Juan 20:1 - Biblia Dc en Mixe de Quetzaltepec

¹ Tominkë, sëmaan'ëjxy, ja Maria Magdalena ojts nyijkx tsojkyë ma ja o'kpëjutën, ka'anëm ënety xyiinyë. Ënet t'ijxy akëëytyu'uty ja o'kpë jut aaw.

Biblia Mixe de Quetzaltepec

¹ Tominkë, sëmaan'ëjxy, ja Maria Magdalena ojts nyijkx tsojkyë ma ja o'kpëjutën, ka'anëm ënäty xyiinyë. Ënät t'ijxy akëëytyu'uty ja o'kpë jut aaw.

Juan 20:1 Iomraidhean Croise

Mateo 27:56

Ma tääpë ja to'oxytyëjkëtyën tam ënety yajpaaty ja Maria Magdalena, ja Maria mëti'ipë ja Santiago ets ja José tyaak'ajtëpën ets ja tyaakëty ja Zebedeo y'u'unk y'ëna'k.

Mateo 27:60

ets tpëjktäky ma tu'uk ja o'kpëjutën jemypyë jam nyaaxjotm, mëti'ipë ënety të t'oytyunyën tsaajoty ets tuk'akëëy tu'uk ja mëjtsaa, ets ojts nyijkxy.

Mateo 27:64

Paaty ëëts npëjktsowtë ma mijtsën ets tëkëëk xëëw yajkëwent'atëty ja o'kpë jut këtiipë myintëty ja y'ijxpëjkpëtëjk ets tmëkä'äktëty ja Jesús ja nyi'kx kyopk ets ok t'ënëëmëtëty ja ja'ay ko tëë ja Jesús jyuukpyiky. Ko jëtu'un wyin'ëëntëty, wäänëni'ik ja ja'ay nëjkx tyajmëpëktë këtiinëm jëtu'un ma të jyuuky'ätyën.

Mateo 27:66

Tääts ojts nyëjkxtë ets yajxon tyaj'ëtujktë ja o'kpë jut ets tku'ëtsaaytyë; ëpëky ja këwent'ajtpë ojts wyë'ëmtë.

Mateo 28:1

Ko ja po'kxënxëëw nyäjxy, ko xyiinytyäky tominkë xëëwpë, sëmaan'ëjxy. Ja Maria Magdalena mëët wiinkpë ja Maria, ojts nyëjkxtë jam ma ja o'kpëjutën ets t'ixa'antë.

Mateo 28:2

Ajotkumonë tyëjkëy naaxwiinyëtë yu'kxpë, jä'ä ko tu'uk ojts ja Dios ja y'anklës tsyoony tsajpjotm ets kyëtäky naaxwiinyëtë, jam jut'ëkë'ëm nyäpyëjktakë ets tjëkëëy ja mëjtsaa mëti'ipë ënety ja jut y'akë'ë'ajtypyën.

Marcos 15:46

Tääts ja José tjuuy tu'uk ja linë wit ets tyajjënäjky ja o'kpë, yë'ë tyukwinpijt ja linë wit ets tpëjktäky tsaajutjoty. Ko jam tpëjktäky, tääts ja mëjtsaa ojts tuk'akë'ëy.

Marcos 16:9

Ko ja Jesús jyuukpyijky, sëmaan'ëjxy jopyëp; Maria Magdalena ojts y'ixyë jëyëjp, mëti'ipë ënety tëë ja ku'oypyë niwëxtujk y'ëxmatsyën.

Juan 11:38

Jesús, mëët ja monyëtukyë, ojts jatëkok nyijkx ma ja o'kpë ënety të nyaaxtëkën. Ja o'kpë jut, aank y'ijty ets tsaa y'akë'ë'ajtyp.

Juan 11:41

Ënet ja tsaa tjëkëëytyë ets ja Jesús pya'at'ijxy tsajpwinm ets y'ënäny: Dios Teety, mijts nkukajpxëp, jä'ä ko tëëjës ja n'ayuk xymyëtoowë.

Juan 19:25

Jam winkon ma ja Jesús jam kruutskëjxm yajpaatyën, tam ënety tyänëtë ja tyaak, ja myëkä'äx; ja Maria, mëti'ipë Cleofas tyo'oxytyëjk'ajtypyën ets ja Maria Magdalena.

Juan 20:26

Kom tuktujk xëëw, tëë ënety ja Jesús ja y'ijxpëjkpëtëjk jatëkok jam ye'eymyuktë tëkotm, tam ënety ja Tomás näjyëtu'un yajpaaty, ëtuky ja tëjk'aaw tyaj'itë. Ënet ja Jesús nyänyikëxë'kë, itkujky ojts wya'ak'oyë ets ojts tkajpxpo'kxy ja y'ijxpëjkpëtëjk, ets t'ënëmaay: Jotkujk yajpaatë.

Hechos 20:7

Sëmaan'ëjxy ojts nye'eymyuktës ets ja tsajpkääky yajkayä'äny ijxtëm ja Wintsën Jesús tnajtstu'unëyën. Tu'ktsu'um ojts ja Pablo yaj'ixpëky, jä'ä ko ënety tsyoona'any komjëpom.

1 Corintios 16:2

Wintu'ktominkë xynyikoonpätëty ja putëjkën, jëtu'un xypyukontëty wi'ix ënety tii xypyaatën ets xypyëjkë'ëktëty. Koos nja'tëty, ka'ap jää myukëty ja putëjkën.

Apocalipsis 1:10

Wintsën ënety ja xyëëw ko ja Kënu'kxymyëkajtën ojts xynyikëtä'äkyës ets janty mëk nmëtooyës ja ayuk njëxkë'ëmës ijxtëm tu'uk yë pujxnxuxn y'ënä'änyën,