Juan 4:21 - Biblia Dc en Mixe de Quetzaltepec

²¹ Ënet ja Jesús y'ëtsoowë: To'xotyëjk, mëtoow'it mëti'ipë yam ntukmëmëtyäkpyën, ko pyätyp ja xëëw jëmëjt ma miitsëty ja Dios Teety xywyintsë'ëkëtëty oymyaajëty, oy mkatimynyëjkxtëty jam Jerusalén ëkë pën kyaminëty yaa ma ya'atë kopkën.

Biblia Mixe de Quetzaltepec

²¹ Ënät ja Jesús y'ëtsoowë: To'xotyëjk, mëtoow'it mëti'ipë yam ntukmëmëtyäkpyën, ko pyätyp ja xëëw jëmëjt ma miitsëty ja Tios Teety xywyintsë'ëkëtëty oymyaajëty, oy mkatimynyëjkxtëty jam Jerusalén ëkë pën kyaminëty yaa ma ya'atë kopkën.

Juan 4:21 Iomraidhean Croise

Isaías 66:1

Jëtu'un yë Wintsën y'ënä'äny: Ëjts jamës nkutujktakn tsajpjotm, e naaxkëjxy ntekyës jää nyaj'ijtyp. ¿Maas yë njëën ntëjk xynyakojtëty? ¿Maas xynyayajpo'kxa'antë?

Ezequiel 14:3

Ya'atë ja'ayëty yajxon yë jyot wyinma'any të timkyë'ëyaktë ma yi'iyë t'ëwtatën ka'apë tyiosëtyën ets yë'ë të tuk'ijxpätë mëti'ipë yajpokytyuunëtëpën. ¿Ets ënät y'ëna'antë mputëkëtëtyësë?

Ezequiel 20:3

Mijts ye'etyëjk, mëmëtya'ak yë Israel mëjja'aytyëjk ets xy'ënëëmëty: Jëtu'un yë Wintsën y'ënä'äny: ¿Ëjts miits xynyimiintëp ets winë xynyijawëja'antë? Ëjts tyamës yë njuukyajtën ntukajpxpety ets n'ëna'anyës ko ka'apës yam nkupëka'any ets miitsëty tii xyajtëwtëtyës.

Malaquías 1:11

Oymyaanaax myaakajpnëty aakyë'ë oypyë xymyooytyëpës yë wintsë'kën ets aak'oy tyaktë yë pyoomëty mëti'ipës xytyukwintooytyëpën.

Mateo 18:20

Jä'ä ko ma nimäjtsk nitëkëëk ja'ay yajpaatyën ëjts nxëëwkyëjxmës, tamës ëjts itkujky nyajpaaty.

Mateo 28:19

Nëjkxtë naaxwiinyëtë apëtsëmy ets xyaj'awinpitëty yë ja'ay ëjts n'ijxpëjkpë; yajnëëpätë mëët yë Dios yë xyëëw, Dios U'unk ets mëët yë Kënu'kxymyëkajtën yë xyëëw,

Lucas 21:24

Tam mëti'ipë nëjkx yajkupuxyën, mëti'ipë nëjkx yajtsumy yajmatsyën wiink naax wiink kajpn; ets ja mëtsip jëtu'unyë nëjkx t'ateeny tukteeny ja Jerusalén kajpn koonëm tpaatëty ja nyixëëw ma ënety të yaj'akäjpxyën.

Juan 14:6

Ënet ja Jesús y'ëtsoowë: Ëjts jëtu'un tu'u'ajtp, ja tëyajtën ets ja juukyajtën. Ëjtskyëjxm je'eyë tjëkyepy pën jya'tëty ma ja Dios Teetyën.

Juan 16:2

Nëjkxëp myaj'ixkäxtë jap tsajptëkoty ets nëjkxëp ja'ay myaj'ookëtë ets jëtu'un nëjkx myäytyë tyajtë ko Dios myëtuuntëp.

Juan 16:32

Tëë ja xëëw jëmëjt tpaaty ets tyam jëtu'un nixëëwaty, ko miits mkääkwa'kxta'atëty ets mnëjkxtëty këëkjëën këëktëjk etsës nätyu'uk xy'ëxmatstëty. E ka'apës nätyu'ukëty, jä'ä ko tääjës ja nteety mëët.

Juan 4:23

Pyätyp ja xëëw jëmëjt, ets tyam jëtu'un të tpaaty, ma ja ja'ay t'ëwtata'antën ja Dios Teety mëtëypyë ijxtëm ja Dios ja Kyënu'kxymyëk'ajtën tsokyën. Jä'ä ko yë Dios Teety tsyojkpy ets jëtu'un yaj'ëwtatëty.

Juan 5:25

Tëy miits nëëmëtë ko tää wyinkony ja xëëw jëmëjt ets tyamën jä'ä, ko ja o'kpë tmëtowtëty ja Dios U'unk ja y'aaw y'ayuk, ets mëti'ipë y'amëtoow'ijtëp, pyaatëp y'ixtëp ja juukyajtën.

Juan 5:28

Këtii nëkoo mjotmaypyaatëty, jä'ä ko pyaatäämpy ja xëëw jëmëjt ma tu'kë'ëyë ja o'kpë tmëtowa'antën ja aaw ayuk,

Hechos 6:14

Tëës ntimmyëtowtë ko y'ënä'äny ko ja Jesús nazaretëtë ja'ay tyajkutëkoyä'äny yë mëjtsajptëjk ets ko tyajtëkatsa'any ja ënä'ämën mëti'ipë ja Moisés ojts xytyukmëwë'ëmëmën.

Efesios 2:18

Kristë xypyutëjkëmëp ni'ëmukë mëët ja kënu'kxymyëk'ajtën ets npatmëty ja Dios, jëtu'un ja jutiis ja'ayëty ets näjyëtu'un mëti'ipë ka'ap jyutiisëty.

Efesios 3:14

Yë'ëkyëjxmës nwinkoxtänë ja Dios,

1 Timoteo 2:8

Ntsojkpyës ets ja ja'ay tja'amyätstëty ja Dios oymyaatsowëty, ets ja kyë'ë tyujkxajtëty ma ja Tiosën mëët ja oyjyot oywyinma'any ets ka'ap myëëtëty ja tsip äkë.

1 Pedro 1:17

Pën miitsëty Tatë, xynyëëmëtë ja Dios, mëti'ipë paye'epyën mëtëy ets ka'ap wyin'ixy wyinkexyëty, kopkpëky ko xywinkutsë'ëkëtëty xëmë mapaat yaa naaxwiiny mjuuky'atën.

Apocalipsis 21:22

Ni ma kajpn jëtu'un të nka'ixyës ja tsajptëjk ma Dios yajwintsë'ëkën, jä'ä ko ja Dios mëti'ipë maaytyääyëpën winë ets ja mëti'ipë yajtijpën Kupixyny U'unk, yajwintsë'këtëp jä'ä oymyaajëty.