Juan 2:18 - Biblia Dc en Mixe de Quetzaltepec

¹⁸ Tääts ja jutiis ja'ayëty yajtëëwëtë: ¿Tii ijxpäjtën myäjkpy mëti'ipë yajknikëxë'kpyën ja kuttujkën ets ya'atë jëtu'un xytyunëty?

Biblia Mixe de Quetzaltepec

¹⁸ Tääts ja jutiis ja'ayëty yajtëëwëtë: ¿Tii ijxpäjtën myäjkpy mëti'ipë yajknikëxë'kpyën ja kutujkën ets ya'atë jëtu'un xytyunëty?

Juan 2:18 Iomraidhean Croise

1 Reyes 13:3

Jä'ä xëëw ja käjpxynyajxpë ojts tu'uk ja mëj'ajtën tyaj'ixyë ets y'ënäny: Ya'atë mëj'ajtën jëtu'un yë Wintsën yaj'ijxëp: Ko ya'atë wintsë'këntyakn piw nuuk jyajta'ajëty ets ja nyijaam jëtu'unyë pyojwa'kxta'ajëty.

Éxodo 7:9

Ko yë mëj'ënä'ämpë m'amëtowëtëty ets xyaj'ixëtëty tu'uk yë mëj'ajtën, yë Aarón yë'ë m'ënëëmëp ets tkajpë'ëkëty yë tyajk ets tnajtsjëpipëty ma yajkutujkpë wyintuuyën ets ja tajk tsa'any y'awinpitëty.

Mateo 21:23

Tääts ko ja Jesús tyëjkëy ma ja tsajptëjkën. Tam ënety yaj'ixpëky ko nyimiinëtë ja teety wintsëntëjkëty mëët ja mëjja'aytyëjkëty, mëti'ipë jutiis ja'ayëtyën ets yajtëëwëtë: ¿Tiikutujkën mëët ya'atë xytyuny? ¿Pën yë kuttujkën mmooyëp?

Marcos 8:11

Ënet ja fariseë ja'ayëty tnimiintë ja Jesús ets je'eyë twinma'any'ixa'antë, yë'ë y'ixantëp pën jam muum kyajpxtëkoy, ets t'amëtowtë ja Jesús ets tyaj'ixëtëty tu'uk ja mëj'ajtën ets yajmëpëkëty pën janty jam tsyoony ma Tiosën.

Lucas 11:29

Ni'ikyë ja ja'ay jyänty nyiye'epyätë ko ja Jesús yaj'ijxpëjktso'ony ets y'ënäny: Ja ja'ayëty ja tyampë jyuuky'atën ëxëëk ja jyot wyinma'anyëty, oy tja''amëtowtë ja mëj'ajtën, ka'ap yajmo'oja'antë wiinkpë mëj'ajtën; yi'iyë tëy mëti'ipë tuunën jajtën ko ja Jonás jyuuky'äjty.

Juan 1:19

Ënet ja jutiis ja'ayëty mëti'ipë jam Jerusalén kukajpnajtëpën tkäjxtë ja teetytyëjkëty ets ja tsajptëjk mëtuunpëtëjkëty ma ja Juankën ets tyajtëëwtë pën yë'ë.

Juan 1:25

Yë'ë ojts tyajtëwtë: Pën ka'ap mijts mKristëty ets ka'ap mijts mElíasëty ets ka'ap myijtsëty Dios kyäjpxynyajxpë, ¿tiixë ko myajnëëpety?

Juan 6:30

Tääts ojts tyajtëwtë: ¿Tii mëj'ajtën maayëp ëëts xytyuk'ixtëty ets mijts nmëpëktëty? ¿Tii jëtu'un mtuunäämpy?

Hechos 4:7

Ënet ja Pedro ets ja Juan yajwoowmiintë ets jam itkujky yajkuwo'owëtyë ets tyajtëëwtë: ¿Pën yë mëk'ajtën mmooyëtëp ëkë pën jëtu'un mnëmaayëtëp ets jëtu'un winë xytyuntëty?

Hechos 5:28

Tëë mëk'äämpy nëëmëtë ko ka'ap tääpë Jesús jyä'ä xy'ëknimëtyakënëtëty ma ja'ayëtyën. ¿E miitsëty tii të xytyuntë? tëë ja Jerusalén kajpn xytyuk'ëwa'anëtya'atë tääpë ijxpëjkën, etsës näjyëtu'un ëëts xypyokynyitijtë ko ja Jesús të y'ooky.