Juan 6:53 - Biblia Dc en Mixe de Quetzaltepec

⁵³ Ënet ja Jesús y'ënëmaayëtë: Tëy miits nëëmëtë, pën ka'ap xytsyu'utstë ja xyixy ja naaxwiinyëtë ja'ay ja y'U'unk, ets pën ka'ap ja nye'pny xy'ukëtë, ka'ap ja juukyajtën xymyëët'atëty.

Biblia Mixe de Quetzaltepec

⁵³ Ënät ja Jesús y'ënëmaayëtë: Tëy miits nëëmëtë, pën ka'ap xytsyu'utstë ja xyixy ja naaxwiinyëtë ja'ay ja y'U'unk, ets pën ka'ap ja nye'pny xy'ukëtë, ka'ap ja juukyajtën xymyëët'atëty.

Juan 6:53 Iomraidhean Croise

Mateo 18:3

ets y'ënäny: Tëy miits n'ënëëmëtë, pën ka'ap miits ja mjuukyajtën xyajtëkatstë ets mwinpitë ijxtëm yë pi'k ëna'kën, ka'ap nëjkx mtëkëtë ma tsajpjotmëpë kutujktaknën.

Mateo 5:18

Jä'ä ko jëtu'unës yam n'ëna'any, maanëm jyää'atyën yë tsajp ets naaxwiinyëtë, ka'ap nitu'uk yajjëpëkëty yë letrë, yë puntë komë, mëti'ipë japën ënä'ämënjoty, koonëm yajkuuytyuunta'ajëty.

Mateo 8:20

Tääts ja Jesús y'ëtsooy: Nikë tää wax ja jyut ets joon yë pyä'än; e ëjts, naaxwiinyëtë ja'ay y'U'unk, ni yë'ëjës tkamëët'aty maas yë nkëpajk nkëxkonëtyën.

Lucas 13:3

Jëtu'un miits nëëmëtë ko ka'ap; miitsëty pën ka'ap xy'ëxmatstë ja m'ëxëëk winma'anyëty, näjyëtu'un m'ooka'antë.

Lucas 13:5

Jëtu'un miits nëëmëtë ko ka'ap; miitsëty pën ka'ap xy'ëxmatstë ja m'ëxëëk winma'anyëty, näjyëtu'un m'ooka'antë.

Juan 13:8

Ënet ja Pedro y'ënäny: Kajëna'ajës nkakupëkëty ets mijts yë ntekyës xypyujëty. Ënet ja Jesús y'ëtsooy: Pën ka'ap yë mteky npujëm, ka'ap myajpaata'any ma ëjtsën.

Juan 15:4

Itë tu'ukyë mëët ëjts etsës n'itëty tu'ukyë mëët miitsëty. Tu'kxe'entypë kepy ka'ap tjëkyepy ets tyëëm'atëty ko kya'itëty tu'ukyë mëët ja myëjkepy; näjyëtu'un miitsëty ka'ap tjëkyepy mtëënmpätëty pën ka'ap tu'ukyë myajpaatë mëët ëjts.

Juan 3:3

Ënet ja Jesús y'ënëmaayë: Tëy mijts t'ënëëmë, pën ka'ap jatëkok ja ja'ay myëxu'unk'aty, ka'ap tjëkyepy t'ixëty ja Dios ja kyutujkën.

Juan 3:36

Pën ja Dios U'unk myëpëjkpy, yë'ë myëët'ajtyp ja juukyajtën xëmëkyëjxmëpë; e mëti'ipë ka'ap tmëpëkyën Dios U'unk, ka'ap tmëët'ata'any ja juukyajtën xëmëkyëjxmëpë, yë'ë y'ëxajëjäämpy ja Dios ja tyiytyu'unën.

Juan 3:5

Ënet ja Jesús y'ëtsoowë: Tëy mijts t'ënëëmë, pën ka'ap myëxu'unk'aty mëët ja nëë ets ja Dios ja Myëjaaw myëk'ajtën, ka'ap tjëkyepy tyëkëty ma ja Dios ja kyutujktaknën.

Juan 6:47

Tëy miits nëëmëtë ko pën xymyëpëjkpës, yë'ë myëët'ajtyp ja juukyajtën xëmëkyëjxmëpë.

Juan 6:51

Ëjts ja tsajpkääky mëti'ipë juukyajtën yäjkpyën ets tsajpjotmëpë të tsyoonyën, ko pën ya'atë tsajpkääky tkay, xëmëkyëjxm jyuuky'ata'any. Ja tsajpkääky mëti'ipës nyakäämpyën, ni'kx nkopkës ntijpy, mëti'ipës nyakäämpyën ets ja naaxwiinyëtë ja'ay tmëët'atëty ja juukyajtën xëmëkyëjxmëpë.

Juan 6:55

Jä'ä ko ja ni'kx nkopkës ets ja ne'pnyës, yë'ë mëtëypyë tsu'utsy ets mëtëypyë uuky.

Juan 6:62

¿Tii tunëtëp jatëtëp ko xy'ixtëty ja naaxwiinyëtë ja'ay ja y'U'unk pya'tëkë jam tsajpjotm ma të tsyoonyën?

1 Juan 5:12

Pën ja Dios U'unk myëët'ajtyp, myëët'ajtyp ja juukyajtën xëmëkyëjxmëpë. Pën ka'ap tmëët'aty ja Dios U'unk, ka'ap ja juukyajtën tmëëtëty.

Apocalipsis 2:17

Pën ja tyatsk tyukmëtoopy, wä'än tmëtoowkukë wi'ix ja Kënu'kxymyëkajtën t'ënëëmën ja mëpëjkpëtëjk. Pën mëtakp, ntukjë'kxäämpyës ja maná mëti'ipë yu'utsy ijtpën ets nän nmo'ojäämpyës tu'uk ja poop tsaa ma jap myinyën kuja'ay tu'uk ja xëëw jempyë, mëti'ipë ka'ap pën nijawën, yi'iyë nyija'ap mëti'ipë y'ëxajëpën.

Apocalipsis 2:7

Pën yë tyatsk myëët'ajtypyën wä'än tmëtoowkukë wi'ix yë Kënu'kxymyëk'ajtën t'ënëëmën yë mëpëjkpëtëjk. Mëti'ipë mëtaktëpën ka'ap tii jyata'anëtë ko ënety ja mëmäjtsk'okpë o'kën y'ity.