Juan 6:7 - Biblia Dc en Mixe de Quetzaltepec

⁷ Ënet ja Felipe y'ëtsooy: Nimäjtsk mëko'px denario kyamëta'akëty ets ja tsajpkääky yajtukjuyëty ets yajmo'otëty këëkyiin këëkwään ja ja'ay.

Biblia Mixe de Quetzaltepec

⁷ Ënät ja Felipe y'ëtsooy: Nimäjtsk mëko'px denario kyamëta'akëty ets ja tsajpkääky yajtukjuyëty ets yajmo'otëty këëkyiin këëkwään ja ja'ay.

Juan 6:7 Iomraidhean Croise

2 Reyes 4:43

E ja tyuunpë tyaa y'ëtsooy: ¿Wi'ixës ënät ya'atë nimëko'pxpë ja'ay nyajkaaytya'ajëty? Tääts ja Elisejë y'ëtsooy: Mo'otë ja'ay kyääky y'uukyëty, jä'ä ko tëë yë Wintsën y'ënä'äny ko kaaytya'ajantëp yë ja'ay ets jaaknatëkëjaanp yë jë'kxy pëky.

Mateo 18:28

Ko ja tuunpë tsyo'ony, ënät ojts tpaaty ja myëku'uk mëti'ipë ënety mënu'kxy'ajtëpën mëko'px xëëw nituny, ets tmajtsy ets tyo'kpeeny, tääts t'ënëmaay: Mëkëpäjtkës.

Marcos 6:37

Ënet ja Jesús y'ëtsooy: Mo'otë miits yë kyääkyëty. Tääts ja y'ijxpëjkpëtëjk y'ënantë: ¿Oyës nëjkx yë tsajpkääky njuytyë mäjtsk mëko'px nixëëwtunyën etsës yë ja'ay nyajkaytyëtyë?

Juan 1:43

Komjëpom ënety ja Jesús nyëjkxa'any jam Galilea ko tpaty ja Felipe ets t'ënëmaay: Pamiinkës.

Juan 1:44

Ja Felipe mëët ja Andrés ets ja Pedro, Betsaida ijty kyukajpn'atë.

Juan 1:45

Tääts ja Felipe ojts t'ixta'ay ja Natanael ets t'ënëmaay: Tëës npaaty ja ja'ay mëti'ipë ja Moisés nyikajpxën ma ja ënä'ämën ojts tkuja'ayën ets näjyëtu'un ma ja Dios ja kyäjpxynyajxpë tjaaytyën. Yë'ë ja Jesús, Nazaretëtë ja'ay, José myaank.

Juan 1:46

Ënet ja Natanael y'ënäny: Nazaret. ¿Wä'än ja'ay jam jëtu'unpë pyëtsëmëtyë? Ets ja Felipe y'ëtsooy: Min ets xy'ixëty.

Juan 1:48

Ënet ja Natanael tyajtëëy: ¿Wi'ix mijts xy'ixy'ätyës? Ets ja Jesús y'ëtsoowë: Naamka'anëm ënety yë Felipe mëkäjpxyënëm, ko të n'ixy ma higo pa'tkën.

Juan 12:5

¿Tii ko yë pa'akxu'kpë nëë të kyayajtooky tëkëëk mëko'px denario ets jeexyë yë ëyoopëja'ay të yajtukputëkë?