Juan 3:2 - Biblia Dc en Mixe de Quetzaltepec

² Yë'ë ojts ninëjkxy ja Jesús koots ets t'ënëmaay: Wintsën, nija'awëtyëpës ko mijts Dios të mkexyë ets ëëts xyaj'ijxpëktëty, jä'ä ko ka'ap tjëkyepy pën tunëty ja mëj'ajtën ijxtëm mijts xytyunyën pën ka'ap ja Dios tmëëtëty.

Biblia Mixe de Quetzaltepec

² Yë'ë ojts ninëjkxy ja Jesús koots ets t'ënëmaay: Wintsën, nija'awëtyëpës ko mijts Tios të mkexyë ets ëëts xyaj'ijxpëktëty, jä'ä ko ka'ap tjëkyepy pën tunëty ja mëj'ajtën ijxtëm mijts xytyunyën pën ka'ap ja Tios tmëëtëty.

Juan 3:2 Iomraidhean Croise

1 Reyes 17:24

Ets ja to'oxytyëjk y'ëtsoowë: Tyamës ënät yajxon nijawë ko mijts Wintsën mja'ay'ajtëp ets ja mëti'ipë mnikäjpxypën aakjä'ä mëti'ipë mëtëyën.

Isaías 51:7

Mëtoow'itë ya'atë aaw ayuk, miitsëty ninu'un xynyijawëtën mëti'ipë mëtëyën, miitsëty naax kajpnëty mëti'ipë kyupëjktëpën ja n'ijxpëjkënës. Këtii xymyëjpëjkta'aktëty oy pën wi'ix m'ënë'ëmxëtëty, këtii xymyëmon xymyëtukëty ko m'ojëtëty,

Jeremias 38:16

E ja Sedequías yajkutujkpë ame'tsyë ojts tatskmëkajpxë ja Jeremías ets t'ënëmaay: Yë Wintsënës yë xyëëw ntukkajpxypejtypyës ko ka'ap mijts ni'ënä'ämëja'any, ka'ap pën myaj'ookëtëty ets ka'ap nkë'ëyaka'any ma ja ja'ayëtyën mëti'ipë ënantëpën ko m'ookëty.

Mateo 22:16

Paaty ojts tkäxtë ja y'ijxpëjkpëtëjk mëët ja Herodes jyä'äy ets ja Jesús t'ënëmaaytyë: Wintsën, nija'awëtyëp ëëtsëty ko mijts mëtëy winë xykyäjpxy ets ko mijts mëtëy ja ja'ay xytyuk'ijxpëky ja Dios ja nyë'ë tyu'u oy pën tëkatsy mnikäjpxy mnimëtyä'äkyë, jä'ä ko ka'ap yë'ëkyëjxmëty winë oy xytyuny ets ja ja'ay m'oyjyawëtëty.

Mateo 23:7

ko muum nyëjkxtë jä'ä tsoktë ets ja ja'ay kyajpxpo'kxëtëty wintsë'kën mëët në'ëjoty tu'ujoty ets yaj'ijxpëjkpë yajtijtëty.

Mateo 23:8

Miits këtii yë'ë xytsyojkën'atëty ets ja ja'ay mtijëtëty yaj'ijxpëjkpë, jä'ä ko miitsëty aak tu'kmëku'uk ets tu'uk je'eyë xymyëët'atë ja yaj'ijxpëjkpë.

Marcos 12:14

Ënet ojts nyëjkxtë ets ja Jesús yajnëmaay: Wintsën, nija'awëtyëp ëëts ko mijts mëtëy mja'ay'äty, jä'ä ko ka'ap xymyëjpëjktä'äky oy pën wi'ixjaty m'ënë'ëmxëty, ka'ap yë'ëkyëjxmëty tii xynyikäjpxy ets ja'ay mtsokëtëty. Mijts yë'ë ja'ay mtuk'ëwa'anëp ja Dios ja nyë'ë'aaw tyu'u'aaw. ¿Oy ko yë yajkutujkpë César nmëkëpäjtmëtyë ëkë ka'apë? ¿Jyëkyejpy nmo'omyëty yë meenyë ëkë ka'apë?

Juan 1:38

Tääts ja Jesús y'ijxwinpijty. Ko t'ijxy tää pyaminëtë ets tyajtëëy: ¿Tii m'ixtaaytyëp? Tääts y'ëtsoowtë: Wintsën: ¿Maa të mja'ajtä'äky?

Juan 10:38

E pën ntuunpyës mëti'ipë yë Teetyës tyuunpyën, oy ja n'ayukës xykyamëpëktëty, yë'ë mëpëktë mëti'ipës ntuunpyën ets xynyijawëtëty ko ja Dios Teety tu'ukyë y'ity mëët ëjts ets ëjts mëët yë'ë.

Juan 12:37

Oy ja Jesús ënety may të tjatuny ja mëj'ajtën mayjyä'äyjoty, ka'ap ojts tmëpëktë.

Juan 14:10

¿Këtii xymyëpëky koos nyajpaaty mëët tu'ukyë ja Dios Teetyë ets ja Dios Teety mëët ëjtsë? ja mëti'ipë të ntukmëmëtya'aktën ka'ap kyë'ëm winma'anyëty të nnikäjpxyës. Ja Dios Teety mëti'ipë juukyajtpën ma ëjtsën, yë'ë kë'ëm winë të tuny.

Juan 15:24

Ka'ap jeexyë tii poky tmëët'atë ko jeexyë ëjts tii nkatuny mëti'ipë ka'ap pën tunyënëm; e ëjts yë'ëjës të ntuny mëti'ipë tëë t'ëk'ijxtëpën, ets je'eyëm xy'ëxëëk'ixtë ets näjyëtu'un t'ëxëëk'ixtë ja nTeetyës.

Juan 2:11

Ya'atë mëj'ajtën mëti'ipë Jesús tyuunën jam Caná ma Galilea y'itjotmën yë'ë ma mëtu'uk tyajnikëxë'kyën ja myëj'ajt y'oyajtën.

Juan 20:16

Ënet ja Jesús y'ënëmaayë: Maria. Tääts ja Maria y'ijxwinpijty ets t'ënëmaay hebreo ayuk'äämpy: Raboni mëti'ipë niwijpën Wintsën.

Juan 3:26

ets ojts tuk'ëwaanëtë ja Juan, ets t'ënëmaaytyë: Wintsën, ja ja'ay mëti'ipë ënety mijts jam mëëtën, jam Jordán, mëti'ipë të xynyimëtyä'äkyën tam tyam yajnëëpety ets nimay ja ja'ay jyänty nyiminyë.

Juan 4:31

Tam ënety ja y'ijxpëjkpëtëjk myënu'kxta'akëtë: Wintsën, kay wäänë.

Juan 5:36

Nmëët'ajtypës ja tëyajtën ni'ik këtiinëm ja Juan. Mëti'ipës ëjts ntuunpyën yë'ë mëti'ipë ja Dios Teety ëjts xymooyën ets ntunëtyës, yë'ë yajtëytyëjkëp koos ja Dios Teety të xykyexy.

Juan 6:2

May ja Jesús ënety ja ja'ay pyanëjkxyë, jä'ä ko tëë ënety t'ixtë ko tuny ja mëj'ajtën ko tyajtso'oky ja pa'amja'ay.

Juan 7:31

May ja ja'ay ojts myëpëktë ets y'ënantë: Ko myinëty ja Kristë, ¿wäänë jëtää ni'ik tunëty ja mëj'ajtën këtiinëm ya'atë ye'etyëjkë?

Juan 9:16

Ënet jënaakën ja fariseë ja'ayëty y'ënantë: Ja ja'ay mëti'ipë ya'atë tyuunpyën ka'ap yë'ëjëty Dios yajtunyë, jä'ä ko ka'ap yë po'kxënxëëw t'ëmaay'äty. Ets ja wiinkpë y'ënantë: ¿Wi'ix jëtää mëj'ajtën tunëty pën pokyjyä'äy? Tääts ojts nyäpyëjkwa'kxëtë xim yam.

Hechos 10:38

Mnija'awëtëp näjyëtu'un ko ja Dios tmooy ja Jesús ja Kënu'kxymyëkajtën mëët ja mëk'ajtën, ets ko ja Jesús tuuny ja oypyë ko jyëtijty naaxwiiny ets tyajtsoky ja ja'ay ni'ëmukë mëti'ipë ënety ja mëjku'u yaj'ëyoowëtëpën. Jëtu'un ojts ya'atë tuny jä'äkyëjxm ko ja Dios mëët yajpaaty.

Hechos 2:22

Miitsëty, Israel ja'ay ja tyiktsëty y'aatsëty, mëtowtë mëti'ipës yam nkajpxäämpyën: Ijxtëm miitsëty wa'ats xynyijawëtën, ojts ja Dios tyaj'ixyë ja kyutujkën mëët ja Jesús, Nazaretëtë ja'ay, ko tyaj'ixyë ja myëj'ajtën y'oyajtën ets kanaakjëjp ja ijxpät.

Filipenses 1:14

Ets ko të t'ixtë ko jap tsumy n'ityës, may ja nmëku'uk'ajtëmë të jyotmëkta'aktë ets të nimëtya'aktëty ja oy aaw oy ayuk amëk jotmëk ets yi'iyë tu'ukyë tyuk'ijxpäjtëp ja Wintsën.

Jueces 6:27

Ënet ja Gedeón ojts ja tyuunpë tpawoy nimajk ets tpatuuny tä ënety ja Wintsën të tyuk'ëne'emyën; je'eyëp ko koots ojts winë tuny këtiipë ja tyeety tyaak y'ixëtëty ets ja ja'ayëty ja jampë tsyëënëtën.