Biblia Todo Logo
Bìoball air-loidhne

- Sanasan -




Juan 20:16 - Biblia Dc en Mixe de Quetzaltepec

16 Ënet ja Jesús y'ënëmaayë: Maria. Tääts ja Maria y'ijxwinpijty ets t'ënëmaay hebreo ayuk'äämpy: Raboni mëti'ipë niwijpën Wintsën.

Faic an caibideil Dèan lethbhreac

Biblia Mixe de Quetzaltepec

16 Ënät ja Jesús y'ënëmaayë: Maria. Tääts ja Maria y'ijxwinpijty ets t'ënëmaay hebreo ayuk'äämpy: Raboni mëti'ipë niwijpën Wintsën.

Faic an caibideil Dèan lethbhreac




Juan 20:16
26 Iomraidhean Croise  

Tëkok yë Dios ojts yë Abraham twinma'any'ixy ets ojts tukmëkäjpxy yë xyëëw ets y'ëtsooy: Tyaajës jä'ä.


Yë n'utyës Benjamín ets miitsëty jëtu'un yam mëtoowtëp, koos yam jëtu'un n'ëna'any.


Ko ja Dios t'ijxy, ko ja Moisés ni'ikyë jam wyinkona'any ets yajxon t'ijxwa'atsa'any, ënät ojts tmëkäjpxy, yë Moisés jëtu'un tmëtooy jam yowë yë ja'ay kyajpxpëtsëmy ma ja zarsa kepy tyoyën ets y'ënä'äny: Moisés. Moisés. Tyaajës, jëtu'un y'ëtsooy yë Moisés.


Ya'atë mëti'ipë yam të xynyikäjpxyën ntunäämpyës yam, jä'ä ko mijts ntuk'ijxpejtyp ets ntukjotkëtäkpy, jëtu'un ja Dios t'ëtsooy ja Moisés.


Wäänës ënety të nmëjëkämkä'äktë koos mëët të nyäpyäätyë ja ye'etyëjk mëti'ipës ja njuukyajtën tsyojkën'ajtypyën. Täätsës të nmatsy kyë'ëkëjxy etsës të nwoownëjkxy ma ntaakës yë jyëën tyëjkën.


Ëjts maapës ënety, je'eyëp ko yë njot nja'awënës ka'ap myä'äy. Ënätës të nmëtoowpaaty ko yë ye'etyëjk, mëti'ipës ntsojkpy nja'apën tpijkxnoky yë tëjk'aaw ets y'ënä'äny: Yaj'ëwa'ats yë tëjk, mijts to'oxytyëjk mëti'ipës ntsojkpy nja'apën, tëëjës yë nkëpajk y'ujktsta'ay mëët yë maanik. Tëës yë nkuwaay xyo'kta'ay mëët yë koots maanik.


Miitsëty Israel ja'ayëty, Jacob nyaax kyajpn, mëti'ipë yë Wintsën ojts tyajkojyën, jëtu'un yë Wintsën m'ënë'ëmxëty: Këtii mtsë'ëkë, ëjts tëëjës mijts nyaj'ëwaatsëpëtsëmy; mxëëw të ntukmëkäjpxy ets të n'ënëëmë, mijts njä'ä'ajtyp.


Tääts ja Jesús y'ënëmaayëtë: Jotmëk yajpaatë. Ëjts yë'ë. Këtii mtsë'ëkëtë.


Ets ja Jesús yajtëëwë: ¿Tii mtsojkpy ets ntukmëtunëty? Tääts ja ja'ay wiintspë y'ëtsooy: Wintsën, ijxpëkaanpës.


E ja Jesús jëtu'un y'ëtsooy: Marta, Marta, yë maypyë tuunk mijts mmëmääpy mmëtäjpy.


Tääts ja Jesús y'ijxwinpijty. Ko t'ijxy tää pyaminëtë ets tyajtëëy: ¿Tii m'ixtaaytyëp? Tääts y'ëtsoowtë: Wintsën: ¿Maa të mja'ajtä'äky?


Ënet ja Natanael y'ënëmaayë: Wintsën, mijts ja Dios m'u'unk'ajtëp, mijts ja Israel ja'ay yajkutujkpë.


Ja kemy kyëwent'ajtpë yë'ë ja kemy yaj'ëwatsyp, ja kupixyny këwent'ajtpë xëëwpety tmëkäjpxy ja kyupixyny, e ja kyupixyny nän yo'kmëtoowëp; ets tyajpëtsëmy jap kemyjoty.


Ko ja Marta jëtu'un y'ënäny ënät ja myëkä'äxtëjk Maria ojts twoy ets t'ënëmaay ame'tsyë: Tää ja yaj'ijxpëjkpë yaa yajpaaty tap mëkäjpxyë.


Miitsëty jä'äs xytyijtë Yaj'ijxpëjkpë ets Wintsën ets tëy jëtu'un m'ëna'antë, yë'ëjës jëtu'unpë ntuunk'ajtyp.


Ënet ja Tomás y'ëtsooy: Mijts nteety'äjtyp, mijts nTios'ajtyp.


Yë'ë ojts ninëjkxy ja Jesús koots ets t'ënëmaay: Wintsën, nija'awëtyëpës ko mijts Dios të mkexyë ets ëëts xyaj'ijxpëktëty, jä'ä ko ka'ap tjëkyepy pën tunëty ja mëj'ajtën ijxtëm mijts xytyunyën pën ka'ap ja Dios tmëëtëty.


Jam ijty tu'uk ja tëjk'aaw mëti'ipë xyëëwajtypyën Kupixyny Tëjk Aaw ets jam tu'uk ja nëë apojtsë'ëky, Betesda yajtijy hebreo ayuk, mëkoxk ja nyitëjk'aaw.


Ko jyajtë jam awinmtsow ets tpatë ja Jesús ënät tyajtëëwtë: Wintsën, ¿jëna'a yaa mminy?


Jënäkyxyëëw ënety, ko ojts t'a'ijxnaxy tu'uk ja Dios ja y'anklës myëwinkonyë ets y'ënëmaayë: Cornelio.


Tääts kyëtääy ets tmëtooy tu'uk ja ja'ay kyäjpxy ets y'ënä'äny: Saulo, Saulo, ¿tii koos xy'ixjëtity xypyajëtiy?


Ënet jatëkok ja Wintsën myiiny ets ojts tmëkäjpxy ja Samuel. Samuel, Samuel. Kajpx, Wintsën, tyamës nmëtoow'ity. Jëtu'un y'ëtsooy yë Samuel.


E ja Wintsën ojts jatëkok tmëkäjpxy ja Samuel: Samuel. Yë Samuel pëyi'ikyë jatëkok pyëti'ky ets ojts nyijkxy ma ja Eli myä'äyën, tä t'ënëmaay: Tyaajës wintsën ¿Tiijës ko xymyëkäjpxy. U'unk, ka'ap pën mëkäjpxyë, jëtu'un y'ëtsooy ja Eli, nëjkx ma mmaataknën.


Lean sinn:

Sanasan


Sanasan