Juan 21:25 - Biblia Dc en Mixe de Quetzaltepec

²⁵ May ja Jesús ojts winë tjaaktuny mëti'ipë ka'ap kyëxja'ayëtyën ma ya'atë nokyën. Ko jeexyë të yajkujaaytyä'äy, ni kyanipaatë jeexyë ja naaxwiinyëtë mëët ja maynyoky mëti'ipë yajjääpyën.

Biblia Mixe de Quetzaltepec

²⁵ May ja Jesús ojts winë tjaaktuny mëti'ipë ka'ap kyëxja'ayëtyën ma ya'atë nokyën. Ko jeexyë të yajkujaaytyä'äy, ni kyanipaatë jeexyë ja naaxwiinyëtë mëët ja maynyoky mëti'ipë yajjääpyën.

Juan 21:25 Iomraidhean Croise

Job 26:14

Ets tyaapë wäänë yë'ë mëti'ipë të tunyën; mëti'ipë të nmëto'owëmën yi'iyë mëti'ipë je'eyë yajnikajpx yajkukajpxpën. ¿Pën y'ëkja'akyukëp yë y'ënaaw mëti'ipë maaytyääyëpën winë?

Salmos 40:5

Wintsën mëti'ipës nTios'ajtypyën, mëj këjää winë të xytyuny të xykyäjpxy ma ëëtsëtyën koos xyajmëj'atë. Ni pën kyajëtu'unëty tä mijtsën. Ëjts njanikajpxäämpyës tëkokyë mëti'ipë të xytyunyën, je'eyëp ko may oy, ka'apës xymyäyëty nikajpxta'ajëty.

Salmos 71:15

jëtu'unës nyajnaxa'any yë xëëw jëmëjt, nikajpxa'any nnimëtya'aka'anyës koos mijts të xyajtso'oky ets koos të xynyipaye'ey ijxtëm tyim'ixë'atyën. E tëkokyë ya'atë mëti'ipë të xytyuny të xykyäjpxyën, ka'apës yajxon nja'akyukë wi'ix ko jyëtu'unëty.

Eclesiastés 12:12

Mëj këjää ja kajpxwijën yajpaaty ma yë'ëjëtyën. Yë nokjyääyk ka'ap jyëjpkëxy ets oy jënu'un mëj këjää n'ijxpëjkmëty kë'ëm näyaj'ënu'kxëmëty.

Amós 7:10

Yë teety Amasías, mëti'ipë jam teety'ajtpën Betel, ojts tëkok tkäjpxynyikexy yë Israel yajkutujkpë ets t'ënëmaay: Tää yë Amós jyëtity ma Israel kajpnën, yë'ë nyipëtë'ëkäämpy yë yajkutujkpë. Yë naax kajpn ka'ap t'ëktsojknë ets ni'ikyë kyajpx'ëtë'ëtsëty.

Mateo 11:5

Tukmëmëtya'aktë ko ja ja'ay wiintspë y'ixë'ëktë, ko ja pajk ma'atpë ye'eytyë, ko ja pu'uts mëëtpë tsyo'oktë, ja natpë tëë myëtoowpëktë, ja o'kpë tëë jyuukpyëktë ets ko ja ëyoopëja'ay ja oy aaw oy ayuk yajtuk'ëwaanëtë.

Mateo 19:24

Jëtu'un jatëkok n'ënëëmëtë, nikë tsojk tu'uk ja jëyujk jëku'ux nyaxëty xu'uny jutjoty këtiinëm ko tu'uk ja kumeenyjyä'äy tyëkëty ma Dios kyutujktaknën.

Marcos 5:16

Pënjaty ënety të t'ixtën, ojts nimëtya'aktë wi'ix ënety të jyäty të kyëpetyën ja ja'ay mëti'ipë të t'ëkmëët'ajtpën ja ku'oypyë ets wi'ix ënety ja may ëtsëm të jyatën.

Hechos 10:38

Mnija'awëtëp näjyëtu'un ko ja Dios tmooy ja Jesús ja Kënu'kxymyëkajtën mëët ja mëk'ajtën, ets ko ja Jesús tuuny ja oypyë ko jyëtijty naaxwiiny ets tyajtsoky ja ja'ay ni'ëmukë mëti'ipë ënety ja mëjku'u yaj'ëyoowëtëpën. Jëtu'un ojts ya'atë tuny jä'äkyëjxm ko ja Dios mëët yajpaaty.

Hechos 20:35

Xëmë të ntuk'ijxpëktë ko jëtu'un winë xytyuntëty, ets ja mmëku'uk xypyutëkëtëty mëti'ipë tii yajmëyajtëpën. Ja'amyätstë ja Wintsën Jesús ja y'aaw y'ayuk ko jëtu'un y'ënäny: Wäänë jotkujk mëti'ipë ja ja'ay putëjkëpën ets këtiinëm mëti'ipë yajputëjkëpën.

Hebreos 11:32

¿Tiis njaakmëtya'akëp? Ka'ap ja tiempo nëkoo y'ëkyajmëët'ajnë ets jeexyë njaaknimëtyä'äkyës ja Gedeón, ja Barac, ja Sansón, ja Jefté, ja David, ja Samuel ets ja Dios ja kyäjpxynyajxpëtëjk.