Juan 6:2 - Biblia Dc en Mixe de Quetzaltepec

² May ja Jesús ënety ja ja'ay pyanëjkxyë, jä'ä ko tëë ënety t'ixtë ko tuny ja mëj'ajtën ko tyajtso'oky ja pa'amja'ay.

Biblia Mixe de Quetzaltepec

² May ja Jesús ënäty ja ja'ay pyanëjkxyë, jä'ä ko tëë ënäty t'ixtë ko tuny ja mëj'ajtën ko tyajtso'oky ja pa'amja'ay.

Juan 6:2 Iomraidhean Croise

Mateo 12:15

Ko ja Jesús tnija'awëy, tääts jam tsyo'ony. Nimay ja ja'ay pyatso'onë. Jesús yajtsoktaay ja pa'amja'ay,

Mateo 13:2

Jä'ä ko janty nimay ja ja'ay myujktë, paaty ja Jesús ojts tyëkë kepy nëëwinye'epyëjoty. Jamts nyaaxwe'tsy ets ja mayjyä'äy jam tyänëtë jinjotm.

Mateo 14:14

Ko ja Jesús pyëtsiimy kepy nëëwinye'epyëjoty ets t'ixy ja mayjyä'äy, ënät tpa'ëyooy ets tyajtsoky ja pa'amja'ay mëti'ipë ënety të tmëmintën.

Mateo 8:1

Ko ja Jesús kyëtäky jam kopkwinm, may ja ja'ay ojts pyatsoonyë.

Marcos 1:45

E ja ja'ay ni'ikyë ojts tmëtyaakwä'kxy wi'ix ënety të tsyo'okyën. Paaty ja Jesús ka'ap oymyaajëty y'ëktëjkënë kajpnjoty, jëkäm jyëtity ma apak itën. Oyjyënu'un jyajëkämëty, ninëjkxëp ja ja'ay, oy tyimmaajëty tsyoontë.

Marcos 6:33

May ja ja'ay y'ijxëtë ko tsyo'ontë ets y'ijxkajpëtë ko jyä'ä'atë. Ënet kanaak kajpn tsyo'ontë pëyi'ikyë ets jëwyiin jam jyajtë ja ja'ayëty, ok ja Jesús mëët ja y'ijxpëjkpëtëjk.

Juan 11:47

Ënet ja fariseë ja'ayëty ets ja teety wintsëntëjk tyajnämyujkëtë ja tsajptëkotyëtë yajjuntë'ajtpë ets y'ënantë: ¿Tii ënät ntu'unmëp? May ya'atë ye'etyëjk tuun'ëtë'ëtsy ja mëj'ajtën.

Juan 12:18

Paaty ja ja'ay ojts tjëjpye'eyë'ëktë ja Jesús ko ënety të tmëtoy'atë ja mëj'ajtën të tuny mëët ja Lázaro.

Juan 12:37

Oy ja Jesús ënety may të tjatuny ja mëj'ajtën mayjyä'äyjoty, ka'ap ojts tmëpëktë.

Juan 2:11

Ya'atë mëj'ajtën mëti'ipë Jesús tyuunën jam Caná ma Galilea y'itjotmën yë'ë ma mëtu'uk tyajnikëxë'kyën ja myëj'ajt y'oyajtën.

Juan 2:23

Ko ja Jesús ënety jam yajpaaty ma ja Jerusalén kajpnën ëmaay xyëëwjoty, may ja ja'ay t'ijxtë ja mëj'ajtën mëti'ipë tyuun kyajpxën ets tmëpëjktë.

Juan 20:30

May ja Jesús ojts tuny ja mëj'ajtën ma ja y'ijxpëjkpëtëjkëtyën mëti'ipë ka'ap kyëxja'ayëtyën ma ya'atë nokyën.

Juan 3:2

Yë'ë ojts ninëjkxy ja Jesús koots ets t'ënëmaay: Wintsën, nija'awëtyëpës ko mijts Dios të mkexyë ets ëëts xyaj'ijxpëktëty, jä'ä ko ka'ap tjëkyepy pën tunëty ja mëj'ajtën ijxtëm mijts xytyunyën pën ka'ap ja Dios tmëëtëty.

Juan 6:14

Ko ja ja'ay t'ijxtë ja mëj'ajtën mëti'ipë Jesús tyuunën ënät y'ënantë: Tëy jëtu'un ko yë'ë ya'atë Dios kyäjpxynyajxpë mëti'ipë yaa naaxwiiny ënety minaanpën.

Juan 6:22

Komjëpom ja mayjyä'äy tnija'awëtyë mëti'ipë jam nëë'awinmëtyën ko ja Jesús ja y'ijxpëjkpëtëjk yë'ë ënety të tuknëjkxtë ja kepy nëëwinye'epyë tu'kpajkpë jampë yajpaatyën ets ko ka'ap ënety ja Jesús jap mëëtëty.

Juan 6:26

Ets ja Jesús y'ëtsoowëtë: Tëy miits nëëmëtë, paaty xy'ixta'atës ko ojts ku'uxyë mkaytyë; ka'ap yë'ëjëty ko miits xy'ixtë ja mëj'ajtën.

Juan 6:30

Tääts ojts tyajtëwtë: ¿Tii mëj'ajtën maayëp ëëts xytyuk'ixtëty ets mijts nmëpëktëty? ¿Tii jëtu'un mtuunäämpy?