Juan 5:2 - Biblia Dc en Mixe de Quetzaltepec

² Jam ijty tu'uk ja tëjk'aaw mëti'ipë xyëëwajtypyën Kupixyny Tëjk Aaw ets jam tu'uk ja nëë apojtsë'ëky, Betesda yajtijy hebreo ayuk, mëkoxk ja nyitëjk'aaw.

Biblia Mixe de Quetzaltepec

² Jam ijty tu'uk ja tëjk'aaw mëti'ipë xyëëwajtypyën Kupixyny Tëjk Aaw ets jam tu'uk ja nëë apojtsë'ëky, Betesda yajtijy hebreo ayuk, mëkoxk ja nyitëjk'aaw.

Juan 5:2 Iomraidhean Croise

Nehemías 12:39

najxtës jam ma Efraín tyëjk yajwin'ijxpetyën, najxtës jam ma ja Jesaná ja tyëjkwiinën, ma ja nyitëjk'aawën ja nëë jëyujk, ma ja Hananel ja pyotyën, ma ja mëjpotsy tijtën mëko'px potsy, jampaat ma ja kupixyny jam ja nyitëjk'aawën; ets jam ojts jam wäänë mpo'kxtës ma ja tyëjk'aawëtyën ja Kwent'ajtpëty.

Nehemías 3:1

Ënet ja teety kopk Eliasib ets ja myëteetyëjk tkoj o'oyëtyë ja tëjk'aaw, ma tijtën kupixynytyëjk'aaw. Ets tpëjktaktaaytyë ja tëjk kuwitsë maajaty ja tëjk'aawën, ets tkoj o'oyëtyë ja potsy, tyajtso'ontaktë ja jam ma tijtën mëko'px potsy ets tpaja'ajtë jam Hananel.

Nehemías 3:32

Yë poop pujxn oytyuunpëty ets ajuupy ato'kpëty ojts näjyëtu'un tyaj'oyëtë ja potsy, jam tyajtso'ontaktë ma ja potsy tyäkën ma y'ijx'it kyëwent'atën ets tim yajjajtë jëtu'un jam ma ja nyitëjk'aawën ja kupixynyëty.

Isaías 22:11

Poty itkujky ojts xypyotstë ja nëë apëjkën ma xyajnipäta'antën ja nëë, je'eyëp ko ka'ap ojts xynyijawëtë pën ënety jëtu'un tëëyëp të tuknipëjktaakë.

Isaías 22:9

ets xy'ijxpatë ko jam ma ja David ja kyajpnën ko tam ja patu'u jyätyë ets jam ojts xyu'utstë ja mnëëjëty;

Juan 19:13

Ko ja Pilato jëtu'un tmëtooy ënät ojts tni'ënä'ämë ets ja Jesús tyajpëtsëmtëty ets nyaaxwe'tsy ënyääypyäjnkëjxy ma pyaye'eyën, ma txëëwatyën hebreo ayuk Gabatá, jä'ä nyiwijy Tsaa Winwääpy.

Juan 19:17

Tääts ja Jesús tsyo'ony, tam ja kruuts tpakäpy, ets nyijkx ma txëëwatyën O'kpë Këpajk mëti'ipë hebreo ayuk yajtijpën Gólgota.

Juan 19:20

May ja jutiis ja'ay ja letrë ojts tkajpxtë, jä'ä ko kajpn mëwinkon ja it wyi'im ma ja Jesús ojts tyajkruutspätën ets ja letrë, hebreo, latín ets griego ayuk jyä'äyëty.

Juan 20:16

Ënet ja Jesús y'ënëmaayë: Maria. Tääts ja Maria y'ijxwinpijty ets t'ënëmaay hebreo ayuk'äämpy: Raboni mëti'ipë niwijpën Wintsën.

Juan 5:3

Jamts ja maypya'am ja'ay kyo'knëtë ets ja wiintspë, kë'ëma'atpë tekymya'atpë ets ja xujxpë.

Juan 7:21

Ënet ja Jesús y'ënëmaayëtë: Ni'ëmukë miitsëty janty mëj'ixy xyjyawëtë koos ojts tu'uk ja mëj'ajtën ntuny po'kxënxëëw.

Hechos 21:40

Tääts ja wintsën tyajkutujky ets ja Pablo ja ja'ay tmëkajpxëty. Ënet ja Pablo ojts wya'kukë jam këjxm ets ja kyë'ë txajë'ky ets ja ja'ay y'ëmoontë. Ko ja ja'ay y'ëmoontaaytyë, tää ja Pablo hebreo ayuk myëtyaktso'ony:

Apocalipsis 16:16

E ja yajkutujkpëtëjk ojts ja myuktë ma tu'uk ja it txëëwatyën hebreo ayuk'äämpy Armagedón.

Apocalipsis 9:11

Jam tu'uk ja tsajpjotmëtë kukäjpxy mëti'ipë tso'onpën ëyoowtaknjotm, yë'ë nyiwintsën'ajtyp ja maymyu'u. Abadón yajtijy ma hebreo ayukën ets ma griego ayukën, Apolion.