Juan 20:13 - Biblia Dc en Mixe de Quetzaltepec

¹³ Ënet ja tsajpjotmëtë kukäjpxy tyajtëëwtë: To'oxytyëjk, ¿tii ko myä'äxy? Ets ja Maria y'ëtsooy: Yë'ëjës nmëyäxyp ko tëë ja nWintsën tmënëjkxtë ets ka'ap yajnijawë maa të tpëjkta'aktë.

Biblia Mixe de Quetzaltepec

¹³ Ënät ja tsajpjotmëtë kukäjpxy tyajtëëwtë: To'oxytyëjk, ¿tii ko myä'äxy? Ets ja Maria y'ëtsooy: Yë'ëjës nmëyäxyp ko tëë ja nWintsën tmënëjkxtë ets ka'ap yajnijawë maa të tpëjkta'aktë.

Juan 20:13 Iomraidhean Croise

Eclesiastés 3:4

Nyixëëw nyijëmëjt pyätyp ko jyi'iy yä'äxy ets ko pën xyi'iky y'ëwë'ëky. Ko pën o'kpë tnimony tnituky ets ko pën xyëëwtuny.

Jeremias 31:16

E ja Wintsën jëtu'un y'ënë'ëmxëty: Raquel, këtii nëkoo mjë'ëy myä'äxy; këtii nëkoo mwiinnëë xytyemy xyjye'etsy, mijts tëë m'ëyo'onpaaty, mpatäämpy jatëkok ja jotkujk'ajtën: yë m'u'unk m'ëna'k tsoonantëp jam ma ja mëtsip ja nyaax kyajpnën. Ëjts Wintsën, ëjts ënaanp.

Lucas 24:17

Tääts ja Jesús yajtëëwëtë: ¿Tii mnimëtyaktëp tu'ujoty? ¿Tii ko mjotmay'ooktë? Yë'ëjëty ka'ap y'ëtsoowtë je'eyë ojts wya'akwë'ëmtë.

Juan 19:26

Ko ja Jesús t'ijxy ja tyaak ets ko tam winkon tyänë ja y'ijxpëjkpë mëti'ipë ni'ik tsyojkpyën ënät t'ënëmaay ja tyaak: Nanë, tam mpa'atënëty ja m'u'unk.

Juan 2:4

Ënet ja Jesús y'ëtsooy: Nanë, ¿tiis ko jëtu'un xy'ënëëmë? Ka'anëm tpaaty ja nyixëëw maas winë ntunëtyën.

Juan 20:15

Ënet ja Jesús yajtëëwë: To'oxytyëjk, ¿tii ko myä'äxy, pën m'ixtääpy? Ja Maria jëtu'un myäy tyäjy ko yë'ë ja pëjykyam këwent'ajtpë kajpxp: Wintsën, pën mijts të xyajpëtsëmy, tuk'ëwa'anëkës maa të xypyëjktä'äky, etsës nëjkx jam nyajtsoony.

Juan 20:2

Ënet ojts nyijkx pëyi'ikyë ma ja Simón Pedro mëët wiinkpë ijxpëjkpën mëti'ipë Jesús ni'ik tsyojkpyën. Tääts ja Maria y'ënäny: Tëë ja Wintsën ja nyi'kx kyopk yamëke'eky ets ka'ap yajnijawë maa të tpëjkta'aktë.

Hechos 21:13

E ja Pablo jëtu'un y'ëtsooy: ¿Tii ko mya'axtë etsës xyajkumon xyajkutukëtë? Ëjts tëëjës ntuknipëjktaakë wä'än timwyi'ixëty, nkupëkäämpës pën yajtsuumpës ets oyës ntimy'ookëty jam Jerusalén mëët koos yë Wintsën Jesús nmëpëky.

1 Samuel 1:8

Ets ja Elcana ijty y'ënë'ëmxëty: Aná, ¿Tiitën ko mjë'ëy myä'äxy? ¿Wi'ix ko je'eyë mony mtuky ets ka'ap mkay m'uuky? ¿Ti këtiis jëtu'un ntsoopaaty ijxtëm jeexyë nimajk xymyëëtëtyën yë u'unk ëna'kë?