajtënë? ma y'ënä'änyën: ko yë teetytyëjkëty ka'ap pyokyëty tuntë, oy kyapo'kxtë säpëtë xëëw jap tsajptëkoty.

Juan 5:10

paaty ja jutiis ja'ayëty t'ënëmaaytyë ja ja'ay mëti'ipë ënety të tsyo'okyën: Po'kxënxëëw tyam, ka'ap kyutukyëty ets tyam xykyiiyjyëtitëty yë mmaapäjn.

Juan 7:21

Ënet ja Jesús y'ënëmaayëtë: Ni'ëmukë miitsëty janty mëj'ixy xyjyawëtë koos ojts tu'uk ja mëj'ajtën ntuny po'kxënxëëw.

Juan 9:16

Ënet jënaakën ja fariseë ja'ayëty y'ënantë: Ja ja'ay mëti'ipë ya'atë tyuunpyën ka'ap yë'ëjëty Dios yajtunyë, jä'ä ko ka'ap yë po'kxënxëëw t'ëmaay'äty. Ets ja wiinkpë y'ënantë: ¿Wi'ix jëtää mëj'ajtën tunëty pën pokyjyä'äy? Tääts ojts nyäpyëjkwa'kxëtë xim yam.