Juan 2:13 - Biblia Dc en Mixe de Quetzaltepec

¹³ Ëmaayxyëëw ënety wiinkoonëp mëti'ipë jutiis ja'ayëty myëjja'awëtëpën, ko ja Jesús ojts pya'tëkë jam Jerusalén.

Biblia Mixe de Quetzaltepec

¹³ Ëmaayxyëëw ënäty wiinkoonëp mëti'ipë jutiis ja'ayëty myëjja'awëtëpën, ko ja Jesús ojts pya'tëkë jam Jerusalén.

Juan 2:13 Iomraidhean Croise

Nehemías 13:8

Ojtsës xyajjoot'anpëky, paatyës ojts njantyjyëpijpëtsëëmtaayë yë y'apëjk y'atu'unën mëti'ipë jap yajtuumpyën yë Tobías ma y'ityën.

Mateo 21:12

Ënet ja Jesús tyëjkëy tsajptëkoty ets twojpëtsëëmtaay ja ja'ay mëti'ipë ënety jap to'ktëp yajktëpën ets ojts ja ja'ay ja tyo'kpäjn tijjë'ktaayë mëti'ipë ja meeny wyinkukoontëpën, ets ja tyo'kpäjnëty mëti'ipë pak to'ktëpën;

Marcos 11:15

Tääts jyajtë jam Jerusalén. Ko ja Jesús jyä'äjty ma ja mëjtsajptëjkën, ënät t'ëxwojp pëtseemtaay ja ja'ay mëti'ipë ënety jap to'ktëp yajktëpën, ojts ja ja'ay ja tyo'kpäjn tjijtë'ktaayë mëti'ipë wyinkukoontëpën ja meeny ets näjyëtu'un ja pak to'kpë y'u'unyääypyäjnëty.

Lucas 19:45

Tääts ja Jesús jyä'äjty ma ja mëjtsajptëjkën ets t'ëxwojppëtseemy ja ja'ay mëti'ipë ënety jap to'ktëp yajktëpën.

Lucas 2:41

Winjëmëjt ja Jesús ja tyaak tyeety ijty nyëjkxtë jam Jerusalén ko ëmaayxyëëw tpaaty.

Juan 11:55

Ja ëmaayxyëëw ënety wiinkoonëp mëti'ipë ja jutiis ja'ayëty myëjja'awëtëpën ets may ja kajpn ja'ay ojts nyëjkxtë jam Jerusalén, ijxtëm tuntën ets tpatë ja wa'atsajtën naamka'anëm tpaaty ja ëmaayxyëëw.

Juan 13:1

Tyimpatnëp ënety ja ëmaayxyëëw ets nyija'ap ja Jesús ko tëë ja xëëw jëmëjt tpatnë ets ja naaxwiinyëtë t'ëxmatsa'any ets wyimpita'any ma ja Dios Teetyën. Xëmë ijty tsoky ja y'ijxpëjkpëtëjk mëti'ipë yaajëtyën naaxwiiny ets jëtu'un tsojky mapaat y'o'kyën.

Juan 2:23

Ko ja Jesús ënety jam yajpaaty ma ja Jerusalén kajpnën ëmaay xyëëwjoty, may ja ja'ay t'ijxtë ja mëj'ajtën mëti'ipë tyuun kyajpxën ets tmëpëjktë.

Juan 5:1

Tëë ënety ja tiempo wäänë nyäxy ets tam ënety ja jutiis ja'ayëty xyëëwtuntë ko ja Jesús ojts jatëkok nyijkx jam Jerusalén.

Juan 6:4

Tim wiinkoonp ënety ja ëmaayxyëëw, mëti'ipë jutiis ja'ayëty xyëëtuuntëpën.

Deuteronomio 16:16

Tu'kë'ëyë ye'etyëjktëjk tëkëëk'ok jam nyäwya'këxë'ëkëtëty Wintsën wyintum tu'kjëmëjtpë. Jam ma ja it naaxwiinyëtën mëti'ipë ënety yë'ë kë'ëm të twin'ixyën. Jää nëjkx jam nyäwya'këxë'ëkyë ma ënety ja tsajpkääky ka'apë tsyooymyëëtëtyën yajnixëëwtunyën, ma yajnixëëwtunyën ja pëjktä'äky wëxtujk sëmaan ets ma yajnixëëwtunyën ja tëjk nixo'omy. Ni pën tkajëkyepy tninëjkxëty ja Wintsën jëtu'unyë ets ka'ap tii tmënëjkxëty ets tukwintsë'ëkëty.