Juan 6:32 - Biblia Dc en Mixe de Quetzaltepec

³² Ets ja Jesús y'ëtsoowëtë: Tëy miits nëëmëtë ko ka'ap yë'ëjëty yë Moisés ojts mmo'ojëtë ja tsajpkääky mëti'ipë tsajpjotm tso'onpën, ja nTeetyës ojts mmo'ojëtë ja tsajpkääky mëtëypyë mëti'ipë tsajpjotm tso'onpën.

Biblia Mixe de Quetzaltepec

³² Ets ja Jesús y'ëtsoowëtë: Tëy miits nëëmëtë ko ka'ap yë'ëjëty yë Moisés ojts mmo'ojëtë ja tsajpkääky mëti'ipë tsajpjotm tso'onpën, ja nTeetyës ojts mmo'ojëtë ja tsajpkääky mëtëypyë mëti'ipë tsajpjotm tso'onpën.

Juan 6:32 Iomraidhean Croise

Salmos 78:23

E yë Dios ojts t'ëne'emy yë yoots nëma'a ets tyaj'ëwatsy jam tsajpjotm ja najxtakn,

Éxodo 16:4

Ënet ja Dios t'ënëmaay ja Moisés: Ntuknikäxantëp yam yë ka'ayën ukën may'äämpy mëti'ipë tso'onpën tsajpjotm, winjopy yë ja'ay tpëjkmujkojtëty yë jyi'kxy pyikyëty, jëtu'un tä t'a'ixëtën naje'eyë nyipaatëty tu'kxëëw. Ëjts n'ixäämpyës pën jyänty kuuytyuuntëp jëtu'un tääjës yam nikäjpxyën.

Éxodo 16:8

Tä yë Moisés ojts jyaakëna'any: Ko jyënäkyxyëëw'atëty jää yë Dios mo'oja'anëtë yë tsu'utsy mëti'ipë mtukkaytyëpën, e ko jyopyëp'atëty yë'ë mo'ojanëtëp yë tsajpkääky mëjwiin këjää, jä'ä ko yë'ë tëë tmëtoy ko miitsëty wiinkjaty xynyikajpx xynyimëtya'aktë, ëëtsëty ¿tii mëj'ajtënës n'ëkmëët'ajtëp? Ko miitsëty wiinkjaty të m'ëna'antë, ka'ap jëtu'un y'ëëtsëty të xytyijtë, Dios jëtu'un wiinkjaty të xytyijtë.

Juan 1:9

Ja kutë'kxn mëtëypyë, yë'ë miin naaxwiiny ets tkutë'kxëty ja naaxwiinyëtë ja'ay.

Juan 15:1

Ënet ja Jesús jyaak mëtyäky: Jëtu'unës ëjts ijxtëm ja mëtëypyë ja tsatym aatsën, ets nTeetyës, yë'ë ja tsatym nyiyu'ujëp.

Juan 6:31

Ëëts yë n'ap n'okëty ojts tkaytyë ja maná jam të'ëts'itjotm, ijxtëm jap këxja'ay myinyën: Ja tsajpkääky ojts tyukayëtë mëti'ipë tso'onën tsajpjotm.

Juan 6:33

Ja tsajpkääky mëti'ipë Dios yäjkpyën, jä'ä tsajpjotm tso'omp ets ja naaxwiinyëtë ja'ay ja juukyajtën tpaaty.

Juan 6:35

Ënet ja Jesús y'ënëmaayëtë: Ëjts jëtu'un tsajpkääky mëti'ipë ja juukyajtën yäjkpyën. Pën xynyimiinpës, nijëna'a kyayuu'ookëtëty; ets pën xymyëpëjkpës, nijëna'a kyatëëtsëty.

Juan 6:41

Ko ojts jëtu'un tmëtowtë ja jutiis ja'ayëty ënät ojts ëxëëkjaty tnimëtya'aktë ja Jesús, jä'ä ko ja Jesús ojts y'ënä'äny: Ëjts ja tsajpkääky mëti'ipë tsajpjotm tso'onpën,

Juan 6:50

E pën ya'atë tsajpkääky kyääpy mëti'ipë tso'onpën jam tsajpjotm, ka'ap y'ooka'any.

Juan 6:55

Jä'ä ko ja ni'kx nkopkës ets ja ne'pnyës, yë'ë mëtëypyë tsu'utsy ets mëtëypyë uuky.

Juan 6:58

Yë'ës nimëtyäkpy ja tsajpkääky mëti'ipë tsajpjotm tso'onpën. Ya'atë tsajpkääky ka'ap jyëtu'unëty ijxtëm ja manájën mëti'ipë ja m'aptëjk kyääytyën; oy ojts tjakaytyë, ojts je'eyëm y'ooktë. Pën ya'atë jëtu'unpë tsajpkääky kyääpy, xëmëkyëjxm jyyuukyata'any.

Gálatas 4:4

E ko ja tiempo ojts tpaaty, tääts ja Dios ja y'u'unk ojts tkexy, to'oxytyëjk ojts yajminy yajja'tyë ko tyuuny ja Moisés ja y'ënä'ämën,

1 Juan 5:20

Nnija'awëm näjyëtu'un ko paaty ja Dios U'unk të xynyimi'inëmë ets nnija'awëmëty ja Dios tëyajtënpë. Yë'ë mëët njuuky'ajtëm mëti'ipë mëtëyën, jä'ä jëtu'un ja y'u'unk Jesukristë. Mëtëypyë ja Dios, mëti'ipë yäjkpyën ja juukyajtën xëmëkyëjxmëpë.